【#保險你問我答 如何霸氣地借車畀朋友】
問：朋友問我借車但炒咗，我份車保賠唔賠到？
答：
想做霸氣車主借車畀朋友，就要夠膽大心細。大膽相信朋友手車，同時細心咁為有機會發生嘅意外做好準備！
一般嚟講，汽車保險嘅保障係針對車主同保單上指明嘅司機。不過，假如你投保嗰陣冇登記除咗你之外嘅其他駕駛者，朋友揸你架車而遇到意外，要索償嘅時候，保險公司就會按保單條款要求車主支付「不記名司機」嘅墊底費， 如果當中牽涉第三者責任，保險公司亦會喺賠償時考慮相關因素。
仲有呀，保險公司作出賠償嘅前提係投保人冇違反保單條款。就算你一早登記咗你個friend，但如果佢揸你架車嘅時候係無牌駕駛、揸車做商業用途等等，就會影響份保單對你嘅保障！借車之前，記得同朋友溝通好先，萬一愛車有咩損傷，甚至引起法律責任，蝕底都係車主你呀﹗
#無論記唔記名 #最緊要係 #做個盡責嘅車主 #做個守法嘅司機 #蓋世保鑑Insurpedia
