Hereditary 祖孽 / 宿怨 / 遺傳厄運
血緣厄運中讓你不寒而慄 極度不安
成齣戲總括嚟講，
就係一家人受到已逝祖母落降
巫術侵擾不得安寧嘅故事。
期待已久，
終於喺上星期五睇完依齣
被人話注定名留青史的驚悚片。
睇完嘅人反應都幾兩極，
如果你一心追求被JumpScare嚇到臉都青，
So9ly，此片並非此等門路，
但亦無因為期待過高而失望。
作為導演Ari Aster首部驚悚長片，
《祖孽》唔是正常商業恐怖片，
鬼片只係佢糖衣嘅包裝，
說穿真相，其實係一部充滿細節
慢慢描述家庭失衡嘅燒腦劇情片。
以家庭血脈為軸心，
由人性貪婪，到家庭糾紛，
以至精神崩毀，延至邪教法術。
逐層逐層撕開塊皮俾你睇盡世界黑暗面，
依碗沾過毒液嘅暗黑心靈雞湯，
原來唔係要你驚，
而係想將你意志摧毀，
極度不安。
怕劇透，劇情就唔多講，
但不得不贊，
本片由劇情、畫面、
到選角演員同演技都可以話係OP。
全片氣氛一流，
雖然無JumpScare，
但充滿壓迫感嘅低頻音效同配樂
配上別樹一格運鏡剪輯，
再加持恐怖媒介（細路女嘅彈舌聲），
足以令睇嘅人寒到唔敢叫呀媽。
風平浪靜嘅畫面配上低頻音頻個種
格格不入原來令人更不安，
有種完場後仍然揮之不去嘅恐懼。
又，幫大家腦補下，
齣嘢會提及到異教神派蒙王KingPaimon，
所羅門72魔柱入面嘅第九個魔神，位階為王，
擁有漂亮女性外表卻係男兒身，
身騎駱駝，專收人頭。
因為性別是男性的關係，
相傳信徒能夠幫佢搵倒個完美男身，
派蒙王就會賜予信徒財富與智慧。
#Cult片介紹返 #Hereditary #祖孽 #宿怨
#今次多得呀嫲唔少 #DL呀嫲
#家庭衍生的不是團結而是死亡
#微型屋設定仿如邪魔監視
#女主角精神狀態係表情上表露無遺 #神級演技
#ToniCollette #東妮克莉蒂 #鬼眼女主角呀
#MillyShapiro #派蒙王
Panorama Films
