問：
Hi,師兄
是咁的,我一直都冇乜點温世史,以往小測,EXAM都是之前一星期左右温習的,我也一直有進步.但最近,成綪每況月下.雖然還是合格,但我很想重回進步之路.師兄有方法教我嗎?
1: 我退步的課題是中國清朝到近代中國(包括國X黨)和香港史(香港史未教完).
2: 另外,我想問,重温中四,中五的課題時,有什麽地方要注要和Tips呢?
感謝
掉進世史坑的人.
答：
其實歷史科甚至大部分文科都係主要考兩樣嘢，第一就係勤力，如果你肯勤力去讀嘅話，當然仲有得救啦，但如果你唔勤力嘅話，神仙都救唔到你﹗所以，你第一樣又改善嘅係勤力程度，因為文科向來要求嘅天才都係勤力型天才，而唔係資質型天才。
而第二就係正確度，包括史實同技巧嘅正確度，係史實正確度方面，如果你肯勤力嘅話，正常應該會掌握到史實，當然如果你唔勤力咁就無辦法啦。
至於技巧正確度方面，除左補習之外，同學可以睇多D考評局嘅評分參考同考生表現，因為裡面會大概話到俾你聽作答要求係點。但係，如果同學單單睇一、兩條題目嘅話，對於技巧嘅認知係好少。所以，睇晒考評局有關DSE嘅past paper呢個係最基本，如果同學真係想全面D去學嘅話，甚至乎應該要睇埋CE同AL考評局嘅題目同考生表現，因為DSE現時都係得4份試題，對於理解技巧確實唔係太足夠。
至於溫習課文嘅時候，必須要摸清脈絡，要知道邊D係重點，咁樣溫起上黎會比較有效率，例如中國上半葉方面，主要讀嘅有晚清改革、辛亥革命、五四運動、南京政府改革同共產主義革命，而共產主義革命係2013年出左Essay，再翻炒機會低，跟住你就要知道晚清改革、辛亥革命、五四運動、南京政府改革裡面最主要讀上述改革或革命對於現代化嘅成效，咁變左你就主要溫習成效部分。另外，如果你清楚每個課題出邊D題型當然更加好啦，例如中國上半葉主要出兩極化類題目同比較題為主，變左你就可以更加集中溫呢D題型嘅題目。但先止聲明，同學唔好逐個課題問我邊D係重點，因為一來每年嘅重點都可以會略有唔同，二來呢D應該係同學自己去摸索，咁樣先可以更加清楚考試﹗
至於你以架重溫中四、中五嘅課文嘅時候，我會建議真係粗略睇一次，自己mark低D point同例子就足夠啦，更加重要嘅係真係操練﹗愈接近考試，操練就愈重要，我建議同學粗略睇完一次課文之後，就真係落手落腳去做Essay同DBQ，因為溫書唔會教識你邊D point同例子係essay/DBQ裡面係常用嘅，只要真係試過去做，你先會慢慢發現同掌握到。
好多同學都一味話未溫熟課文，所以唔去做Essay同DBQ，但事實上，好多同學溫完一次之後轉個頭又唔記得左課文，然後又話唔夠熟又再溫過，結果最後咩都無做到，浪費時間。其實，同學應該係粗略睇完一次課文之後，就去操Essay同DBQ，然後邊操邊溫，就算我自己做Essay，我甚至乎會上網搵料，咁樣對於增加我自己本身嘅認知都好有幫助。所以，請各位同學坐言起行，真係去操Essay & DBQ﹗
以架距離考試嘅時間並唔係得返好多，如果同學想短時期內最返進度，除左技巧之外，最簡單嘅概念就係等價交換，用你嘅勤力程度換返失去左嘅時間。如果你仲未有咁嘅決心同鬥志嘅話，我唯有祝你好運。
世史dse past paper 在 【2014DSE歷史科建議答案】 - Facebook 的美食出口停車場
【2014DSE歷史科建議答案】 by DSE History歷史資源- JMHistory 2014年資料題有小小變化，第二題有三個資料，而Q1最後一條亦出奇地淺，但整體提問用語及題目也和往年 ... ... <看更多>