📘
#在日落前交換日記
0831《去咗gym，jumping gym》
歡樂仔 oscar
我見歡樂天地就嚟開番，但係又好耐都未開啊嘛，咁頂住檔先，我去咗另一個樂園，唔好問我點解，我嘅日程表裏面嘅內容已經冇乜點解，總之去咗啦，以前同阿媽成日去，傾家蕩產，玩到辛辛苦苦，就係為咗換嗰啲有得焗蛋糕嘅電飯煲、fili佛能吸塵機、而你係真係唔會明白點解，點解冒險樂園裏面會有得換頂住兩邊牆，可伸縮，橡膠頭尾，要嚟撐住晾衫嗰支棍，就算去玩嘅全部都係媽咪，換到一啲做家務嘅工具，會開心咩？又當大家成績真係好好嘅時候，包括我自己嘅學業成績啦，當日我阿媽chok嗰部推銀機嘅成績啦，都好好嘅時候，換晒呢一對家務工具，都仲有飛剩嘅話，我應該可以換到一把公仔間尺，阿古獸印仔，或者擦紙膠，筆袋就真係好蚊水㗎啦⋯⋯
到底樂趣何在呢？我流住偵探嘅血，冒死入去換金幣，$100有50個金幣，我擰轉面搵野玩，原來所有機，都已經轉晒國產機，所有都係簡體字，唔緊要，但係入親錢都壞嘅，到底我嘅運氣，定係係打算屈水星逆行呢？我去推車仔機，原理係同推糖一樣，以前我喺天水圍銀座蒲嘅時候，係推Tomy車仔，依家係一架架冇包裝，全電鍍嘅回力車⋯⋯你呢啲野都要土豪金？已經係taste嘅問題！最穩陣啦，籃球機，射籃啫，冇死啦掛？8個金幣一鋪？即係$16鋪！而街價係$3，會唔會太離譜？喂？
同公園設計一樣，俾小朋友蒲嘅地方，會令佢細細個培養一種娛樂嘅品味，洗幾多錢唔係重點，而係要令佢知道，洗緊幾多錢去買緊一啲咩價值品質嘅服務同商品，識得點樣玩，都係理財教育嘅一種，否則，再多金幣，都係射幾下就冇晒啦（籃球機）。
冒險家 檸
https://youtu.be/t7C7kLd4eYk
伸縮棍晾衫 在 【教學】平安伸銅-兩段式強化伸縮桿安裝說明 - YouTube 的美食出口停車場
好物傳送門☛ http://srtc.io/180718○ 兩側平貼特殊設計，耐重不變形○ 伸縮 長短隨你調整，旋轉圈環安全鎖定○ 打破租屋釘牆限制， 伸縮 桿幫你增加 ... ... <看更多>