【阿公講鬼】《十年未晚》(６)
＝＝下半部分有繁中華語版＝＝
(1)https://bit.ly/3g8i0oT
(2)https://bit.ly/3pySM7G
(3)https://bit.ly/3v2RUJx
(4)https://bit.ly/3zk9tIl
(5)https://bit.ly/3vvpbNI
當遇上家寶，阿公先瞭解整個人物關係圖，動機亦好自然咁浮上水面，更加能夠確定阿公嘅推測係正確嘅，潘叔唔知喺邊度學識半桶水嘅道術，能夠見到小鬼，喺鬼屋畫符咒，將周圍嘅小鬼養喺鬼屋入面，等待復仇嘅一日來臨。
家寶、婷婷、小鈞三個小朋友一齊嚟到荔園，絕對唔可能係巧合，而係潘叔嘅精心安排。
佢哋嘅父母，家寶父親李卓榮、婷婷父親周凱明同埋小鈞嘅母親王敏，三人從中學就係好朋友，讀同一班，有共同嘅喜好，亦都有共同嘅欺凌對象－－潘叔。
畢業後，佢哋仲有聯絡，一齊讀大學，工作上亦有互相扶持，偶爾出嚟聚餐會，會一邊飲酒一邊傾返中學時嘅往事，每次講到欺負潘叔嘅時候，三個總係笑到臉紅耳赤，彎腰飆淚。
呢啲青春往事，每次諗返起都係咁好笑。笑到夠喇，就摸住酒杯感嘆：「真係歡樂燦爛嘅青春啊～」
然而，對於潘叔嚟講，中學發生嘅事就只有絕望，多年嚟好似夢魘咁纏繞住佢。
學校有一隻狗，叫阿財。係校工養嘅，用嚟防止有賊走入學校。
某一日，周凱明咁啱見到阿財喺學校門口大便，佢就用膠袋將新鮮得冒煙嘅糞便裝起，然後偷偷丟入潘叔嘅書包入面。
「老師！阿潘個書包好臭，我懷疑佢帶違禁品。」上堂嗰陣，周凱明以宏亮嘅聲線報告老師，令本來昏昏欲睡嘅同學都精神抖擻起嚟，視線全部集中晒喺阿潘個書包度。
佢哋知道，今次有好戲睇喇。而老師用狐疑嘅眼神望住阿潘。
「我、我無啊！」阿潘一臉茫然。
「或者會唔會係…佢嘅午餐呢？聽講阿潘有食屎癖好。」李卓榮附和，班上開始傳出竊笑聲。
阿潘心知不妙，結果老師打開佢個書包，課室頓時臭氣衝天，食屎潘呢個名就喺嗰 日得返嚟。
當然喇，欺凌少不了暴力毆打，有一次，李卓榮雙手拎住張椅子，跳起再坐落阿潘身上，佢宛如灰熊一樣嘅身軀，將阿潘嘅盆骨當場壓碎。
阿潘痛到瞓喺地下慘叫，咁啱落課鐘響起，全班同學都離開課室，無一個人理佢。最後，係佢咬緊牙關，自己企起身行去醫院，結果仲要住院一個月。
出院後，阿潘唔敢再返學校，但又唔敢同父母說明狀況。只好每日假扮上學，喺附近嘅餐廳等到放學先返屋企。終於學校接受唔到阿潘長期缺席，將佢踢出校。
以中途退學嘅學歷，當然搵唔到舒舒服服嘅工作。盆骨有永久後遺症，就連體力勞動嘅工作都做唔掂。
幸好，阿潘搵到一間酒樓做服務生，仲喺嗰度結識咗而家嘅老婆，生咗瑋晴呢個寶貝女。
但佢嘅生活並無因此而擺脫惡夢重回正軌，十年後嘅某一天，不唔知係邊個同學，竟巧合地揀咗佢工作嘅酒樓舉辦舊同學聚會。
當晚，王敏發現到佢，於是欺凌嘅遊戲又開始喇。佢畀咗雙倍價錢酒樓經理，要求潘叔成晚淨係幫佢哋斟酒。
當潘叔行入包廂，就見到一堆熟悉嘅臉孔，熟悉嘅笑容，熟悉嘅蔑視眼神。
所有同學都長大咗，佢哋都著住成熟嘅西裝，一副事業有成嘅樣，但佢哋嘅行徑一啲都沒變。
嗰晚，因為潘叔呢個「餘慶節目」大家都玩得非常盡興。從佢哋嘅談話內容得知，三人都已經結咗婚，有一個幸福美滿嘅家庭。
潘叔體內嘅怨憤幾乎忍唔住要爆發出嚟，連呼吸都會呼出黑色嘅煙霧。呢班惡魔，將佢嘅人生搞成咁，憑咩可以有咁幸福嘅人生？！
