關於 係咁話自己都要冷靜下先 ，我們在網路上蒐集到這些相關的討論、資訊與評價

【 #舊時嘅戀愛方式 - 《甜爺爺》公公教你點用老套對白追女仔！】

「舊時嘅女仔係要追㗎，邊似而家溝女咁簡單！」

如果話而家已經無咗追女仔呢樣嘢，我諗在座各位都唔會反對。以前無電話，上一輩啲爺爺會攞住紮花特登去心儀對象做嘢嘅地方，着到官仔骨骨練埋對白，就係為咗約鍾意嘅女仔去睇戲～ 而家兩個人一齊，仲邊使表白咁老套㗎！你flirt下我，我flirt下你，feel到大家都有啲意思，就自自然然出街然後一齊，分分鐘做埋其他嘢先一齊添呀（拿我講拖手咋下...）雖然咁做少咗好多尷尬，但又唔能夠否認，係少咁啲浪漫... 最近小編睇咗ViuTv套《甜爺爺》，原來喺以前個年代，每個爺爺都要出盡渾身解數，先抱得嫲嫲呢位美人歸。今日就等小編帶大家睇下《甜爺爺》入面嘅爺爺們，當年究竟有幾識氹女仔，分分鐘仲識cow女過你啊！
.
「一見鍾情苦等7年 以前鍾意人邊有咁易放棄」

喺咁多位爺爺入面，小編尤其心水今年74歲嘅素人爺爺阿bee！除咗因為佢最口甜舌滑，咁多位爺爺亦屬佢最長情～ 根據爺爺憶述，當年佢20歲對樓下士多太子女（亦都係爺爺而家老婆）一見鍾情，成日借啲意去買汽水，就係為咗望多兩眼同人地吹多兩句水… 奈何當時好多人追呢個女仔，而爺爺爺爺又話自己只係個爛鬼消防員（當年風氣更鍾意白領、返寫字樓嘅男士），所以一直都被外母反對。但阿bee無放棄，堅持苦追老婆7年，最後用誠意打動咗佢一齊去睇戲，終抱得美人歸～ 以前鍾意一個人，無咁多爾虞我詐，亦唔會漁翁撒網，鍾意一個人就一心一意，唔會咁易放棄。
.
「舊咗嘅嘢有人會掉 但亦都有人選擇補返佢」

喺節目入面，周中師傅提到佢當年同老婆拍拖唔夠一年就閃婚～ 主持人隨即問到話咁會唔會太快，但師傅就話拍拖長短同可唔可以天長地久係兩件事，其實最重要，都係結婚之後點樣維繫同相處。的而切確，拍拖短唔代表唔可以一世，愛情長跑一樣可以分手。每段愛情放耐咗都會舊會殘，但老一輩結婚之後仍然會好珍惜段關係，就算係再舊嘅嘢（連爺爺都大爆另一半已經走晒樣…），喺爺爺心目中，仍然係無可取代。
.
小編記得睇節目嗰陣笑到hihi，因為爺爺啲溝女對白真係老套到癲，但唔知點解又會令你sweet到吱一聲笑咗出嚟… 可能呢啲就係上一輩戀愛方式獨有嘅浪漫吧～～
.
#話說娟姐使唔使咁high #係咁話自己都要冷靜下先 #笑死 #情侶 #愛 #愛情 #拍拖 #香港 #搞笑 #愛情故事 #viutv #甜爺爺 #金句 #語錄 #爺爺 #復古 #60年代 #老香港
.
睇咗笑完就算？不如追蹤埋我哋啦！
即Like @港式情侶 HKstyleCouple 收聽更多港式愛情趣事、一齊學識點樣愛❤️
IG : https://instagram.com/hkstylecouple
歡迎DM投稿戀愛趣事/愛情煩惱，我哋等緊你㗎😙！

《第107故事分享及哈佛知識分享(足本)》第一次全家分享故事: 當神仙遇上凡人

聖誕及新年假期，我第一次全家為你送上故事祝福。

.... 從前有個神仙，希望親自完成凡間每一個人嘅願望。 有日佢化身做了個凡人，遇上不同路人的經歷 .... 你又會是那個路人呢? 這個故事理念有沒有科學根據？ 根據哈佛心理學教授Daniel Gilbert 指出....

