😏喺指定診所有得拎啦喂～
時刻監視你。I AM 啤ING YOU~以後仲敢唔敢喺診所搞屎先～
多謝 樂信藥業 Advance Pharmaceutical 俾我寫呢啲嘢XD肛探呀～屎呀～呢啲真係唔係個個受我玩～個個話我變態，你估個個唔知我係變態咩～
#Iam啤ingYou
#乖乖等候醒醒定定 #等候期間睇吓我
#好快會見到親愛嘅醫生大人
#孤獨探肛 #FREEforYOU #OnlyYouCanTakeTheFree肛針
#邊間診所有得拎嘅揮吓手呀
#我嗰間冇 #陰公
【樂信 x 診所低能奇觀 信紙專欄】
去診所探熱前要登記，是常識吧？
睇下診所低能奇觀嘅故事先～
---------分隔線--------
有日，一位太太嚟到診所。
佢行埋嚟登記處：「喂，肥妹！」
喂你老頂，肥你籮柚，有冇禮貌呀你？
我：「請問有咩幫到你？」
佢：「同我探熱呀！」
我：「麻煩你身分證登記，或者畀覆診卡我～我同你登記先呀！」
佢：「我要探熱呀！」
我知呀！你趕住肛探呀嘛！我知呀！唔好咁急啦，除褲都要時間啦～
我：「唔駛咁心急啊，登咗記先探熱都得呀～」
佢：「我要探熱咋，我冇話要睇醫生喎，你唔好咁一廂情願啦肥妹！」
即係你嚟混吉啦。
我：「請問小姐你點解唔返屋企探呢？」
佢：「我行行吓覺得口㷫鼻㷫咪入嚟囉，你哋診所打開門口唔係服務大眾㗎咩？」
係就係大眾，不過我剛剛將你喺大眾名單中剔除了。點解？因為你嗌咗我兩次肥妹。
我：「我哋診所嚟，係畀病人睇醫生嘅。如果你有需要，我可以同你登記睇醫生。」
佢：「即係要錢啦，市儈！」
即係唔想畀錢啦，賤格！
我冇理佢。
佢行埋一邊坐低，執吓佢啲餸，執執吓大嗌：「喂！肥妹！探熱呀！」
我：「小姐，你要探熱冇問題，你畀我登記先啦！」
佢：「我一蚊都唔會俾你㗎，探熱都要收錢，你有冇良心呀？我喺度燒壞腦死咗嘅，你個名臭㗎咋～」
你求人係咁嘅態度嗎？
我望望插喺筒內的寂寞陳年肛探針：「我呢度得肛探咋，平時啲人探熱都係入醫生房探嘅，你探唔探肛呀？」
佢：「我口㷫鼻㷫你要我探肛？」
我係一個專業姑娘：「唔通人哋屎眼㷫先探肛咩，懷疑發燒就全身㷫㗎啦～點會淨係得一Part㷫呢？小姐，你真詼諧。」
佢嬲嬲豬離開診所：「詼諧得過你？探個熱都要收錢。」
都話探肛Free for you囉～
#樂信藥業 #診所低能奇觀 #時刻關心你
#信紙有得睇專欄 #指定診所取閱
#陪你等 #等你睇
