［員工同家人咋？我以為抄錶順手拮你兩針］拿，風水佬呃你十年八年，大師冇點你（？），現眼報。呢啲，就標題黨啦
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
1. 真係嚇撚得我丫，我以為係「上門抄電錶順手幫你拮針」。原來係員工同佢地家人啫。個題係咪可以寫好啲呢？
2. 「呀李生，上個月用少咗電喎，交少咗電費，慳咗百幾蚊，不如拮返兩劑科興？而家可以順手幫你打埋架啦。你要陀地嘛，我在呢區出晒名架啦」
3. 「呀李生，上個月用多咗電喎，係咪發燒？小心啲好喎。不如拮返兩劑科興？而家可以順手幫你打埋架啦。你要陀地嘛，我在呢區出晒名架啦」
4. 又，夜啲再同你講埋 852郵報，頭先寫嗰時都未知。亦真係正如我講，一樣，靠廣告都死，做Youtube亦死，最後都係靠游清源個人品牌。而事實佢後續亦係變成自媒體（一早有Patreon，唔少人訂的），one man band．
5. 分眾化，碎片化，個人化，自媒體，巴爾幹化。當然標題黨呢啲就未碎片化已經做。
6. 平台？就只係靠科企。但至少你唔使整間工廠 買印刷機咁咯。
7. 不過幾時都話，門檻低未必係好事。門檻高先有護城河。咁睇咩人咯。你有錢嘅，梗係鍾意舊時代，因為capital intensive，你冇錢冇得搞。但你真係寫文嘅人，so called 有talent 有insight 寫嘢好嘅（有人睇咪好），就當然鍾意新玩法。因為個門檻變咗係才華。人人搞到個youtube channel，但你冇人睇又係把撚。
8. 咁當然你有對波可以露都係才華（我曾經提議過個女網友搞個Youtube Channel叫「伊波露」，但佢話咁撚文雅嘅名冇人明，諗下都係。）。真的，人地賣波我賣文之嘛，本質上真係冇乜高低。你見啲他媽哥池賣相一樣賣得好過我賣文。市場導向啫，no complain。作為一個中間偏右嘅左翼（？？？），我真係細細個已經唔會走去投訴咩「點解打NBA搵得多過洗廁所」之類，或者點解林溢欣值千萬人工。有人肯畀佢咪值咯。仲要中介掠咗一大舊喎，如果真係自媒體化去中介化，佢應該分得仲多。你諗下，你信佢之嘛，而唔係背後間補習社喎。同媒體同一個道理。
9. （不過當然到科技成熟得嚟，而家香港少咗好多學生，有啲又移民，所以補習天王朋友都話我知，冇得玩的了）
10. 係喎，又離咗題了，你地心諗呢條友（係呀我呀）到底中文點拎A的。但，我係個識得Play by the rule嘅人。我考試就唔離題啦，我知你想要乜。英殖港仔嘛）
11. 真的，一般情況下我唔會寫。其實852郵報我從來冇課金，亦好少睇。但，游清源喎，都係寫作上好影響我嘅一個人。唔知有冇人留意到啦。夜啲再寫。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
中文 補習天王 在 (中字)中文補習天王林溢欣簽約上市公司年年收逾二千萬！誰知 ... 的美食出口停車場
(中字)中文補習天王林溢欣簽約上市公司年年收逾二千萬！誰知公司數天內竟破產？神奇！談香港補習行業慘況及東亞補習文化！ ... <看更多>