流感高峰，絕跡Playhouse, 假日全數戶外活動！上星期終於去左摘士多啤梨🍓, QB由搞搞陣變成真係幫到手, 自己揀自己剪✂️, 結果本來諗住剪少少過下癮, 最後變左兩盒🤪!
士多啤梨園最近大家都介紹好多, 而我懶得發掘新場, 來來去去個1-2個, 因為近又熟路嘛! 朗屏士多啤梨園係其中一個, 佢勝在免入場費, 而且落巴士行幾分鐘就到, 相對方便! 場內有一部份田係葡萄園🍇, 上年我地摘香印提子就係依度! 另一邊就係蔬菜種植, 紅蘿蔔🥕, 蕃茄🍅, 粟米🌽, 甘庶等等...岩時間一樣可以摘!
依度既士多啤梨都算靚, 日本種🎌, 全部劃一$90磅, 都幾大粒同紅, 品質唔差! 為免去到一無所獲, 我預先whatsapp佢地問下佢地士多啤梨多唔多, 回覆都好快! 依度雖然無兒童遊樂設施, 但勝在有個大草地🌿, 任跑唔嬲, 帶狗狗🐶都Welcome (當然要用狗繩拖實, 始終場內有好多小朋友!) 另外又有得餵羊仔🐐, 仲有烤雞食 ($160大大隻), 休休閒閒可以玩幾個鐘！
📍朗屏士多啤梨葡萄園
地址: 元朗大棠路大棠村球埸
Whatsapp: 9251 8926
交通: K66巴士至大棠總站,大棠村牌坊直入
＃摘士多啤梨 #親子好去處 #仲有大草地同餵羊仔 #最緊要另一個囡可以一齊去 #夏天仲有葡萄
