《過去讓它過去，來不及，從頭喜歡你...》
呢個10月，TBB每個星期六都連播四集《十月初五的月光》，宣傳11月嘅電影。
對我來講，劇呢D 野，續集都好瀨野。君好同初哥哥之後點，我唔想知，最好無之後，「過去讓它過去」。
--------------------------------------------------------------
15年前嘅十月初五的月光
佘詩曼係一個大把兵嘅青春少艾，家財萬貫嘅馬俊偉鍾意佢，比馬俊偉更靚仔嘅初哥哥又鍾意佢，烈火戰車古惑仔金勝又鍾意佢，大學同學都瘋狂鍾意佢，真係彷彿粵港澳都只有佢一條女死剩喺個世界上。個情形就好似高圓圓個套《單身男女》一樣，你點會估到高圓圓好命到金融財俊古天樂追佢，求其遇到個乞兒，都係建築師。
所有吸引到大量女人睇嘅愛情片，個女主角都好命都難以置信。呢D 愛情片總會用「潛烏龜」嘅theory寫劇本，總之點都好，每隻牌都潛到隻partner，係唔會有人剩返冇人要。
令女人動容嘅愛情片，女主角條件幾唔好，條件好好嘅男主角sss都會等佢。15年前嘅十月初五的月光，佘詩曼最後揀左家財萬貫嘅馬俊偉...
--------------------------------------------------------------
15年後，初哥哥等到馬俊偉死左，都仲等緊佘詩曼...
15年後，馬俊偉死左，仔女又死左，初哥哥仲等緊佘詩曼。我覺得初哥哥等到馬俊偉死左，都仲等緊佘詩曼呢件事，比萬人炒揚州炒飯，更應該申請列入健力士世界紀錄。
15年後呢套肯肯定係膠戲...
根據劇透，等左15年嘅初哥哥，等到馬俊偉都死埋，諗住等到佘詩曼，竟然喉嚨嘅癌細胞生到上腦，得返半年命。有冇咁老套呀，佢啞姐，都唔使安排佢生喉嚨癌生到上腦呀。我睇個trailer，冇啦啦初哥哥同君好都由個澳門塔you jump i jump，冇啦啦都影下澳門賭場，套野似醉香園廣告sell 澳門咁，「大三巴、觀音像、媽閣廟景緻真優美...」，旅遊特輯咁。
--------------------------------------------------------------
最後係，點解要咁對佘詩曼呢？
15年後，初哥哥雖然生喉嚨癌生到上腦，但captain cool咁靚仔，拼落佘詩曼度，嘩，慘不忍睹，我相信女演員一定比觀眾更怕續集。
點解佘詩曼次次都死男朋友，死老公，做寡婦...
--> 十月初五的月光，馬俊偉死，初哥哥又死
--> 酒是故鄉醇，佘詩曼要同人冥婚做寡婦
--> 西關大少，佘詩曼老公陳鍵鋒病死
--> 法證先鋒，佘詩曼男朋友畀人槍殺死
--> 天與地，佘詩曼男朋友畀人食死
--> 月滿抱西環，佘詩曼男朋友又畀人劈死
--> 仲有火舞黃沙，佘詩曼「命犯剋夫，終身難有白頭郎，紅杏出墙，無兒無女臥病床」
有冇編劇解釋下，點解佢個個男朋友老公都咁易去世？
--------------------------------------------------------------
15 年後嘅十月初五的月光，另一個遺憾，係無左姚樂怡做嘅依文，佢真係好正。依文好鍾意金勝，金勝好鍾意君好，君好好鍾意初哥哥，初哥哥又唔畀君好鍾意自己。15年後，君好又「來不及，從頭喜歡」生喉嚨癌生到上腦嘅初哥哥。我接受唔到，可唔可以銷毀左個電影。
「如果不能夠永遠走在一齊, 也至少給我們，懷念的勇氣，擁抱的權利，好讓你明白我心動的痕跡」...
佘詩曼老公 在 47歲佘詩曼出嫁了，今婚紗照曝光！男方真實身份終於瞞不住 ... 的美食出口停車場
47歲佘詩曼出嫁了，今婚紗照曝光！男方真實身份終於瞞不住#TVB#娛記太太. 326K views · 6 months ago ...more. Mrs. Entertainment. 185K. Subscribe. ... <看更多>