......
.
.
.

故事全文:

《第107故事分享及哈佛知識分享(足本)》第一次全家分享故事: 當神仙遇上凡人

從前有個神仙，希望親自完成凡間每一個人嘅願望。 有日佢化身做了個凡人...

係路上遇到一個丈夫係度喊: 「 我老婆啱啱患咗重病過身，我人生無晒意義，以後日子點過? 」

神仙就問呀丈夫: 「咁我有咩可以幫到你，完成你嘅心願?」

「我想要返我老婆!」

「 ok，無問題！」

就係咁， 阿老婆就喺阿丈夫面前返生。 大家互相擁抱，丈夫好開心!

「多謝恩人，多謝恩人」

行多一陣，佢喺路上又遇到另一個乞兒。 乞衣好可憐咁， 不斷叩頭，跪喺個地下道乞錢。 佢又問阿乞兒:

「我有咩可以幫到你，完成你嘅心願?」

「我淨係想乞夠一千蚊， 咁我就成年都唔使捱餓啦!」

「 ok，無問題!」

就係咁， 乞兒就袋咗張一千蚊， 佢從來未見過一千蚊係咩樣，佢拿出嚟又聞又望，越聞就越開心。

「多謝恩人，多謝恩人」

再行多一陣，佢喺路上又遇到另一個單眼海盜 ，雖然佢已經上曬岸，重歸正途， 佢始終好懷念以前兩隻眼睇野嘅世界:

「我有咩可以幫到你，完成你嘅心願?」

「如果我可以有返兩隻眼睇野， 咁我就咩金銀珠寶都可以唔要喇。」

「 ok，無問題!」

就係咁，又搞惦咗!

「多謝恩人，多謝恩人」

神仙覺得原來滿足人嘅心願係咁容易，佢就開始沾沾自喜。 直至遇到下一個路人。

佢英明神武，有錢有勢，有老婆有父母有仔女，乜嘢都有，可惜日子就係過得唔快樂。神仙又問佢:

「我咩人都可以完成佢嘅心願，我有乜可以幫到你?」

「我想要幸福!」

「 ok，無問題!」

老婆父母仔女係晒佢身邊，一家人食飯，個個都好關心佢。

佢無晒表情，話「哦，咁就叫幸福啦!」

神仙覺得佢未感受到幸福，就再試下!

好多金銀珠寶就係佢面前出現。

「哦，咁就叫幸福啦!」

神仙再試下!

把佢變得更加高大威猛， 肌肉紮實， 連個鼻都長高咗半吋!

照照塊鏡，「哦，OK!」 依然面目無情。佢話:「睇嚟，你呢個所謂嘅神仙都係無用㗎啦!」

神仙聽後好嬲， 一怒之下就決定懲罰佢，變走曬佢嘅財富，健康同親人。瞬眼間佢變成個乞兒， 跛下跛下，自己孤伶伶咁喺條街度乞食。

過兩日，神仙啖氣過咗，冷靜下來就對自己之前無理懲罰人嘅行為有啲內疚，就決定回去探下個人點。

「你仲問我點? 我而家乜都冇曬啦! 你走把啦!」

神仙見佢咁慘， 就決定將佢變走咗嘅嘢，變返晒畀佢。

從此，佢又再次英明神武，有錢有勢，有老婆有父母有仔女，仲有多咗樣嘢，就係...

(他多了樣什麼?)

「多謝恩人，多謝恩人，我終於知道咩叫做 ...... 幸福啦!」

故事帶出乜嘢理念?

