#新手爸媽二三事：BB 應唔應該用奶嘴？
試過問好多新手爸媽，反應都好兩極：反對用奶嘴嘅爸媽，好多時都覺得，如果用奶嘴會易造成依賴性，會令BB 掛住食奶嘴而唔想飲奶，亦覺得用奶嘴去安撫 BB唔好，唔應該俾 BB太倚賴。
但係支持用奶嘴嘅爸媽就認為，用奶嘴去氹 BB一陣其實都冇問題，反正又唔影響到人， BB啜吓啜吓又容易安撫平靜入睡。
當然，奶嘴不是一個必須的用品，不過有研究顯示，用奶嘴可有助降低初生嬰兒猝死的風險，原因有機會是BB飲完奶之後未完全掃風， BB有嘔奶的情況，而用奶嘴就可以減低相關的風險。另外亦有研究發現，啜奶嘴有助促進BB的口肌發展。
不過，奶嘴始終是一種輔助品，如果使用奶嘴，有幾樣事情需要留意：
1. 絕對不能用奶嘴來安撫肚餓的 BB. 如果 BB夠鐘飲奶，但未能及時準備，千萬不要俾奶嘴BB啜住當氹住佢。BB以為真係有奶飲，大力吸啜吸啜，到佢真係有奶飲嘅時候，已經冇力再吸啜，亦會影響消化吸收
2. 如埋身餵母乳的 BB，頭幾個月盡量不要使用奶嘴，避免有混淆的情況出現。
3. 不要長時間使用奶嘴作安撫， BB發脾氣，哭鬧，其實可能有其他需要，例如肚餓，身體有不舒服，受傷等等。如果一見 BB哭鬧就給它奶嘴作安撫，可能會忽略咗他其他的需要。
4. 父母應該設定好一個戒奶咀的時間，最佳戒奶咀的時間大約是一歲至最遲最遲兩歲左右，不過要循序漸進，俾小朋友慢慢適應。
#新手爸媽二三事 #BB奶嘴
#係真奶嘴唔係電子奶嘴
#營養師 #Nutritionist #AnnieLee
