是咁的，Update下我呢輪做啲乜，
同好多人一樣，呢輪停工了，
雖然係叫停工，不過感覺就好似失業咁，
其實都成個月啦...
但又咁岩我係呢次停工之前，
身體響起左警號，個上腹周不時抽住抽住痛，
其實我都係時候抖抖做個詳細既身體檢查...
前排飛完班美國機翻黎，
雖則話我飛個時美國翻香港仲未需要家居隔離，
但飛到過去後呀頭話酒店附近都有confirm case，
所以都戴哂罩出酒店買野食，以防萬一。
翻黎香港個程機都盡自己最大能力去係衛生上去保護自己，
好勤洗手，罩不離口，野都唔敢食，
講真好大心理壓力，要知道呢隻病你完全唔知你幾時接觸到，
都唔知會唔會受到感染。
我翻到香港，都盡量唔去街，但係上腹chok住chok住，
一戴起個罩，就好鬼想嘔，
而且我又成日疑神疑鬼，硬係覺得自己唔舒服，
個時又未過14日，所以為左安全起見，
我就去左check呢個深喉唾液，
工種問題，就只係得公立醫院收症...
不過就係咁，我過左最無助既10小時，
其實一去到醫院，護士知道我到過美國，
而病房已經唔夠位啦，
已經一早將我擺左去隔離區。
好直接地去過海外既人，基本上都要做深喉唾液既test，
老實講係隔離區一啲都唔好過，
雖然係ourdoor area，不過由於同其他被同批到隔離區既人只有一個壁布板之隔，
心理壓力最緊要，反而最怕俾隔離傳染，
You never know呢隻病毒變種成點。
不過醫護人員真係好好，好關心大家，
亦都盡最大努力令到成個空間唔會互相傳染，
包括如果有人去左廁所，必須通知醫護，
佢地清潔好，先到另一人去廁所，
另外去照肺同深喉唾液既test時，
佢地亦都會清潔好成個做test空間先俾另一個入去做test，
所以都需時。
成件事其實好重要，因為我後來睇新聞發覺我隔左兩個壁布板既人最後好似係positive(我希望係估錯)。
我自己又衰，諗住晏就一點去，
早去早走，但原來唔係，連同等候時間，
最後都要成夜晚十點幾先走到，
用左成十個鐘，但係我午餐都無食，
醫院方面好好人俾左啲水同餅乾俾我頂下肚。
講到尾，只希望疫情快啲完，
因為香港人為打呢場仗大家自己都出左好多力，
我好想快啲擁抱陽光，快啲去到旅行。
#後續我去左專科睇腸胃
#係腸胃搞到我勁想咳
#只希望身體健康
#唔知繼續unpaidleave到幾時
#如果你真係要去check要預左十個鐘
#一係就三點先好去因爲係同一batch驗