做人，最好嘅 , 就係 Live in the Present (活在當下). 最好嘅嘢已經係你身邊， 你好好珍惜/享受的話，我相信凡事都會變得更好。

其實唔單只我相信，根據哈佛心理學教授 Daniel Gilbert 係2010年做咗個研究，佢搵咗2200 個人參加實驗，用咗一個 iphone app 叫做 "trackyourhappiness" ，係不定期嘅時間聯絡嗰班人，問佢哋 (1) how are feeling? 100分就代表最開心，0分就代表最唔開心。(2) what are you doing? 你做緊乜嘢? 同埋 (3) are you thinking about something other than what you are currently doing? 你係唔係諗緊啲其他嘢?

目的就係睇佢哋做緊啲嘢，同諗嘅嘢，係咪一致/集中，抑或唔同， 即係代表個腦係道「遊緊魂」"Mind Wandering". 如果遊緊魂嘅話會再問佢，你係

(1) 諗緊啲唔開心嘅嘢 unpleasant mind wandering，或
(2) 諗緊啲中性嘅嘢 neutral mind wandering, 定
(3) 諗緊啲開心嘅嘢 pleasant mind wandering

研究結果顯示， 人有平均47%嘅時間個腦係喺道「遊緊魂」Mind Wandering， 即係做緊嘅嘢同諗緊嘅嘢唔一致。 問佢哋開唔開心嘅話就發覺， 從統計學角度 multilevel regression 指出，越遊魂嘅人就越唔開心，越集中一致做緊嘅嘅人就越開心。

睇下呢個圖， 左邊代表唔開心，右邊代表開心。 越大個波，代表sample size越大，即係越多人回覆。 中間嗰條一點點嘅綫，就代表平均值。研究發現:

(1) Unpleasant mind wandering 佔所有25萬個回覆嘅12.5%, 係令人最唔開心，開心指數只有42分。
(2) Neutral mind wandering 佔14.5%，有62分。
(3) Pleasant mind wandering 排第二開心，佔19.9%，有69分

(4) 最開心嘅，就係 Not mind wandering, 佔53.1%，有71分

即係話即使你個腦係諗緊啲開心嘢，都唔夠你個腦集中注意力喺依家做緊嘅嘢開心。 點解? 就係因為你專注，先至能夠 apprepriate 真正地感受到嗰一刻嘅 touch and feel，而嗰一刻係最直接有機會能夠令你最開心。 即是我睇舖，都經常合埋隻眼去 feel 間舖! Really!

想睇佢哋做緊Present啲咩嘢，再睇埋上半part 個圖。最唔開心，就係休息或者返緊工嘅時候。最開心? 就係傾計，做運動，同埋make babies 嘅時候，你明我意思啦。

最好嘅 Present, 就係 Live in the Present 係有科學根據㗎！ 最好嘅嘢已在身邊，想幸福? 你依家又唸緊啲乜呢?

「本報訊，一名女子於昨晚下班時，約十時三十六分，於公共屋邨安樂樓三十六樓D室墜下。女子當場身亡，沒有檢獲任何遺書。警方認為死因無可疑，X小姐報導.....」

線上收聽：
Spotify，itunes。

＿

曲詞 Composed&lyrics by/ 張匡佑 Jason Cheung
編監 Produced and arranged by/ Tomii Chan
混音Mixed by/ Wena Ho

介紹：

「本報訊，一名女子於昨晚下班時，約十時三十六分，於公共屋邨安樂樓三十六樓D室墜下。女子當場身亡，沒有檢獲任何遺書。警方認為死因無可疑，X小姐報導.....」

X小姐為港聞版記者，主力撰寫A1報章頭條。
她那天晚上直擊報導後，於屋邨後樓梯抽瘀時，竟發覺口袋裡的香煙已吃完。湊巧碰見公司同事，負責娛樂版的Y先生，便向他順手取了一根煙。
Y先生正為明天C1頭條煩惱，不過經過短短這根煙的時間，X小姐與Y先生正談得興起。與案發現場湊熱鬧的師奶們一樣，把這裡曾經凝重的氣氛都沖淡了。
Y先生放鬆完後，便微笑一下轉身離開，彷彿想到了什麼似的。

