＊留意，今日起鴻騰6088及眾安6060將納入港股通，代表北水可以開始入貨。
蘋果日報－異動空間－騰訊幾錢重注買？
「騰訊（700）幾錢可以重注買？」魏力見到呢個問題，好震撼。買都唔緊要，仲要重注買，諗住博全壘打。騰訊由高位439.6元殺落385蚊，插落來的速度感你同我絕對feel到。打個比喻，閣下站在路軌，有架時速300公里的火車衝埋嚟，你想跳上車，應該點做？
選擇一：唔閃唔避，硬食，火車一到就跳上車頂。你當自己是蜘蛛俠？呢種做法，只要跳遲0.1秒，肯肯定身首異處。生命無take2，炒股啫，真係要賭命？
選擇二：安全至上，企埋一邊，等架火車高速駛過之後先追車。無錯，追車尾唔會俾車撞，但你短跑快唔過保特，九成九都追唔到，又係飲恨。
選擇三：都係企埋一邊，但火車頭一到就開始由側面試跳上車。一次就掂固然型爆，萬一衰咗，仲有機會試多兩次。呢個方法當然都有風險，但重點係你畀幾次機會自己，萬一失敗都係擦損撞瘀，唔會致命。不過請留意，撈股王呢種級數的股票先用呢招，用來撈細價股？輸死未天光。
騰訊可以撈，但應該打散注碼，拉勻個成本價通常就比較平。「無咁多注喎，得把刀仔，用輪證去鋸樹得唔得？」自問身手好過蜘蛛俠的話先好去試。
＃請繼續likeandshare
