Search
#學測 #國文 用哈士奇考虯髯客傳…有老師說這次文言文比例提高且選材特殊，是近5年來最難。小編挑出第一題，你知道答案嗎？來留言回答吧📝📝
下列「 」 內的字 ，讀音前後相同的是：
(A)「 賚 」賞諸徒 ／「 齎 」 志以歿
(B)「 阡 」陌交通 ／惹禍招「 愆 」
(C)「 餔 」糟歠釃 ／「 仆 」地哭號
(D)「 矜 」寡孤獨 ／罪無可「 逭 」
《我嘅新朋友： #WforWhisky 》
前言：之前預告過，賴叔今年會試新嘢，其中一樣就係寫威士忌喇。 Patreon 、Medium 及 Facebook Page 讀者都可以睇，希望與眾同樂。
Patreon: https://www.patreon.com/posts/32893057
Medium: https://link.medium.com/zjPqbnyw02
- - -
W for Whisky. 威士忌，香港人讀音係「威士己」，常用俗語包括「威過威士忌」 (而我唔清楚咁即係有幾威？) 。
喺進一步寫落去之前，我要戴個頭盔先：賴叔係鼻敏感患者，嗅覺係正常人一半；又由於青春期喪食白烚翠玉瓜同娃娃菜，味覺都係正常人嘅一半。
所以，我講啲咩都好，大家最好 take it with a pinch of salt 。唔好阿叔講乜就講乜，自己用個鼻、用條脷，試真佢。
- - -
我同威士忌嘅第一次接觸，應該係 2011 年左右，某次中學預科同學食飯，有個做 retail marketing 嘅朋友 (仆街佢最近 like 咗我個 page ，唔知佢記唔記得呢單嘢) ，一人醒咗支實驗室 test tube 類嘅物體。
我返屋企一打開，哇， 43% 濃度酒精。咁當年我都出名係一個「酒精」嚟嘅，中學飲 Diamond Black (唔係 Jolly Shandy 已經好叻) ，大啲飲樽裝 Smirnoff Vodka Premix ，之後十年八載主要都係青島啤。純粹鍾意飲酒，冇咩品味可言。
咁一個「酒精」遇到高濃度酒精，當然就係試咗先講。一嘢 good 落喉嚨度，下一次噴返落鋅盤度。哇屌你鹵味，火燒喉嚨咁撚樣。沖完水之後，我二話不說成支 test tube 掉咗落垃圾桶。
就咁樣，第一次，完咗。就好似，青頭仔第一次想一桿入洞，點知卡咗喺對方大髀內側，動彈不得，磨多兩嘢，就繳械。
嗰一次，我以為自己呢世人都唔會再飲啲咁高度數嘅嘢。
- - -
又幾年後，日本威士忌風潮席捲全港，連原本孤寒度縮，啤酒都要飲獅威 (又好似冇咁誇) 嘅大學同學都要買支「響」嚟飲。咁人家盛意拳拳攞支唔知 17 定 21 (後來好似仲喺佢屋企見過特別版嘅盒) 年日威出嚟，點好意思拒絕呢又？
於是，一人一隻玻璃水杯 (真係飲水或者飲可樂嗰啲) ，斟少少，懶係聞下香，哇好和諧好 harmonic (按：「響」洋名叫 “Harmony”) ，然後慢慢咪少少，咪少少。吖，又唔係咁嗆喉啫，仲幾順喉添！
呢位朋友日後好似仲有買過啲唔知竹鶴定白州同大家分享，不過我印象一般，感覺麻麻地。或者係先入為主，覺得「響 17 」嘅順喉舒服啲。
後來我去日本旅行都有嘗試搵威士忌，睇下帶唔帶到支返香港。但係香港人去旅行真係唔係人咁品，啲舖頭見到你係香港人已經避之則吉。而去到免稅店見到嗰啲都係冇年份但又一啲都唔平嘅東西，就索性放棄。
- - -
2016 年，某次行誠品，我見到有個叫 vomFASS 嘅專櫃，賣油賣醋賣威士忌。咁我又膽粗粗去望下啦。酒精嚟架嘛。
