《點解你無當初咁愛我》
呢個問題相信你和我係不同的感情關係裡都會問過，但當你睇完以下呢個科學化的解釋，可能就唔會再用呢句說話去質疑對方了。或者如果你曾經比你另一半質問過 🤣，咁就開心些牙呢篇文，佢就唔會再埋怨你了。
根據愛情關係專家 Dr. Pat Love 於 “The Truth about Love” 一書中所講，一段愛情分三個階段，熱戀期，相處期，細水長流期。
先談熱戀期，當一個人一開始墮入愛河時，身體會製造名為 PEA 的愛情粒子，令身體釋放更多多巴胺和去甲腎上腺素，令我地感覺到超開心，充滿活力，甚至性慾增強。呢個愛情粒子，令我地一開始拍拖時，日日夜夜都想見到對方，一日不見如隔三秋，仲要有異性無人性，同埋佢做乜甚至放個屁你都會覺得係香，情況就好似 High 左野一樣。
而呢隻愛情粒子，係一段關係進行到半年左右就會開始燒曬，能夠捱到三年就已經係燒到燭芯都無埋。呢個時候你開始會諗點解我地無當初咁恩愛，點解佢好似無以前咁錫我？朋友，咁係因為 PEA 已經用曬，你地而家已進入相處期。
相處期內，我地會睇下大家夾唔夾，何謂夾唔夾就唔係淨係睇你地係咪都鍾意食韓燒咁簡單，而係你地對於關係，家庭，社會，甚至佔唔佔中呢d政治議題的價值觀夾唔夾。而且亦唔係剩係你地兩個夾唔夾，而係你地家人，朋友，生活圈夾唔夾。如果真係唔夾，咁就通常會聽到「因了解而分開」呢d分手名句。
夾得來的，就會進入細水長流期，亦即係雙方作出承諾共同一起生活，可以係以愛情長跑，同居，結婚，等等唔同的模式出現，總言之就係諗住同對方走下去，直到承諾有人破壞為止。
想要重拾當初熱戀的感覺？就要靠你地努力去經營，愛情粒子已經用曬，係無 PEA 輔助之下，兩個人仍能在一起，才是真愛的考驗。點經營？好簡單，熱戀時做乜，你地而家就要做返乜，熱戀時老遠都送佢返屋企，而家照送！熱戀時個個星期整愛心飯盒係佢公司樓下等佢，照整！熱戀時會織頸巾比佢，照織！熱戀時日日拖手不離不棄，照拖！熱戀時出門口前要難捨難離咀返啖，照咀！總之我地就做返以前愛情粒子驅使我地作出的肉麻行為，去令你個腦以為自己還在熱戀！咁熱戀期時那愛到發瘟的感覺就可能會拉長或重現。成日都聽到一些人前人後都恩愛如初的夫妻話每星期一定出去拍拖燭光晚餐二人世界一次，其實就是同一道理。
所以嘛，與其日日想當年，不如活像當初。只要把浪漫藏於生活細節裡，寵他如初，惜她如初，就能如老人家所說「呃呃氹氹就一世了」。
#日日都是情人節 #愛情 #Love #老夫老妻 #9Yearsandcounting #愛情故事 #愛情語錄
何謂 熱戀期 在 #文長什麼是熱戀期？ - 感情板 | Dcard 的美食出口停車場
看到板上常常再說，感覺平淡了，感覺熱戀期過了，但是，什麼是熱戀期呢？我和我的老公結婚也好幾年了，我只要牽著我老公的手，哪怕只是去買個便當， ... ... <看更多>