翌日的娛樂版C1頭條：
《夜蒲谷爆36D少女竟從36樓D室跳了下來》

＿

歌詞 Lyrics：

在某夜這裡 我發出呼叫大概喝得很醉
沒有力歸去 兩雙手臂在我手心裡
你一句他一句彷彿要嘉許 現在做得很對
我問你是誰佢是誰
為什麼出現在我的家裡

可能你只是想喝口冰水解解醉
或者為我佈置新居

「不如你 把衣服通通都脫下來」
「不如 我們把你憂鬱的心事打開」
我說你 別過來別過來
我說你 別過來別過來
請勿對我作出傷害

「不如你 冷靜不要做傻事快些下來」
他們越叫我下來 我偏偏不敢下來
雖然言語上為我著想 但卻感受不到半點愛
就這樣跳了下來 我就這樣跳了下來
跳了下來 仍未感受半點愛
他們也立即離開

就這樣一跳 這篇新聞立即上了頭條
「夜蒲谷爆36D少女琴晚係佢自己嘅住所36樓D室跳左落黎」
無論放在C1頭條或是A1頭條
都只是為了博你一笑
＿

MV Credits //
Castings/

Rita Chan - 酒後少女
Karen Lee - 遇溺者
INK - 救生員
Ballshing Yau - 得獎者
Elvis Chan - 健身教練

Director & Producer/
Walter Lai

DoP/
Casper CHIU

Camera Operator/
Anfernee Ting

Lighting/
Bankey

Production Assistant/
Janice Lo, James Law, Miaow Ng, Casey Chan, Geniuz F

Hair & Make Up/
Candice Lai

Special Thanks HITA, SEEAHOLE, James, Peggy, Eddie Chin Ngai Lin, Ryan Wong & SL Ho, Donald Fong
＿

後按：

望到呢個水蛇春咁長嘅歌名，有啲朋友可能對佢有啲印象。呢首歌其實係我推出嘅第二首歌嚟，連同大家熟悉嘅《不經不覺》，一齊放響《呆滯·焦點》嘅單曲碟入面。
這個MV其實於兩年前已經完成拍攝，放了很多心思去構思，跟拍攝朋友亦開過無數次會議。我亦碌爆人情卡找了五位朋友，他們當時都二話不說參與演出（實在無言感激）。不過當中有啲細節處理得不夠好，MV曾經一度石沉大海，未能推出。那陣子嘅我失望了一陣子，覺得白白浪費了團隊所有人的汗水，而我也很感激當時開解小弟嘅每位朋友，在心中。於是及後繼續創作，慢慢把事情放下，學習更多與他人溝通合作。凡事豈能盡如人意，不如意都事十常八九。
不過更加估唔到嘅係，嗰一二就係咁走左出嚟。
哈哈哈....

Jason字

◼︎更多張匡佑相關資訊：
張匡佑官方FB：cheunghongyau
張匡佑官方Instagram：@cheunghongyau

我學習做YouTube的地方：http://goo.gl/zNT6Ck

黑豹第一日上映我已經睇咗兩次，今次想用一個角度嚟貫穿今次嘅影評－就係「對比」。未講點解係對比之前我想大家睇黑豹唔係當佢係一部英雄電影去睇，而係用點解黑豹會係MCU十週年嘅頭炮電影去睇。雖然同以往嘅英雄電影一樣，劇情上都有一個公式，但無論喺鏡頭、畫面、對白、角色等等都有一定程度嘅象徵意義喺入面，而我會用「對比」呢個角度去探討呢種種方面嘅象徵意義。

(劇透)

