《老海鮮》
文科生最近收到很多讀者朋友inbox問我有關讀學士後醫(postgrad MD/MBBS)的途徑和考試。
讀者生性文科生我倍感安慰，但我想同大家講幾句老海鮮嘅說話。
係你決定讀學士後醫前你真係要諗清楚你醫科係咪你想追求嘅嘢。學士後醫同醫科學位嘅分別係少咗兩年，雖然可以快點畢業，但所有內容都係好packed好condensed。
學校會期望你會自動波自己睇好多課外書同溫書，lecture 一個鐘有80張slides而每一張slide都係重要嘅嘢都係要識。佢唔會捉住你隻手仔去教，跟唔上進度就只會換來留班嘅後果。
點解無啦啦咁講？係因為其實都有唔少讀者inbox我就直接問海外讀醫要幾錢、考咩試、要用咩參考書、有咩要注意、讀幾多年、畢業會點等等。你要明白，首先我唔係做升學輔導、我自己讀書嘅方法未必適合你、我鍾意睇嘅書又未必你會啱睇、好多嘢適合我但未必適合你，呢d全部都可以用一日係google就搵到。
其次，你依加想報嘅係學士後醫，即係你起碼都讀咗個degree，甚至好似我咁做咗幾年嘢，mature student的話，學校同教授都會對你有更高嘅期望。但如果你連最基本嘅，係google打MCAT/GAMSAT，postgraduate medicine去睇下d基本資料都做唔到嘅時候，你仲點樣應付學士後醫嘅workload?
我明白有時候見到人地成功追夢時真係會好鼓舞令自己都想做埋一份。但你要明白擁有夢想好容易，但要擁抱夢想卻好難。你要付出好多心機同努力去做。如果你期望人地會幫你解答哂所有疑難同問題而唔打算自己去先嘗試figure out下點處理，就算比你追到個夢，個夢其實並唔屬於你。
我係好支持大家去追夢，努力向前進發，
但你要諗清楚呢條路係咪真係自己想要，
你係咪可以放棄依加擁有嘅嘢重新出發，
灑狗血式正能量勵志追夢文章好容易寫，
但我唔想你有朝一日發現原來，
現實唔係你想像中咁簡單。
記住，追夢都要負責任咁去追！
p.s. 我最近好忙處理緊一個好重大嘅計劃，希望12月會做完啦。期間我都會間中回下PM，如果太耐無覆不妨提提我。
#成篇文都好老海鮮嘅感覺
#但希望你地會睇哂啦
————————————————————————
如果喜歡文科生的文章的話請慷慨給個讚和分享給身邊的朋友，讓文科生更有動力寫文啊啊啊
記住把文科生set做see first就可以時常睇到文科生的小故事啊
記住follow我IG: artstudentinmed ❤️
————————————————————
但希望你地會睇哂啦 在 Hello Wong - 今日想講既野長係長D 不過真係好用心去講希望你 ... 的美食出口停車場
不過真係好用心去講希望你可以睇哂每一句啦唔知點解對舊野真係有鋪癮對於九十年代既港產片嚟講有好多角色 ... 講得出一係你夠無恥,一係你地係張床上面 ... <看更多>