以前會喺讀者投稿前面加上自己嘅意見，今次等大家睇完先，後尾我再講。
＝＝＝＝＝
讀者投稿：Martin1981
我自己開舖頭，普通小生意老細，員工都係得幾個，不過平平穩穩總算做咗6年。
未開舖之前我都係打工，當時發覺求職網雖然有好多招聘廣告，但好多工都唔關我事，因為冇大學畢業，有啲工即使再感興趣，亦明知道可以勝任，偏偏就因為學歷而apply唔到。
細個咩唔識死，走咗去買偽造嗰啲畢業證書，唔係淘寶，我係去ebay買，仲畀我搵到一個seller好專業，鬼佬嚟嘅，成套咁賣一set兩份，一份係科目成績表，一份係畢業證書，真係有火漆印嗰種，我仲可以揀讀邊科、幾時畢業、邊間英國大學畢業，咁當然冇揀牛津劍橋啦，唔需要吹到咁大，只係要張入場券搵工啫。
呢套ebay買返嚟嘅假畢業證書點可能呃到人？你諗緊嘅嘢，同我當初嘅顧慮一樣，每當對方問我拎工作同埋學歷證明去影印，我個心都跳得好快，好驚畀人發現。
我用假學歷前後搵到兩份office工，返工之後就更加覺得諷刺，身邊雖然係大學生，不過做嘢唔覺特別叻，甚至英文都唔係特別好，我中五都流利過佢。有啲所謂大學畢業嘅同事連待人接物都好差，咁樣講唔係要貶低讀過大學嘅人，我都見過某啲大學生同事真係好掂，談吐舉止淡定，我只係想表達，一個人做嘢叻唔叻？有冇責任感？有幾多見識？係好人定係人渣？同學歷可以完全無關，起碼喺能力同埋工作表現方面，同我呢個中五畢業嘅人冇明顯差距。
直至我再用假學歷去轉另一份好鍾意嘅工。
之前兩間公司規模唔大，後來我搵到一份環境再好啲，人工再高啲，不過返咗一個星期左右，HR走嚟問我：「唔好意思，因為我哋send咗email去check，你間大學話冇呢個學生，你當時係咪用其他名？同埋成績表個student number都check唔到，或者你有冇當時啲學生證畀一畀我？純粹send返去校方嗰邊確認。」
HR好好人，我感覺到佢唔係從懷疑角度出發，係真心想幫我解決件事，呢啲亦係外國head office定落嘅規矩，不過我真係太驚喇，之前兩份工嘅reference check只係搵舊公司問嘢，從來冇check學歷。
其實我好鍾意呢份工......
隔咗一日，我同HR辭職，作咗個故仔話有更好offer，本身都考慮緊，既然最後要轉工，所以就唔特別再畀咩學生證佢喇，免得佢百忙一場。
我好記得HR、部門經理、自己team同事，仲有隔離team同事都不斷留我，話我做得好地地不如留低。雖然只係返咗幾日，但佢哋個個都好nice，日日同佢哋成班人食lunch，有一日仲撞正某同事生日，大家買埋蛋糕返office慶祝，我好唔捨得呢間公司，不過再留低就要延續check學歷呢件事，偽造虛假文書係犯法，真係唔走唔得。
除咗識於微時嘅朋友之外，工作後認識嘅所有人如果問起，我都會話自己喺英國讀完大學，如果對方唔問就當然唔會特別提，我都分唔清係想呃埋自己，抑或怕走漏風聲，只係撞正有啲都係從英國讀書返嚟嘅人，每當講起當地生活、趣事、宿舍......我都只能夠支吾以對，因為根本就未去過。
雖然check學歷單嘢最後隨住我resign而冇後續，但心理陰影好大，始終係犯法同埋虧心事，驚上得山多終遇虎，結果我用之前做嘢嘅積蓄開咗間舖，勉勉強強做得住，不過呢半年受疫情影響，生意無可避免差咗好多，再係咁落去，舖頭應該撐唔過2020年，我好唔想再出去再搵工，但如果真係要行呢一步，我會用返中五畢業嘅學歷，唔想再提心吊膽。
搵個樹窿呻完，多謝有你呢個地方，因為咁唔光彩嘅秘密，連我老婆都唔知，佢係我以前一份工嘅同事，佢都以為我係大學生，而其實學歷問題係我人生最大嘅遺憾。
＝＝＝＝＝＝
睇完之後，首先我想分享下以前做HR同埋Headhunt嘅經驗。
