【 #他們的愛情故事 - 傻更更但最暖心！長頸鹿李光洙嘅愛情故事】
最近光洙將會從《Running Man》下車呢個消息令無數粉絲大感不捨。作為一個咁多集都睇晒、由中學開始睇到做嘢嘅老編嚟講，真係想像唔到節目無咗呢隻鍾意背叛、經常性畀其他成員恰後大反抗，但同時一直細心照顧團隊嘅長頸鹿會點，愈講愈傷心，嗚嗚......
.
光洙雖然喺running man中成日擔任傻瓜角色，點笑都唔嬲，但現實中其實非常照顧成員，仲好愛錫女朋友，以致喺節目中成日畀其他成員攞嚟調侃～ 雖然傻更更，但喺感情上，長頸鹿都有佢一套特別嘅愛人方式。今次唔講佢喺綜藝嘅搞笑嘢，純講佢同女朋友李善彬嘅愛情故事！
.
「為畀安全感女友 出道13年首次公開承認戀情」
亞洲王子光洙同女友李善彬相識於Running Man，事源有集佢要搵「當佢係理想型」嘅女仔，同對方展開一場約會，於是就搵嚟女方做嘉賓。有睇開節目都知，李光洙喺節目嘅定位係「容陷愛」（超容易陷入愛情），通常全程都會好厚面皮咁get錯人地冧佢... 不過今次就一反常態，一見面兩人都非常怕醜，光洙更加係連望對方都有難度，成日一對望就望返落地下傻笑，場面一度令網民直呼：「以為睇緊我們結婚了！」呢集之後善彬又有再上多次RM同光洙成為拍檔，最終喺2年之後成為情侶。呢次亦係光洙出道13年首次承認戀情，好似話畀全世界知：「我長頸鹿，今次係好認真愛呢個女仔！」
.
「公開戀情原因曝光 原來係驚女方無安全感」
以大眾審美嚟講，亞洲王子光洙雖然唔算好型（不過其實小編覺得佢好靚仔），但拍running man都少不免會同女嘉賓有肢體接觸。而光洙為咗令女友放心，選擇咗喺拍拖就快半年嗰陣主動公開戀情，更被好友哈哈踢爆，原來就係希望藉此放低節目「容陷愛」定位，同其他女嘉賓保持返啲距離，畀多啲安全感善彬。加上為節目考慮，希望借呢個機會將呢個定位交畀佢他成員，真係man到爆！藝人公開戀情唔易，要為一個人放低一個跟咗8年嘅角色更難。而光洙雖然平時傻下傻下，但就可以為佢珍惜嘅人無條件付出，搞笑外表下，對感情其實一直都好有擔帶。
.
「預先諗到女友上節目會緊張 特別吩咐老死照顧佢」
光洙承認戀情之後一向比較低調，一直小心翼翼守護呢段關係，亦好少公開放閃，不過少不免會畀好友踢爆。事源有次善彬上另一個綜藝節目，因為係認愛後首次，難免有啲緊張。點知光洙已經預先考慮到女友心情，特登喺錄影嗰朝sms主持之一嘅金鍾國，拜託佢多啲照顧善彬。鍾國作為老死，仲好老友咁喺節目上踢爆光洙，話會代佢守護善彬咁話，搞到善彬勁怕醜甜笑，而觀眾（即係小編）就無啦啦受到1000點傷害... 未必愛得高調，但默默守候又未嘗唔係一種浪漫～
.
「可以挑剔能力，無可挑剔人品，可能係世界上最暖心嘅一隻長頸鹿」
劉在石曾經話光洙雖然睇落傻下傻下，但私底下其實係一個好細心，仲有啲怕醜（？）嘅人嚟，對身邊嘅人總係默默付出，不求回報。傻更更但咁溫暖嘅性格，為佢贏得一大班粉絲同好朋友，亦贏到「亞洲皇妃」李善彬返嚟。做人又好，愛情又好，原來真誠同謙厚先係最大本領，亦係光洙最大嘅戀愛魅力～
.
雖然光洙要離開Running Man真係令人好傷感，但都衷心祝福善良嘅佢一路順利，同皇妃要一直咁sweet，就算唔繼續出演，喺觀眾心目中，都會一直記得長頸鹿、背叛者、臭手光洙同光凡達（下刪一千字）！
.
#10年用力奔跑真的辛苦了 #未必係最靚仔 #但一定係最溫暖 #可能係世界上最浪漫嘅長頸鹿 #愛 #愛情 #拍拖 #香港 #搞笑 #hongkong #李光洙 #李善彬 #runningman #韓國 #綜藝
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
但一定係最溫暖 在 最溫暖的老闆打造最有溫度的拉麵店❤️ - Facebook 的美食出口停車場
Lagi daripada 洨宇拉麵宇式風格【台中必吃西屯美食宵夜首選逢甲商圈超值價格豪爽吃肉深夜食堂肋排拉麵】. 0:11 · 去柬埔寨前 一定 要來吃的肋排拉麵 ... ... <看更多>