《 濕疹眼也可以笑 》
我一直有眼敏感，
而我一直都知道我對貓毛有嚴重敏感。（有跟開呢度的朋友應該知的的經歷，所以唔再講了）
只是上星期有一朝一起身，對眼腫到一個波咁，又痕又痛，視力有點模糊.....
由於事出突然也真的好唔舒服....
於是即時打去專科，最感恩即日突然有位有得睇....
醫生話是眼出現敏感＋眼有濕疹
以下是醫生跟我的相話，我想跟大家分享一下。
我：我的眼角膜還好嗎？有穿嗎？因為我呢幾年痕左好耐，摔左好多次，又模模地....下刪一萬字的憂慮HAAAAA
醫生：沒有，你的角膜還好。就咁睇你是眼敏感及有點濕疹。
我： 哦，那會盲嗎？
醫生：眼敏感，發炎及濕疹都不會致盲既岑小姐....
我：咁就好了，謝謝醫生（我已經很輕鬆了，因放下了心頭大石）
醫生：但是，你係唔應該養貓！你一日都養貓，你一直都唔會斷尾的！不過其實敏感體質是很難斷尾的
我：我養左佢十年了，你肯定一定是牠嗎？（其實我心裡都知HAA）
醫生：沒有人能100% 肯定那一個是最主因，但你的致敏報告都顯示你有嚴重貓毛敏感啦，你自己衡量下你要好定係貓（開始有DD激動）
我：如果我一直敏感會死嗎？會盲嗎？
醫生：不會死，也不會盲，除非你做左D咩.....
我：那如果的已經知道最嚴重會點，那就無問題了
醫生：我已經講左你點先係最好，你係都要養，你下次來我都只能做到同一樣既野
我： 其實你都話敏感體質是很難斷尾的，那我有貓無貓，其實都是一樣的。
醫生：（由激動變無奈了）......
我已經不是第一次被醫生叫我放棄養貓，
敏感不好受，而家眼有濕疹也不舒服。
只是人最怕就是未知同無知，
既然我已經知道只是濕疹，
而知道不是最壞的問題，
那怕什麼呢？
濕疹不會死人的，我也不是沒試過.....
如果你明白我曾經經歷過最嚴重的身體問題，
這樣的結果就顯得很小事了。
總有方法去舒緩的！
坦白講.....我不是偉人，
在我最差的狀態下，我不是沒想過放棄貓....
只是那種感情是解釋不到的，因為佢地係我個仔！！
BEBE突然走左既個一刻，我直頭傷心到想死......
如果你係家長你會明死左一個仔的心情....
而當我最差的時候都挨得過，都共存到，我現在還懷疑什麼呢？
最多係勤力D吸塵，清潔～～
我一直很感恩很感恩我的生命裡有貓！
我的生命因為佢地變得完整，學會很多很多........
所以，你要我放棄嗎？？？
放棄我自己個仔嗎？
我唔會再同醫生SSS／唔明白的人再爭論下去，
也不要再將自己的價值觀套在我身上，我經歷過的不是一個普通人能懂的！
你可以話我抵死自己攞黎，但請尊重我的選擇，
也尊重每一個生命的價值。
每一個生命來到呢一個世界上是平等的，
既然決定有他們的一天，就負責任到底！
（其實不是佢地需要我地，而係我地需要佢地，知道嗎？）
其實我內心平安是因為我經歷過，我KO過多年前的濕疹。
而家，
醫生開左藥＋不含類固醇的眼藥水＋有類固醇藥膏比我。
我絕對知道藥膏不能依賴！！
因為現在很嚴重，所以我容許自己搽最多2日的有類固醇藥膏，食1至兩天藥好了。
眼藥水會滴，因為安全。
但之後我要靠自己的皮膚同抵抗力去面對，
我多年前是用死海鹽去KO我的濕疹＋狂飲去濕薏米水，
今次再用番先！
祝福我自己救自己～HAAA
呢個世界，
所有野都有方法處理的：）～
只有無知，無情先無得救。
#濕疹
#濕疹眼 #敏感
#貓毛敏感
