是咁的，我喺FB見到香港拯救貓狗協會出po話狗狗領養日情況未如理想，而佢哋都係黑色唐狗，不如就等我呢個養黑色唐貓嘅貓奴講吓養黑色唐貓狗嘅好處啦！
首先，黑色真係好有神秘感，黑貓都係跟巫女㗎😆，有辟邪嘅效用！加上黑狗望落去都有氣勢過其他色嘅狗，單身女仔夜晚放狗都唔洗驚！啲人成日話黑貓夜晚對眼會發青光，我隻貓不才，一直都無呢個技能，但佢好叻㗎，你夜麻麻起身屙夜尿一定唔會踩到佢，佢閃得快過你！唔洗驚～
第二，黑色顯瘦，無論你幾咁縱你嘅毛孩，肥到豬咁都一樣呃得到人！你睇我隻刀疤，係咪完全唔覺得佢肥呢～
第三，唐貓、唐狗身體健康，無乜基因缺陷，你可以慳返啲醫藥費用，加上毛短，沖完涼唔洗用一個鐘吹毛，香港地咁潮濕長毛貓狗易有皮膚病㗎嘛，到時候又要搽藥真係好麻煩㗎。
第四，唐狗反應快、忠心，又乖又叻識得聽指令！雖然唔識跳火圈、跳kpop或者跳傘，但你依家開始教定佢做「請請」嘅手勢，新年仲唔𢭃多兩封利是？！
最後，成日聽人講救人一命勝造七級浮屠，其實領養都一定係，唔係你救咗佢，分分鐘係佢救咗你一命，我諗大家都聽過好多狗狗聞到主人身體唔舒服嘅事蹟，又或者係聞到你懷孕，甚至佢哋真係聞到你唔開心，走嚟開解你。你以為係你救佢，事實上佢會救返你轉頭！
然而現實係，好多黑狗因為黑色嘅原因而一直留喺中途，無人領養，由小黑變成老黑，希望大家想養狗嘅話踴躍啲領養佢哋啦～信我～once you go black...
#唔好意思我隻貓唔係全黑
#但係我都好愛佢 #請支持領養
#詳情去返香港拯救貓狗協會
@hkscda #sorry偷咗啲狗狗相出po
#但佢哋真係好靚仔好可愛
#如果我搬咗一定要領養返隻黑狗
#男嘅叫九巴 #女嘅叫黑妹
#因為有辛巴所以加返架九巴
#死啦我改啲名真係好無氣質
#你哋快啲幫我領養曬佢哋返去好好愛錫
你哋快啲幫我領養曬佢哋返去好好愛錫 在 Doggy Club | Macau - Facebook 的美食出口停車場
貓糧同狗糧都返齊貨啦～BigDog都有啊 快啲趁聖誕前買俾主子食返個聖誕大餐先 ... 那些記得我的或曾經幫我領養過貓貓的好心人希望都能出來留言支持一下。 ... <看更多>