先講講電影比我嘅感覺，一套兩個鐘多啲嘅電影節奏拿揑相當之唔錯，對白有一定嘅深度去建構每個角色嘅性格，唔同場面嘅對白交代到唔同嘅背景關係，例如一開頭T’Challa返到Wakanda同媽媽阿妹嘅對白會感受到佢地嘅溫馨，華生飾演嘅CIA人員審問偷汎合金嘅KLAUE個陣可以知道KLAUE走私Vibranium嘅背景啦，同埋會知道外面嘅人係真係對Wakanda一無所知。順帶一提，KLAUE就喺Age of Ultron到已經係走私Vibranium，佢隻手就係比Ultron斬斷。除咗對白拍攝手法都充分呈現到Wakanda係一個點嘅國度，首先會有好多wide shot比觀眾睇到成個Wakanda嘅picture，另外我好鐘意好多「一take過」嘅鏡頭令到個空間感好強，呢種類型嘅鏡頭會令觀眾更加容易遊覽一個好大嘅空間，例如舉行儀式個陣女侍衛團用長矛打地嘅震動落水再出返天空wide shot去瀑布、賭場入面嘅打鬥由上面嘅Okoye一take影落下面嘅Nakia再cut去T’Challa打到上樓上同KLAUE對持射爆咗個錢箱，仲有華生喺實驗室起身，令幾個shot都係我個人最鐘意。

言歸正傳，我地開始入「對比」呢個角度。

十年前後的對比
十年前，MCU第一部電影IRONMAN，已經同樣地都係英雄起始電影。其實我自己會覺得MARVEL STUDIO係特燈揀黑豹做十週年頭炮嚟同IRONMAN做一個對比。首先，英雄嘅特徵其實係幾相似：超有錢、有高科技support、同樣地都係用盔甲嘅英雄。其次，故事劇情都係圍繞住英雄性格嘅改變。我會認為MARVEL STUDIO想透過用同樣都係英雄起始電影，呢十年佢地有幾大改變。而講述T’Challa作為一個國王點樣蛻變嘅故事正正可以象徵住呢一點。

Tony Stark同T’Challa嘅分別係咩呢？十年前MARVEL喺破產嘅情況底下問銀行借錢搞MCU，但個陣如果佢地失敗就會失去差不多全部角色嘅電影版權（我會推薦超粒方出嘅邁向無限之戰IRONMAN篇比大家睇）。作為第一部MCU作品，IRONMAN講嘅係一個風流自大嘅天才點樣改變，喺個陣嘅Tony Stark你唔會搵到成熟嘅感覺，就好似IRONMAN電影本身，係一個各方面都能力有限嘅新嘗試，我認為IRONMAN嘅成功會喺因為本身英雄選角得啱同副甲好型呢D因素，因為我本身覺得睇英雄電影呢件事就係大概知道劇情係點，入去只係會集中睇D動作場面同英雄點型法身上；而經歷十年嘅黑豹，由T’Challa性格已經話到比大家知佢本身已經夠成熟成為一個國王，故事就係話比大家知佢要點樣去成為一個獨當一面嘅國王，亦同Marvel一樣，MCU已經喺一個成熟發展嘅階段，以十週年頭炮嘅黑豹話比大家知，一部英雄電影係可以建構出Marvel獨當一面嘅深度。

所以我會認為故事藉著用「對比」呢個角度話比觀眾知黑豹比起十年前已經係一個有故事兼且成熟嘅英雄，所以電影入面都會有好多「轉變」帶出對比感。

先講主角T’Challa嘅轉變
T’Challa喺電影嘅形象由一開始已經係好冷靜沈穩，無論喺開頭同Bako嘅挑戰儀式最後叫Bako投降話啲族人需要佢再去到中段佢同華生嘅交談show到佢嘅外交能力。但有一樣嘢佢需要改變就係Wakanda過於傳統嘅思想，而佢點先可以察覺到呢樣嘢再改變呢？其實電影一開頭已經舖咗路。一開頭喺飛船嘅時候Okoye叫T’Challa見到佢個ex Nakia嘅時候唔好嚇親，佢就話 I never freeze 佢從來都唔會嚇親，但佢一見到Nakia就真係比佢嚇親，喺果個時候嘅Nakia係一個扮難民嘅間諜，呢一個嚇親可以係一個唔知道外邊世界苦難嘅國王見到呢啲苦難而被嚇親，電影中Nakia可以代表住兩樣嘢：1. 一粒改變Wakanda傳統嘅嘅種子 2. 相對代表住國民嘅離心。所以喺電影開頭已經喺T’Challa同Nakia嘅相遇，T’Challa潛意識已經被落下種子要改變Wakanda，亦呼應T’Challa想成為一個好國王嘅心。咁點解佢嘅轉變就一定係變好先，電影亦都透過好多場景比較呈現：

