#估你唔到的北韓：第三章
去北韓平壤旅遊，有一個景點係必去嘅，就係參觀平壤地鐵
相信大家都聽過咁嘅傳言：話北韓地鐵只有兩個站，乘客都係演員，有外國人參觀就出嚟搭車，無事就返出去先。
點解會有"只有兩個站"嘅傳言呢？明明人地有兩條線（千里馬線 + 萬景臺線）共16個站，只因為以前旅遊業仲係好封閉年代，加上以接待中國團為主，呢類團時間 / 筆直有限情況下，旅行社只會帶您睇最靚嗰兩個車站：復興站及榮光站。
的確北韓旅遊業一向有個概念，只會帶您睇佢哋最美好一面，所以一直以嚟都唔開放其他站，久而久之，大家就以訛傳訛。咁究竟係咪真呢？今次因為跟香港團，仲要係小型團，行程彈性比國內團大，所以旅遊社 travel alliance 旅遊聯盟 特別安排搭6個站，由復興站到凱旋站，等我哋可以親眼睇以上流言係真定假。
當中，我哋更獲准可以影其他站嘅相及拍片（不過只限3個站落車影相 / 拍片）！而呢條片就係由靚靚榮光站一直拍到下一站烽火站，清楚睇到月台係點：相比起復興或榮光站的確平實一啲，但仍然好四正好光猛乾淨，比起外國大城市地鐵站（例如巴黎／倫敦／紐約），絕對見得人呀！咁點解以前唔敢俾人睇呢？
而班北韓乘客，同香港人搭地鐵一樣，都會爭入車廂搵位，都會玩手機，都會啫北韓八達通（Comment有圖）。係咪演員？哈哈！不過係真定係假，睇相睇Video係無用嘅，自己飛去睇啦～
更多相片及短片喺Comment中，大家請慢用！#千祈唔好再偷文偷圖偷片！
下次講北韓有冇好嘢食！
重溫文章：
#估你唔到的北韓第一章：交通篇
#估你唔到的北韓第二章：SIM Card篇
#估你唔到的北韓第三章
