[這裡是香港?] 唔係想人幫手鬧喔，只是無聊純分享。
早排放工後，我一個人去間又逼又忙既小店食飯，一對母子響我身旁坐低，媽媽同我差唔多大，仔仔5歲左右。上菜時，媽媽無叫仔仔放低佢手上一直玩緊既大Mon手機，反而幫佢棟起部機響碗前，叫佢邊食邊玩疑似學習Apps。另外同侍應溝通時佢地用全廣東話，應該係純正廣東人，但母子對話卻用全英文咁滯(複雜既就用返廣東話)，而且句句零碎兼文法古怪——我必須強調我都係個普通廣東人，唔會扮只聽得明正統英美發音同文法，但譬如當媽媽指住個Mon問「Wat animal is a shorkes」，我真係要諗下先知佢應該係問「What animal is the shortest」。
我奇怪：一，有咩急事應該都冇必要邊食飯邊玩電話，二，如果父母英文唔好咁俾返學校教就可以啊。我明白而家「學識通脹」所以好多野都好早教，但總要教正確既野架，如今教到仔仔又冇Manner，又冇Grammar，都唔係咁好呀？
我細個以為到我呢代人做父母，應該更易教到新一代「知書識禮」，因為大部份人必定有中學畢業學歷；但現實中原來冇咁理想，因為擁有正確心態遠比學識重要。
感覺上日常出街愈黎愈常見到呢種事，寫劇本應該寫埋入情節中。(笑)
P.S. 頭盔：希望冇人會留言「到你做父母時你就唔係咁講架喇」(笑)
中學畢業學歷 在 英文多一點A Little More English - #英文學習必知「各種教育 ... 的美食出口停車場
不管是大學、學院畢業就可以取得學士學位（bachelor's degree） ... 小學之後，高等教育（大學）之前）中學：secondary school / high school ... <看更多>