話說我有一日收到個電話，話佢係入境事務處打嚟，我第一個反應就係詐騙！正想收佢線，佢就問：小姐你係唔係約咗幾月幾日換身分證，我心諗，乜而家啲詐騙咁勤力咩，做多咁多調查功夫！轉頭佢就話因為疫情關係，（下刪一萬字），所以而家打嚟幫你改期。
於是我尋日就去咗換身份證啦。約咗3:00 ，但係我兩點八就到，即刻有得入去辦手續，前後唔使20分鐘就走人。當然係因為疫情關係，至可以早到都有得即刻辦手續。我之前陪過媽媽去換身分證，佢約三點，就算早到左半個鐘，都係三點至有得做。
而家呢段時間我有啲朋友冇預約，就咁行埋去都有得做。
如果你問我覺得呢一個換身份證嘅程序如何，我可以話係冇得頂，流暢快手，負責人核對完資料影完相之後，就過去俾主任覆核，之後就俾張領證通知書我，就可以走人。如果自己唔方便去，就記得問佢攞張代領授權書，不過佢啲中心星期一至六開到夜晚10點，仲有成個月時間俾你攞，都應該可以自己去嘅。
期待新身份證，雖然塊面有啲圓！
#何嘉麗callmegaga #何嘉麗
#入境事務處打嚟#換領身份證
#疫情下的美好時光 #塊面有啲圓
入境事務處打嚟 在 入境事務處打黎，好驚呵 - YouTube 的美食出口停車場
入境事務處打 黎，好驚呵 . 1.7K views · 7 years ago ...more. Stephen KY Hung. 464. Subscribe. 464 subscribers. 9. Share. Save. Report ... ... <看更多>