https://www.patreon.com/posts/52039706
唔怕Chump，又搬一次我嘅「六四CV」出黎講：1989年，我曾經出席多次集會遊行；之後一連十幾廿年，每次燭光晚會大多出席，自從我寫Blog開始，幾乎每一年都必會探討嘅題目──所以對於六四認識，我有信心唔會比支聯會班廢老黎得少。
亦因為咁，自從本土思潮覺醒後，我亦開始質疑一味強調「建設民主中國」仲有無實質意義；支教民借助六四晚會為飯民選舉籌款造勢，排斥其他抱有異議嘅參與者；將所有不在維園舉行嘅悼念活動視之為「搞散民主運動」；
常委徐漢光甚至用斯德哥爾摩症候群形容天安門母親更令人作嘔──不過點都唔及我對香港一眾中剷，只視出席晚會、捐款為一項購買贖罪券行為，覺得自己有悼念六四就代表向中共抗爭咗，第朝就可以良心毫無受到責備情況下照常準時番工。
既然「六四」已腐朽至此，我亦唔覺再有參與任何紀念儀式的意義。
但係去到2021年，悼念「六四屠城」卻有一種新意義：而呢項意義係由特衰政府同共慘黨加諸上去嘅──就係當組織、鼓吹甚至連參與六四集會都變成犯法行為嘅時候。
我支持由2021年起重新加入悼念六四行列，並唔係同其他本土所諗一樣：要同內地維權人士連結。事實上香港難以撼動內地民主發展、自顧不暇呢個客觀事實並未改變，甚至乎萬一有人共慘黨用「不再干涉內地事務」作為容許香港民主自治作為條件，我覺得係一個可以考慮嘅交易條件之一。
而家問題卻在於，政府對六四集會嘅打壓，令悼念六四唔再單單限於「建設民主中國」咁簡單，直接變成了一個本土抗爭運動──竟然你咁撚唔想我地紀念六四，甚至不惜用坐監酷刑侍候，咁其實同迫本土派認同六四係無分別。
不過仍然令我感到失望嘅卻係，人地特衰政府都未劃好條界，成班和理非中剷卻已尻縮到話要搞網上悼念，慌死佢地萬金之體會受到任何危險威脅──當然，更無卵蛋嘅中剷，就直頭以打國際線名義自欺欺人走咗佬添。
而家港台「引述消息」話警方考慮將以下幾項行為列為犯法行為，包括：
1.唔可以響維園入面著黑衫
2.唔可以響維圍入面點燭光同嗌口號
3.唔好以響維園入面聚集，否則有可能被視為非法集結
既然政府都劃好哂紅線比大家「參考」，點解悼念六四唔係由呢堆紅線外嘅範圍開始思考呢？佢唔比著黑衫，咪著白衫去維園囉；佢唔比點燭光叫口號，咪唔撚做囉；佢唔比響維園入面聚集，咪響維圍外面行街囉
當然，如果鼓吹市民做上述嘅嘢的話，本身可能都已犯咗法，所以我響呢度都只係呼籲大家盡量做合法嘅事，而唔好以身試法。但唔撚該，唔好企響人地條紅線幾百萬丈遠，響啲絕對安全嘅地方圍爐打飛機，然後好自豪咁講自己響度抗爭緊囉。
最後響度同大家分享一個KOL故仔：話說燒山響節目曾經講過呢段說話：
燒山：我而家想問下啲本土派，當日你地話共產黨最唔想香港人記得六四，咁點解而家中共會禁止哂所有六四紀念活動？
問：咁我都想問下燒山你，當日你話公民抗命係要自首，之後欣然接受法庭判罪，自願坐監先能夠彰顯社會公義，主張「不被捕」嘅本土派係懦夫；咁點解今日你會走佬去台灣嘅？
燒山：你識乜X！依啲叫時勢唔同！
答：哦！收倒！
不被捕 在 FTX創辦人被捕最高面臨115年刑期梅西創史上壯舉今再看姆巴佩 的美食出口停車場
FTX創辦人 被捕 最高面臨115年刑期梅西創史上壯舉今再看姆巴佩| 十點不一樣20221214@TVBSNEWS01. 10K views · 1 month ago #FTX #梅西 #TVBS直播 ... <看更多>