「去Ikea做足準備，買得開心至醒得你。」不解釋。
IKEA九龍灣分店喺聽晚，6月26號23:00至星期六6月27號02:00會舉行「瘋狂特賣夜」，部份貨品低至一折（其實有幾多？）包括座椅、貯物傢具、燈呀咁，門市嘅即時提取家飾用品、自助貨倉貨品，同埋全線瑞典美食廊食品會有85折優惠。
潮友記得今晚上官網睇定想買嘅野係咪售罄，因為今次促銷有成千種貨品俾潮友揀。而且，聽日不設傢俬訂購服務，實行「手快有手慢無」。想買櫈，今晚就量好尺寸，夾好聽日同朋友一手拎兩張，搶購時間得3個鐘，記得call齊馬去cashier排定隊～
路姆西？今次唔知有無？記得著定t shirt牛仔褲做輕便戰衣，帶定mega size環保袋，同埋早啲去排隊！因為宜家facebook有提醒大家佢地聽晚會安排20:30前入場嘅顧客離場，23:00重新開放正門入口。帶定小食同水，你會用到的。
聽晚crazy sale不設送貨、安裝同代存服務，實帶「有手就有貨」，而宜家都有喺Facebook講過會有GoGoVan準備為顧客服務，實際收費就以call van時資料為準。而星期五夜晚消費滿$300或以上就會有3小時免費泊車優惠。
宜家facebook就表示，九龍灣宜家家居餐廳會開至01:00，無熱狗賣，但顧客仍可享受同平時唔同嘅宵夜美食，明白啦，我會執生架喇！
鳴謝潮友 J 溫馨推介
九龍灣傢俬倉 在 買傢倉 的美食出口停車場
買傢倉九龍灣分店【✨增設訂造專區&梳化專區】 2️⃣0️⃣2️⃣2️⃣【本月熱賣開倉 SUPER SALE】 買傢倉．本月熱賣開倉優惠，大部份貨品至抵特價發售‼️ ... <看更多>