華富財經
搵影子股好過衝新股
//
時代天使(6699)招股獲超購逾二千倍，要申請約二千萬元的股份才穩獲一手，上市首日亦不負眾望，最多升過1.8倍，當你以為這會為往後的新股打下強心針，但今天上市的兩隻新股，科濟藥業(2171)及優然牧業(9858)已經唔爭氣，昨天在暗盤同告穿底，後者早前疑似趕絕內地投資者參與，結果一手黨絕跡，最後只得兩萬幾份申請，超購不足四倍，穿底並不意外，但科濟藥業超購逾400倍，雖不是熱爆，都可稱作不錯吧，結果也難逃穿底的命運。
這三隻新股也帶出了一個訊息，就是新股市場大不如前，去年底至今年初，基本上任何質素的新股，都會獲得佳績，肯參與就會贏，但自港股在2月見頂後，偶爾會有快手(1024)、諾輝健康(6606)及時代天使這些爆升股，但其餘九成的新股都係令人失望，從3月起上市的20隻新股，有15隻現時已經穿底，若戰友仍抱著去年的心態，隻隻都去衝，似乎三隻爆升都唔夠頂其他。由於氣氛唔得，出擊時也要更加揀擇，有猶豫就不如等下一隻，寧願等一隻萬人空巷爭崩頭的，也不要揀啲五五波而去馬，出結果時擔心唔中會蝕息，比擔心穿唔穿底來得心安理得。
近期有一個趨勢，就是影子股炒得起，朝聚眼科仲未獲批上市，但同業希瑪眼科(3309)已乘勢而上，今天開始招股的奈雪的茶，反應是否熱烈就未知，但經營天仁茗茶的賓仕國際(1705)昨天就爆升三成，時代天使招股前，現代牙科(3600)亦屢創上市新高，所以密切留意新股消息，或者到披露易裝站睇實新股的「聆訊後資料集」，再做功課找影子股，隨時比抽新股更好。
//
仁健牙科好唔好 在 杜牙根今日去專科睇牙柱牙根雖然已經預左要萬5up 但係睇完個 ... 的美食出口停車場
杜牙根今日去專科睇牙柱牙根雖然已經預左要萬5up 但係睇完個醫生報價要成近2萬重點唔包牙套唔保用！！雖然話係專科但係咪真係貴左"少少"？？ ... <看更多>