驗證一個人是否八婆的方法，就是看他/她有多少hashtag。 #恭喜八婆
【《恭喜八婆》#hashtag 劇情海報新鮮出爐】
《低俗》X《春嬌》班底 X新朋友祝大家冬至快樂 團團圓圓
八個八婆 八種香港人眾生相
各有心事 喜怒哀樂 一湧而上
彭浩翔：「#hashtag就係香港人生活重要部份！」
由梁詠琪、梁洛施、徐天佑、謝賢、陳靜、林雪、陳奐仁及陳逸寧等主演，彭浩翔執導之首部賀歲片《恭喜八婆》製作花絮現已在網絡平台上瘋狂洗板中。
《恭》片今日再有新海報登場，片中八個「八婆」梁詠琪、陳靜、徐天佑、陳奐仁、陳逸寧、林兆霞、谷祖琳及丁可欣釋數登場，海報中八人神情落寞，似乎滿懷心事，少有見到賀歲片主要角色也有自己情緒低落的一面。導演彭浩翔指：「一如既往作品，《恭喜八婆》每個角色都會有自己嘅喜怒哀樂，有順境有逆境，亦各有得失。海報上面八個角色喺冰室呢個最生活化嘅地方遇上，失落、擔心嘅情緒湧上心頭，比喻我地戲中嘅故事發展，八個久未聯絡嘅朋友，喺人生低潮之中再一齊成就一件事，亦同時拯救眾人嘅友情。藉住呢張海報，代表台前幕後所有工作人員祝大家冬至快樂，團聚一齊會有更大力量！」
海報上方放上不同類型hashtag，包括「#春嬌與志明低俗喜劇大合體 #笑就梗嘅、#過年入吓戲院係訂律嚟㗎、#春嬌姐妹團、#咦GiGi豬年又做返女警噃、#別人怪我太瘋癲我話豬年笑咗先、#爆炸糖、#仲有千fa呀、#DaDa個胸真心大、#老友落難時間有限 #只有八婆可以打救你、#借錢梗要還笑完先再慳、#一次有前冇後打死把就嘅姐妹拯救、#駛唔駛咁X多Hashtag呀」。導演彭浩翔：「緊接頭先提到每個角色都係有血有肉，有唔開心嘅時候，其實我想透過呢張海報表達#hashtag就係而家香港人生活嘅重要部份，大家會透過hashtag發泄不滿同分享快樂，將自己生活上所感所想放哂喺文字入面，係一個最有效率嘅發泄出口！」
問到片中演員哪一個hashtag最代表到自己，陳靜：「我自己當然最多hashtag #爆炸糖，係彭浩翔導演喺《低俗喜劇》寫咗呢個角色，帶到我上金像獎台。呢張海報令到我地八個八婆角色嘅人物性格更立體，相信會令觀眾留下更深刻印象，非常符合導演充滿玩味同瘋狂嘅本意。」；而陳逸寧、林兆霞和谷祖琳則表示：「導演果然係成日掛住我哋#春嬌姐妹團，呢個姐妹團成員包括千嬅都會喺電影入面分別再次同觀眾一齊見面，全新角色但精神不變，繼續同大家一齊成長！相信電影上映後又會好似《春嬌》系列一樣有好多又貼地又生活化嘅搞笑抵死對白俾大家做新hashtag！」
電影《恭喜八婆》由艾霹克娛樂出品、正在電影攝製及巴福斯影業宣傳及發行。1月31日搶閘賀歲，全港盛大獻映。
