好好笑，香港都跟左大陸廿年啦，香港有冇好過？
呢條友，唔做特首走去做KOL真係好煩兼且好討厭。
英國個脫歐係衰，起碼都係一人一票投出黎，大家再唔滿意都要小數服從多數，大家為自己嘅決定負責，輸死無怨。
香港啲港珠澳大橋、賠本高鐵，雖然有拉下布，你咪又係一樣過到立法會？好啦，起左啦，結果有好好咩？香港係咪從此風生水起，人人都可以「乜都唔做就收幾千萬」？
民主，最大嘅力量係「票債票償」，政客要向公眾負責，所以衰極有譜，除非佢諗住做埋今屆就收山啦下。
我覺得好簡單，唔好成日話香港想跟歐美行民主有幾差，大家公平點，做個十年實驗：下屆開始普選特首、取消功能組別，如果十年後香港更差，我唔會再話你西環治港有問題，我保證自我收皮。
#成日打呢啲口水仗好無謂
#茶餐廳呀叔咁
#喂大佬我地話晒都讀過少少書
#俾啲水平睇下好不好
咪講咁多，有無試過？有無機會試？
點解啲仔女又去廢國留學？
#狗唔笑
#貓都叫
