這陣子很頻撲，難得有個 sports expo 帶瑤瑤一齊出街玩玩，跟前教練葉sir一齊做講座，自由暢談女性及作為父母親嘅經歷及睇法，又見見很久未見的朋友及贊助商戶。
最後非常感謝 @ekidensports 為我而設的一個小 booth，位置非常搶眼😉
#仲以為自己post了
#原來未upload到
#sportsexpo2021
仲以為自己post了 在 Facebook 的精選貼文
仲以為自己post了 在 Mini Bubble Corner Facebook 的最佳解答
[付食譜]
依排少左post野食, 唔係因為無煮, 而係賣相好難Keep住靚靚, 費事獻醜! 因為有人一見我話整野食, 就會萬分雀躍要插對手埋黎🙄, 攪亂檔又叫唔停, 仲邊得閒去拎相機影相, 同埋成品永遠同理想中有出入🤦♀️! 不過每次佢"有份"整既食物, 佢又特別有心機食, 親子共食apply落我地度已經唔足夠,「親子共煮食」 先岩! 原諒我已再追求唔到賣相了😥
這個《三色蒸肉丸》, 用左南瓜, 芋頭, 紫薯做肉丸, 好味又有益, 小朋友不知不覺又食多左蔬菜, 做法亦超easy (放心, 我只會向容易既埋手👋) 雖然唔太靚, 但勝在有人有得自己搓自己玩, 一pat野又如何? 最緊要開心, 然後乖乖食~ 媽媽無煩惱✌!
***食譜加入: https://goo.gl/C1ubyR
#有人有興趣我先有動力寫 #親子共煮食 #親子食譜 #愛入廚係好事既 #每次都令我尖叫 #叫佢搓圓佢就襟扁 #仲以為自己好幫得手
仲以為自己post了 在 有心無默 Facebook 的精選貼文
《絕無轉機》我坐上咗一架盛載住絕望嘅航班（彩蛋）
「吳sir你搵我？」
「Rex，你坐低先。」吳sir邊望檔案邊飲咗啖咖啡，「你調查儀式嗰度有冇咩進展？」
「暫時只係查到一個名……個儀式叫做《無望者之願》。」我瞄咗眼佢手上面個檔案，驟眼睇落應該係新成員嘅名單，「但發現所有記錄咗呢個儀式名嘅書都俾一個神秘人偷走咗。吳sir，為咗搵個古本，睇嚟之後一段時間我都應該唔會留喺香港。」
＝＝＝＝＝＝＝＝＝＝＝＝＝
《絕無轉機》連載中：
全集：http://bit.ly/2ijVEEd
【植入式廣告】《絕望走廊》現已有售。《絕無轉機》實體版八月頭降落書局。
＝＝＝＝＝＝＝＝＝＝＝＝＝
「嗯……」吳sir點咗下頭，之後佢將個檔案放喺我面前，「Rex，你有冇發現到，今年我哋新成員裡面，有個後生仔當年係同你坐埋同一班機？」
「有。」其實上一秒鐘我已經意識到佢想講呢件事。
「賈彥。」吳sir講出咗一個名字，「你對佢有冇任何印象？」
我再認真望多眼檔案上面嘅相片，之後搖搖頭。
「冇，記得當時HC113客機幾乎係坐滿人，我就算睇漏眼都唔奇……」
可能佢係商務艙嘅乘客，又或者一早落機俾掠奪者『殺死』咗……無論點都好，我對佢確實係冇任何印象。
「你怕佢會係其他組織嘅人……又或者有其他陰謀先加入組織？」
「基於呢種巧合，有懷疑係必須嘅。」吳sir回應，「但我實在唔希望呢個係事實，因為佢實在係非常優秀。唔好怪我照直講……甚至比起當年嘅你更有潛力。」
「哈，我都到咗差唔多退落嚟嘅年紀啦。」我笑咗笑，「不如等我去會一會佢，嘗試確認下佢嘅真偽？」
「Rex……如果發現佢係『真』嘅，我希望你可以花時間栽培下佢。」
「一定。」我回答，「就當係報答組織……直到而家都願意相信我。」
「呢樣係你用往績爭取返嚟。」吳sir講，「咁一於靠你喇，有咩進展再通知我。」
「嗯。」我點點頭，然後就轉身離開辦公室。