做HR嘅時候，我嗰間的確唔係咩大公司，大約120人左右，公司冇要求喺學歷方面要check，反而老細較著重candidate舊公司嘅reference check，而我都知道好多規模唔大嘅公司，雖然請人嗰陣都有學歷要求，但education background check嘅情況並唔多，亦相信有人曾經用過投稿讀者嘅方法搵工。
至於Headhunt公司方面，印象中只有做過幾次education background check，因為大公司通常由佢哋HR自己做返，甚至係再外判出去搵其他機構做。
無論你apply嘅公司check定係唔check，又或者用咩方式去check，偽造文書的確係好大件事，唔好以身試法，搵份工啫，得不償失惹埋官非就好唔抵，無謂心驚膽顫。
「Martin1981 」選擇分享呢件事出嚟，表明係自己嘅遺憾，聽得出佢後悔同埋耿耿於懷，但由於有顧忌而冇留低聯絡方法，我唔知道當中更多細節，喺度順便再講多少少。其實我遇過好多candidate，當中一部分都唔係大學畢業，亦有好多係因為唔同嘅原因，令到當時冇直接讀大學，要做咗好耐嘢先再讀返。
我唔否認好多公司嘅職位或者工作內容根本唔需要大學畢業，而學歷同工作能力亦未必成正比，呢樣我完全明白，不過唔止香港，好多地方都係一樣，畢業證書就係一張入場劵，如果「Martin1981 」已經穩定咗落嚟，不妨選擇再進修，去讀返個學位返嚟絕對唔遲，我了解你諗咩，之前已經有自己生意，又咁大個人喇，而家先走嚟讀書似乎太遲。
進修係為自己，永遠唔會遲，繼續諗落去而冇行動先叫做遲。我唔知你幾多歲，其實三十幾四十歲先再進修大有人在，始終嚟緊嘅路冇人知道會點，希望你好好裝備自己，唔好再用假學歷去搵工喇，有人嘅學歷同工作能力不成正比係佢哋嘅事，最重要係自己心安理得，祝一切安好。
假學歷 偽造 文書 在 [新聞] 男冒充「交大碩士」騙到工程師Offer！「 - 看板Tech_Job 的美食出口停車場
男冒充「交大碩士」騙到工程師Offer！「報到1細節」秒被人資洗臉
ettoday
https://www.ettoday.net/news/20201121/1859735.htm#ixzz6eQWqM0Xs
記者陳羿妏／高雄報導
高雄一名男子阿宏（化名）去年2月間冒充國立交通大學碩士，應徵上某科技公司的網頁
工程師職位，報到前製作假畢業證書後，於交資料過程遭公司人資查出履歷簡表與他的學
位證書「所載日期」不符，經校方證實，全案因此曝光。日前高雄地院依偽造文書罪，將
阿宏判刑3月，得易科罰金18萬，可上訴。
判決指出，阿宏去年2月間於求職網站把自己的學歷登載為交通大學電機資訊學院（電信
學程）碩士畢業，以此應徵上一間科技公司的網頁工程師，而到公司報到前，他分別以擷
取國立交通大學碩士學位證書的圖檔、印文，在該圖檔上記載其姓名、出生年月日、碩士
學位、證書編號及學號，並偽造校長簽章、校印等方式，製作「假的畢業證書」。
不過，報到當日，公司人資收到畢業證書後，發現阿宏提供的證書與履歷簡表所載日期不
符，進一步向交大求證，獲校方證實，確實查無阿宏此校友，全案因此曝光。對此，阿宏
辯稱，他在20年前就偽造，因當時把該證書與其他資料放一起，才會不小心拿給人資。
不過，檢方查出，阿宏的履歷簡表上均刊登為交通大學電機資訊所（畢），錄取報到亦填
寫相同學歷，被抓包偽造履歷後，阿宏仍在求職網站記載一樣學歷，難認是不小心夾帶出
門，依偽造文書罪起訴並聲請簡易判決。日前高雄地院審理後，將阿宏判刑3月，得易科
罰金18萬元，全案仍可上訴。
--
※ 發信站: 批踢踢實業坊(ptt.cc), 來自: 180.217.133.183 (臺灣)
※ 文章網址: https://www.ptt.cc/bbs/Tech_Job/M.1605958087.A.D2F.html
... <看更多>