(一) 同先王嘅對比
T’Challa同爸爸喺祖先平原對話，從兩次對話嘅比較可以見到先王T’Chaka都有呈現一種只為國家著想只為國家做事嘅感覺。第一次個仔同佢講話仲未ready，佢就反問返個仔「你唔係已經準備咗做國王好耐喇咩？」，個仔就話係未ready無咗佢。第一次對話已經表現到先王對於國家以外甚至親情都擺喺後嘅感覺，比起先王T’Challa更加有自己嘅情感，之後佢爸爸就話It’s hard for a good guy to be a king，就正正講緊先王認為T’Challa重感情係一個好人，但咁樣好難做到一國之君，相反不理一切只跟隨制度去做就更簡單。連埋第二次嘅對話嘅比較，比起重親情嘅T’Challa，佢可以不理親情殺咗細佬掉低個侄，所以第二次對話最後T’Challa指摘爸爸係錯嘅時候已經不再迷惘，象徵當下已經用自己嘅見解打破Wakanda嘅傳統思想。喺畫面上我地都可以留意到第一次對話背景係黑夜，可以象徵當時T’Challa當時仲有迷惘；而第二次對話以清晨做背景，象徵T’Challa嘅醒覺。

除咗呢兩幕嘅對白仲有喺Zuri同T’Challa講完佢老豆嘅黑歷史之後話「We must maintain the lie」，下一幕就係T’Challa同Nakia講出呢個秘密。呢一幕嘅剪接好快話比觀眾知佢係唔會接受先代一成不變而造成嘅惡果，再將呢個秘密話比一個象徵改變嘅女伴知。仲有一幕就係當T’Challa問Baku借兵嘅時候佢話佢唔代表歷代皇帝，呢句說話表面係打動Baku，亦代表佢係打破歷代傳統開始統一緊Wakanda。

(二) 國王嘅對比
電影用Killmonger呢位皇帝同T’Challa比較，顯得T’Challa嘅轉變更具意義。佢嘅堂兄弟係一個充滿仇恨嘅皇帝同樣地想打破Wakanda傳統制度，Killmonger非常激進獨裁。雖然都係一個Wakanda人，黑人問題令佢喺外界充滿仇恨，眼中只有仇恨會令一個人失去理智；相比之下，同樣面對殺父之仇嘅T’Challa喺美國隊長內戰最後理解事情真相化解仇恨，但電影表現嘅Killmonger連真相都無理解到最後帶著仇恨死亡，因為最後當T’Challa想救佢嘅時候，Killmonger都係睇成一種要救返佢囚禁佢嘅仇恨而選擇離開。反映著即使要破舊立新都好，太過激進都係會物極必反，過於保守又會太過無情帶嚟惡果，凡事都要有個平衡立新得嚟都要保護到國家。電影中亦有用武器同裝備去象徵呢件事，兩次嘅挑戰儀式T’Challa都用咗攻守兼備嘅武器，表現除咗進取嘅態度亦有沈住氣嘅防守意識，相反Killmonger用嘅全攻形亦反映佢激進嘅態度；另外喺黑豹嘅suit upgrade個陣T’Challa同阿妹講原本套甲係”The idea by not being noticed”，所以佢揀咗紫色嘅甲，而Killmonger係用比較顯眼嘅金色，都有表達T’Challa沈實嘅一面，同埋如果紫色代表心型藥草的話，我會覺得係即使佢要改變制度都好，尊重而且保留傳統嘅美德都好重要。