老實講，賈彥最令我在意嘅地方並唔係當年同我坐埋同一班客機……而係佢加入組織嘅理由。
──我曾經死過一次。之後我去咗一個神秘嘅地方，窺探到我哋將會遇到嘅危機，我要守護呢度……守護我嘅家園。
（完）
【非呃嬲的後記】
計返，《絕無轉機》足足寫咗成八個月，應該係破咗我單個故事嘅最長連載時間。當然喇，暫停連載（走數）嘅時間應該係佔咗相當大嘅比重……（笑）
記得之前講過連載完會交代返點解會出得咁慢。第一個原因都提過幾次，隨住年紀增長（變老默了），現實生活亦都變得越嚟越忙。再唔可以好似幾年前啱啱寫嘢嘅時候咁，每日返嚟只係對住電腦寫寫寫……何況吊頸都應該抖下氣，有時都想爭取時間休息睇劇睇戲打機嘅……
第二個原因，話說連載中途去咗執《絕望走廊》嘅實體版。如果有買書嘅讀者應該會知道，每次執故對我嚟講都係一次艱巨嘅挑戰。事實上我執完《走廊》之後，最初真係跟唔返《轉機》嘅故事節奏。因為始終係兩個故事，有兩班唔同嘅人物同故事線，結果要過一段時間先有返「啊，咁寫就一定唔會錯喇。」嘅感覺。
第三點，其實由《上映》到《走廊》，再到《西營盤》然後《轉機》，自己寫呢類懸疑 x 驚慄 x 科幻嘅故事已經開始有少少去到樽頸嘅感覺，每個新元素都需要用更多嘅時間去諗出嚟。所以喺寫完《轉機》之前我已經決定咗，之後嘅一段時間應該唔會再寫呢類型嘅故事住（至少唔會有長篇）。等自己可以跳出去寫返其他題材，儲下一啲有趣嘅 idea 先再寫過。
嗯……講完原因，就講返《轉機》呢個故事了。雖然唔敢話可以超越舊作，但我自己係對呢個作品相當滿意。因為呢個故事確實包含咗我對一啲事情嘅想法，而又順利咁同劇情融為一體。同一時間，我又大膽咁嘗試去擴大故事嘅世界觀，唔單只講緊《絕》系列，而係之後幾個大故事嘅藍圖，都已經出現喺呢個故事裡面。
所以，《轉機》嘅結局並唔係終結，而係一個開始。
最後，感謝大家一直以嚟嘅支持。有段時間睇住 like 同分享數越跌越犀利，仲以為自己呃嬲終於呃出反效果，但喺書展見完大家之後，總算令我釋除疑慮……Facebook 真係越嚟越難玩，有時真係連自己都見唔到自己嘅 post，所以各位真要定期參與互動（畀嬲、畀分享、留言都得），如果唔係「有心無默」呢個名字就可能會喺大家嘅 wall 到消失，再冇地方可以安心派嬲……
下個長篇故事預計係九月中連載，說好的愛情故，記住繼續支持呀。（之前都會有各種短篇）
最後嘅最後，又再推下自己個 instagram 先：echoofheart
＝＝＝＝＝＝＝＝＝＝＝＝＝＝＝＝＝＝＝＝＝＝
FB： 有心無默
個人ac：（歡迎 follow ～）
https://www.facebook.com/myechoofheart
【解悶良伴】
《絕命上映》
http://bit.ly/1XWiVud
《絕望走廊》
http://bit.ly/25qf91O
《西營盤》
http://bit.ly/27ZWrwN
《醉後的藍》
http://bit.ly/1Pekb4K
《無限次告白》
http://bit.ly/25PaQxi
《正負人生》
http://bit.ly/290huFB
《時間守衡者》
http://bit.ly/29l7aIZ
《同居貓物語》
http://bit.ly/29B6JL1
【情人節中伏系列】《飄浮的眼淚》
http://bit.ly/29E6mmx
【情人節中伏系列】《心的謊言》
http://bit.ly/29UiOd3
《最近距離的來信》
http://bit.ly/2bxNXtI