吖，主打係蘇格蘭威士忌，另外有啲愛爾蘭嚟嘅。其他地方如美國嘅、其他品種如 VSOP 之類，都好似有少少。
咁我唔識飲威，就純粹按地方同名字去揀喇。我一向對愛爾蘭呢個國家有啲好感 (曼聯一代隊長堅尼 Roy Keane 都係愛爾蘭人) ，而當時有支出品叫 “Brothers in Arms” ，我鍾意。
店員當時講咗一堆嘢，大致意思係酒廠兩兄弟，各自釀咗桶嘢，一桶醞釀咗 21 年，一桶 14 年熟成，溝埋一齊，就係呢支神嘢。咁好啦，買支試下， 500 mL 都要近千銀。
咁當年賴叔好明顯係唔識嘅 (而家都唔見得好好多) ，當時飲嘅感覺，就係，吖，幾有層次，餘韻都幾強烈，吖，咁。
2020 年，我再做返少少功課，發現原來 Brothers-in-Arms 出自 Teeling ，酒源分別係一款 21 年 Sherry (雪莉桶，唔係雪梨) 同另一款 14 年 Bourbon (波本桶) 。
釀酒嗰兩兄弟姓 Teeling ，佢嘅祖先同長輩都先後開過酒廠，近代啲嗰間叫 Cooley ，1987 年成立，大約十年前被 Beam 收購，現為日本 Suntory 子公司 (因為 Beam 畀 Suntory 食咗) 。相信由 vomFASS 自家裝瓶嘅 “Brothers-in-Arms” ，酒源可能出自 Cooley 。
- - -
呢篇大致寫咗我初嚐 Whisky 嘅第一段路，下次，會再講下我喺朋友嘅介紹、薰陶同荼毒 (!!) 之下，點樣走過 2019 年。
《突然失常短故 － 紅色暴雨上班族》
一起身，就見到紅色暴雨警告。我第一反應係「Yeah！放假！」
但再冷靜返落嚟……先記得紅雨只係唔使「返學」，但都係要「返工」。
立即陷入絕望境界，我一邊自言自語：「唔x返啦！射波呀！」然後一邊默默更衣，著好皮鞋。
紅色暴雨就好似一種曖昧關係咁，谷住谷住，明明大雨，但又冇假放，
你承受咗個過程，但享受唔到個結局。
的確係令人受盡委屈，找不到相愛的證據。
落到大街，情況簡直係鬼哭神嚎，The day after Tomorrow。明明黑雨嘅雨量，但掛紅雨嘅模樣，都算係一種日常。
無情嘅雨水、趕返工嘅人類、冇車嘅巴士總站、加埋一對對濕q晒嘅襪，都充份表達我哋優秀嘅民族性。
巴士總站雖然冇車，但有一條長長人龍，我知呢次好彩啦，證明就快有車！跳起！Yeah。
可惜20分鐘過後，只有一條長長長長長嘅人龍，架巴士連影都冇。中晒伏……
一條長人龍只係視覺陷阱，多人等絕無意義，它不會扭轉交通擠塞的心意。
不過唔等都等咗咁耐，已經洗濕咗個頭。
終於，一架戰車緩緩駛入總站，感覺就好似摩西分紅海一樣，每個打工仔都充滿住救贖嘅表情。
「快啲上車啦喂！」如果人生有所謂最光輝嘅時刻，巴士司機最光輝，就係呢下啦。
打工仔爭先恐後，衝去車廂之內。可惜我前面個女人，偏偏係嗰種唔得爽手，唔識「一踏上車門順手收傘」嘅秘技，而係開住遮行上車，將雨水四濺車廂。再慢慢搵8達通嘅粉皮。
佢上車到「嘟」一聲足足用咗45秒，我諗塞車原凶應該就係佢！
而我又心急，係咁想上想上咁，佢又的住晒！
講真我嬲豬了，等我表演下咩係「一秒上車啦！」
當我起跑之際，個女人又突然停步，令我進退失據！
一嘢踩落水氹度！皮鞋同水面產生化學作用，我隨即跣底！
人向前傾，反射動作我想捉住一啲嘢，於是伸出左手！
但我忘記咗手中有傘，傘頂嘅尖端部份直插向無辜嘅巴士司機！
傘尖由右眼出發，一直插入後腦！
「我的媽呀！都叫媽子唔好買啲咁尖頭嘅遮架啦！家下搞出人命啦！」
睇見司機係咁標血，但依然一息尚存！仲有得救！
我心中相信大家呢一刻都會大嗌：「咁邊個call白車呀？」
