[香港 元朗] 天氣轉凍最岩就係 #打邊爐。呢個係全年最後一次，亦係唯一一次出街打邊爐。之前晚市仲係四人一枱，一家人分咗兩枱去倫哥私房菜 Lun Gor Private Club打邊爐😋 我哋已經係第三次食倫哥，水準依然保持到，而且價錢唔貴👍🏻我哋點咗$288火鍋+雞煲無限時任食套餐，包時令海鮮任食，頭盤更送青蟹一隻，啱晒我哋成班海鮮控!
等候期間先送上幾款前菜：
胡麻豆腐、麻辣四季豆、冬菇扣鮑魚，鮑魚軟腍，冬菇炆得非常入味。
之後上 #雞煲🐔
雞煲係倫哥招牌菜，雞肉份量慷慨，醬汁惹味又唔會過鹹，雞件嫩滑入味，雞件係無限任添，不過我哋就決定留肚冇再添啦😛
火鍋湯底有六款選擇，我呢個係 #蕃茄湯底 🍅 #海鮮拼盤 好豐富，有帶子、青口、蝦、魚片、蜆、魷魚、桶蠔等，仲有贈送嘅青蟹！海鮮好新鮮，帶子、蠔及蟹無得refill，不過其實都已經好豐富。另外仲送咗一碟 #牛頸脊，肉味濃郁，完全唔肥！
除咗配料櫃嘅食材之外，我encore得最多嘅就係 #黑白墨魚蝦滑 🐙 墨魚滑及蝦滑都係人手手打，口感超彈牙，而且食到墨魚粒及蝦仁，真材實料！我足足encore 咗幾round 🤣
倫哥火鍋放題任食有一個好處，就係不限時。有時放題未必話想食好多，但真係唔想食得太趕頭趕命💕喺呢度就可以一邊打邊爐，一邊成家人傾傾計，不受拘束！最後仲有甜品送🥰
PS. 唔同分店好似有唔同嘅安排，有d分店有做外賣，有d分店有做午市堂食，建議自己打落舖頭查詢🔍
