【書展後記2 之 我班老鬼讀者】
今年見讀者時，聽得最多嘅說話係：「你老咗好多／殘咗好多」
你班粉腸，人梗係會老
確實，以前企足七日，阿叔我面不改容
今年企到去第二日，我已經腳痛腰又痛
你知啦，男人最緊要就係條腰..
嗰一刻我係有諗過，算啦，最後一年喇，
下年唔好再搞七連日簽名影相，等白卷謝安琪腰痛算啦，搞嚟做咩，
為名？
四年前第一年開始搞書展，開始有讀者搵我畫龜影相時，確係有少少虛榮感，但呢種虛榮心，第二年已經消失得無影無蹤；
為錢？
你哋知啦，我都發咗達好耐；
但後來第三、四、五、六、七日，每日又畀我再見返啲老讀者：
有極少數我認得樣又認得名（多數係佢地做過d 7事）、有啲我只認得樣唔認得名、有啲個名夠衰的我認得名唔認得樣，有好多－－我今年專登逐個問，問佢地嚟第幾年，當中不乏啲嚟足五年，甚至係由我地未搞書展的觀塘、灣仔賣書會已經有嚟，嚟足七年，我完全唔認得佢地。
佢地有啲由小六讀到而家讀大學，有啲由中學嚟到出嚟做嘢，有啲由單身狗變帶埋男/女朋友嚟，有啲由拍拖到結咗婚，有啲由未有bb到生咗個仔而家幾歲。
我認得佢都還好，但大部份我都唔認得佢地，我今年唔問下佢地，佢地從來冇諗過介紹自己，佢地嚟足幾年咁，只係為買我嘅書嚟睇嘅同時，搵我畫隻龜留個紀念。
每次聽到佢地話嚟咗幾多幾多年，雖然我表面上依然非常傲驕，但內心其實非常溫暖嗰隻死人感覺。
所以睇嚟，只要我仲有出書（停寫咗嘢成年...），只要仲有人買，只要仲有人想話畫隻龜留個念，睇嚟我係會焗住繼續嚟足七日（年宵就可免則免）…
最後，年年嚟嗰啲我唔擔心，最怕係d新讀者/中學o個批，唔好純粹買書打個卡。
借用畢明的說話：「去、買、po，都冇問題，重點是記得讀、懂和用。」
我啲書冇乜營養㗎喇，但你睇咗，至少我都算同你Share咗一d對事情嘅看法，好過乜都冇吖大佬。
（仲陸續睇緊d tag...唔好private住唔該）
（下集書展後記最終回……其實未諗到寫乜）
#林日曦 #感情戲 #聽日返學 #香港書展 #書海之戀 #黑白毛記 #八折免佣 #任按任揭 #一刻鏈上 #Hall1AA02
任按任揭 在 郭台銘下一步「任侯副手」？黃暐瀚揭「3套劇本」跟柯文哲 ... 的美食出口停車場
... ➤CNEWS匯流新聞網：https://reurl.cc/qd35LD ➤訂閱CNEWS YT頻道：https://reurl.cc/kdQ1Xq ➤按讚CNEWS FB：https://reurl.cc/20vZLa. ... <看更多>