其實講到呢度，黑豹對於主角T’Challa嘅背景、感情建構同埋同其他人物嘅關係已經落咗唔少功夫。跟著我地再可以睇下電影點樣表達點解跳出傳統思想咁重要。

有句對白印象好深刻，當Nakia叫Okoye一齊逃走個陣，Okoye話雖然佢好想跟佢哋走，因為要「效忠國家」所以佢唔走，呢度又一個例子表現盲從令人甚至放棄感情都唔敢違抗制度，作為對比嘅Nakia聽到Okoye叫佢「效忠國家」佢嘅回應就係佢會「拯救國家」save the country。先王T’Chaka講過佢掉低個侄係因為「He chose Wakanda」又係一個例子表現盲從令人無情，所以有自己思想嘅T’Challa當時話佢老豆係錯準備去執佢D蘇州屎個陣，都已經講緊盲從傳統令人無情甚至後患無窮，要有自己嘅思想先可以改變國家，獨當一面。 呢個思想係咪都講緊Marvel Cinematic Universe唔再好似傳統英雄電影咁，以十年第一炮嘅黑豹去表達MCU可以破舊立新地塑造一套獨當一面嘅英雄電影。順帶一提當Killmonger燒哂D心形藥草下一幕係一個鏡頭調轉嘅畫面影住佢行去坐上王位，燒草表達緊消毀傳統，連接畫面調轉暗示成個國家會被呢個行為顛覆同埋表達Wakanda政權已經被佢推翻。

最後電影以兩個首尾呼應嘅對比去令黑豹完滿。
第一係喺開頭嘅挑戰儀式T’Challa大叫佢係”Son of T’Chaka”之後一鼓作氣勝咗場比賽，到最後mid-credit scene嘅conference再以”Son of T’Chaka”介紹自己，以同一句對白但兩個不同場面首尾表達T’Challa已經由憤概轉變成熟。第二就係，十年前後嘅首尾呼應，十年前嘅IRONMAN最後Tony Stark係記招同世人宣布自己係IRON-MAN，有一種逞英雄嘅感覺；十年後以一個特徵相似嘅英雄黑豹，同樣地要顯示比世人知Wakanda有能力幫助出面嘅世界，十年轉變，黑豹係代表成個國家，而且最後嘅鏡頭同樣地都係影住佢地嘅笑容T’Challa嘅笑係充滿自信而Tony Stark當時嘅笑係有猶豫係入面㗎，所以透過呢一個十年嘅首尾呼應，Marvel係同大家講：MCU已經唔係代表住英雄電影咁簡單，而係不再猶豫、自信地話你知係代表住一個世界。

最後送返啲彩蛋比大家
1.當阿妹Shuri見到哥哥對鞋嘅時候大叫”What are thoooose!?”，係一個外國嘅vine joke嚟，大家可以上網search下。

2.當華生送入Shuri個Lab嘅時候佢話 ”Another broken white guy?” 即係話之前都有一個白人送過入嚟，就係講緊End-credit scene嘅Bucky喇。

3.反派Killmonger出生地Oakland其實係導演Ryan Coogler嘅出生地同埋係一個1966年成立都係叫Black Panther嘅政治團體嘅成立地，仲係喺Marvel出咗黑豹呢個角色幾星期後成立。

4.飾演T’Challa爸爸同佢爸爸後生時候嘅演員係兩父子嚟：Atandwa Kani, John Kani

電影有起碼3個位係向漫畫致敬
－同犀牛打鬥
－被扔落瀑布
－黑豹裝嘅金色頸鍊

相關影片：
看黑豹必知的漫畫知識
https://youtu.be/IY9Y0559IG0
《黑豹》Black Panther 香港版製作特輯 - 彩蛋！
https://youtu.be/_fnPV4i_Zx8
【影評+片尾畫面】黑豹|彩蛋
https://youtu.be/tebkAeKCcAE

想留意更多我的動態，記得緊貼Ernest Docrazy
Ernest Docrazy社交平台：

Ernest Docrazy channel:
https://www.facebook.com/DuoCRAZYTokyo/
Ernest DoCRAZY facebook:
https://www.facebook.com/ErnestDoCRAZY/
Ernest instagram:
https://www.instagram.com/ernest_pch/