#傳說中全台北最好飲既長島冰茶
香港人大部分一定有聽過澳牛
澳牛出名d蛋炒得好滑
不過去食過既都覺得d蛋又唔係嘩一聲錦
我無食神條脷其實都唔係點分別到d炒蛋係咪真係特別滑過其他茶餐廳既炒蛋
慕名前來既 其實唔係為左d蛋
係一班想比人鬧既傻仔
我就係其中一個🤷🏻♀️
有一日我睇到有篇文
大概內容講佢去澳牛好失望
因為竟然無比人鬧
d侍應仲好有禮貌對佢
佢覺得澳牛變左
🤷🏻♀️
就係錦
佢覺得澳牛已經放棄左佢地既堅持
黎到台北
原來都有間台北既代表💁🏻♀️
好似澳牛錦
話說呢間野傳聞有台北最好飲既Long Island
錦我最近o係台北上左一個燒酌班
尋晚考完個試
啊同學就話帶我去試呢杯馳名長島冰茶喇
去之前 佢神色凝重地問我
個度無音樂 要講話好細聲 你ok嗎？
我：🤷🏻♀️ok
錦一向o係香港好多飲酒地方都係會靜靜地錦 幾舒服啊
好正常🤷🏻♀️
去到
唔
侍應們都係上年紀既姨姨叔叔
幾特別
坐低一陣
一位阿姨兇兇地錦走埋黎叫我坐返埋d
因為
我突左1/4隻腳板出去個走廊
驚青既我都拿拿臨乖乖地坐返好
錦阿姨都好有禮貌講返句 謝謝
黎到喇杯長島冰茶
唔
好多酒係入面
聽返d去過呢度既朋友都一致講
呢杯野飲飲一杯都可以升仙
所以我覺得呢杯野可以改名做 #一杯掛
好似特色過長島冰茶呢個名
味道就....其實普通啦
可樂base既Long Island佢地改左用橙汁
都係飲到非常strong既酒精
所以我都慢慢飲
戲肉黎喇
其實間舖真係好安靜
大家都係細聲交談
入去坐個時已經聽佢講過幾次要細聲
電話留位個時
電話裡頭都講左 唔可以講野大聲
所以我同朋友都有刻意細聲交談
講到好笑位 我可能笑得大聲左少少掛
啊姐好大聲呼喝：少聲點！！！
嚇到我個刻🤭住左自己個嘴
oh 望真d
原來阿姨係鬧緊隔離位個pair情侶
係我心虛je💁🏻♀️
之後一路我都好留意住阿姨既視線
佢一直都啤住左對情侶
但係其實 我坐係隔離
我都聽唔到佢地講麥
所以
阿姨既聽力真係非常驚人
因為我真係好留意住阿姨既關係
疑神疑鬼既我
講每句野真係好細聲
有時候
我直情好想細聲到用氣聲同我朋友講野
個刻
我覺得自己好似去左圖書館
期間都辛苦曬啊喇
要招呼舖既工作
一邊不停錦控制聲量
飲完一杯我地就離開喇
而我酒量真係唔錯
無掛到🤷🏻♀️
返到酒店我係fb搵到呢間野既打卡
睇下d留言
我見到好多人話自己一向唔點打評論都要過黎比個1分
睇黎佢地真係好嬲
海量留言投訴阿姨好兇 嚇死寶寶
仲話唔會去第二次
但係有一個留言我好深刻
係佢話見到大家既投訴
佢覺得好開心
好感動
因為
證明呢間舖無改變到個宗旨
keep住都係錦惡
keep住堅持要有絕對安靜環境比下班族好好放鬆
唔知點解我就讚好左呢個留言
而我下次去台北都會去返呢間店
飲返佢地杯 #長島冰茶 :))))
#只要你認為正確的事
#就要拼命捍衛
#堅持
#目測店既客人一樣好多
#啊
#店裡面有好乖既狗同貓貓
#黑面伯伯煮完客人既料理就會去玩貓
#玩貓就會笑得好開心
#望到呢個畫面
#心都甜曬
#完