「喂！！！咁邊個揸車呀？」坐喺車尾嘅西裝友大叫。
What？司機打橫瞓喺度！你竟然唔係諗「白車」，而諗「邊個揸車？」
如果呢家有條法例叫《虐待司機》，呢條爛坦肯定要入赤柱監獄，面壁思過至少三四十年。
但群情洶湧，大家都喪叫「邊個揸車！」
「我問你哋，係咪唔理司機生死！」
「再唔開車，我哋個個都死呀！」
oh，好殘酷嘅對話！我已經幻想到大家遲到，被鬧被炒被冷眼嘅畫面。講真，我咪又係一樣……
「好！個司機係我捅嘅。我有車牌，等我嚟揸啦。」現場，爆發一遍歡呼聲。
西裝友過嚟同我擁抱，我攬實佢。
大家冇講一句，但一切心照。友情度突然爆標。
司機被安置喺車尾，生死各安天命。
我坐上司機位：「各位！起飛啦！」
我幻想住自己係高達駕駛員，細細聲講句：「巴士高達，易key嚜s！！」（出發嘅日文讀音，好似係）
但，其實我好想同佢哋講：「我有私家車牌，但並冇巴士牌……」
算啦，車已開，一切已經太遲！
第一個紅綠燈位，我見到綠色人仔，果斷踩油！
成車人We嘩鬼叫，我心諗咩料呀，唔通我型過龍？
西裝友即刻鬧爆我：「綠色人仔你做咩行呀！」
我即時反駁：「綠色人仔咪行得囉！你識唔識過馬路架！你做咗幾多年人呀！」
「你家陣係架車嚟架7頭！」西裝友一喝。
「咦，係喎……我係車唔係人喎……」
呢一下，令車廂瀰漫住不信任嘅氣氛。
更大鑊係後面開始有警車追捕，相信我剛才衝紅燈太瀟灑嘅關係，已經釀成9車連橫爆炸性大相撞。
真係生靈塗炭……
突然前面一架警車打橫切入，想逼我停車！
西裝友同時大叫：「停車呀！」
咁緊張嘅moment，聖人都會出錯！我將加油當咗剎車。
巴士完美嘅衝力，好似羅馬啲半裸戰士咁，將架警車撞到飛天循地！
警車入面嘅人都被拋出車外！仲咁啱畀我輾埋入車底！
西裝友大驚：「走呀！」
我一聽，就加速！
但西裝友又擔心撞人不顧，更大罪：「都係返轉頭。」
我一聽，就倒車！
佢心大心細，「走呀！」「都係返轉頭！」「走呀！」「都係返轉頭！」「走呀！」「都係返轉頭！」「走呀！」「都係返轉頭！」
我就「加速！」「倒車！」「加速！」「倒車！」「加速！」「倒車！」
架巴士好似跳緊Tango咁，係咁前前後後，我相信車底嘅幾位仁兄，都已經變成堆「免治牛肉」。治療都可以免了。
如果以GTA做例子，呢架CRAZY BUS嘅追緝指數已經去到5粒星。
燈衝咗、車撞咗、人都殺咗，已經冇咩好驚，我風馳電掣，逢車撞車！
「喂！！你飛咗站呀！」後面個女人驚呼。
我心諗，後面九千幾架警車，點停呀！
心神一亂，直情行錯埋路！
同時警隊已經出埋飛虎隊、直升機、潛水艇、警訊嘅製作團隊，誓要將我哋一網打盡！
我要穩定軍心：「大家放心！！我哋一齊殺出去！！！」
大家一聽！眼中都露出堅定嘅眼神，同聲大叫：
.
.
.
「畀我落車呀仆街！」
估唔到佢哋仲咁理性，不過我已經冇晒常性！
一個甩尾，由高速公路飛落大街！擺脫警車！再開到200km直衝！我要闖出一片天。
呢個時候，萬物都安靜了。
差人們都已經停車熄匙，一切都告一段落。
「現正改掛黑色暴雨警告，請大家留喺安全嘅地方。」
收音機傳嚟呢段聲音。
大家……唔使返工啦……不過……太遲啦……
因為行錯路，巴士已經駛入咗警局，我……已經喺安全嘅地方。
聽日嘅報紙，或者會將我寫成恐佈份子，ISIS，或者呢世都冇人會知……
呢班Crazy bus嘅人，只係一班唔想遲到嘅打工仔。
教練……我……我…好想返工呀……
PS. 呢排寫咗叫《不存在的職業》嘅小系列故事，冇嘢做時可以望下：https://goo.gl/xh4bbt
ig: cheungson88