潘叔唔敢話自己係好人，但佢哋肯定就係「惡」，惡有惡報，唔通只係呃小朋友嘅大話？
散席後，其中一個已經唔記得叫咩名嘅同學，覺得畢竟係同學一場，咁樣做太無禮貌，特意封咗大利是同卡片畀潘叔，話以後有咩需要幫忙，可以搵佢。
當係贖罪劵啊？潘叔嗤之以鼻，將卡片丟埋一邊，直至幾年之後，佢搵到一份荔園嘅清潔工。某一日，公司可能想吸引更多客人嚟樂園玩，將一大疊免費玩機動遊戲嘅優惠劵派畀員工。
潘叔無將呢疊優惠券送畀佢個女瑋晴，反而搵返張卡片，聯絡個舊同學，拜託佢將優惠券不動聲色咁送畀李卓榮、周凱明和王敏。
然後，潘叔就每日都期望住佢哋嘅光臨。
佢哋個仔女嘅光臨。
2000 like 、200 share有下集！
《阿公講鬼４：魑魅》預售開始！
７月出貨！
https://bluegodzistore.boutir.com/i/VljXG4gAA
＊＊＊＊＊＊＊＊＊
＊＊繁中華語版＊＊
＊＊＊＊＊＊＊＊＊
當遇上家寶阿公才瞭解整個人物關係圖，動機也很自然地浮上水面了，更能確定阿公的推測是正確的，潘叔不知從哪裏學來的半桶水道術，能夠看到小鬼，在鬼屋畫上符咒，將周圍的小鬼養在鬼屋內，等待復仇之日。
家寶、婷婷、小鈞三個小孩一同來到荔園，絕對不可能是巧合，而是潘叔的精心安排。
他們的父母，家寶父親李卓榮、婷婷父親周凱明和小鈞的母親王敏，三人從中學就是好朋友，讀同一班，有共同的喜好，也有共同的欺凌對象－－潘叔。
畢業後，他們依舊有聯絡，一起念大學，工作上也互相扶持，偶爾出來聚餐會，會一邊喝酒一邊聊到中學時的往事，每次說到欺負潘叔的部分，三人總是笑得臉紅耳赤，彎腰飆淚。
這些往事，每次回想起都這麼好笑。笑到夠了，便摸著酒杯，舒一口氣說：「真是歡樂燦爛的青春啊～」
然而，對於潘叔來說，中學發生的事就只有絕望，多年來像夢魘一樣纏繞著他。
學校有一隻狗，叫阿財。是校工養的，用來防止學校有小偷。
某天，周凱明剛好看到阿財在學校門口大便，他便用膠袋將新鮮得冒煙的糞便裝起來，然後偷偷丟進潘叔的書包內。
「老師！阿潘的書包好臭，我懷疑有違禁品。」上課時，周凱明以宏亮的聲線報告老師，讓本來昏昏欲睡的全班同學都精神抖擻起來，視線全集中在阿潘的書包。
他們知道，有好戲看了。老師用狐疑的眼神看著阿潘。
「我、我沒有啊！」阿潘一臉茫然。
「或許是…他的午餐？聽說阿潘有吃屎癖好。」李卓榮附和，班上開始傳出竊笑聲。
阿潘心知不妙，結果老師打開他的書包，課室頓時臭氣衝天，吃屎潘這個名字就在那天得來。
當然了，欺凌少不了暴力毆打，有一次，李卓榮雙手拿著椅子，跳起再坐在阿潘身上，他宛如灰熊一樣的身軀，把阿潘的盆骨當場壓碎。
阿潘痛得在地上滾動慘叫，剛好下課鐘響起，全班都離開課室，沒有一個人理他。最後，是他咬緊牙關，自己站起來去醫院，結果還要住院一個月。
出院後，阿潘再也不敢返回學校，但又不敢跟父母說明狀況。只好每天假裝上學，在附近的餐廳待到放學。終於學校受不了阿潘長期缺席，將他踢出校。
以他中途退學的學歷找不到舒舒服服的工作。盆骨有永久後遺症，就連體力勞動的工作也不行。
幸好，阿潘找到一間酒樓當服務生，還在那裏結識了現在的老婆，生下瑋晴這個寶貝女兒。
但他的生活並沒有因此而擺脫惡夢重回正軌，十年後的某一天，不知是哪個同學，竟巧合地選了他工作的酒樓辦舊同學聚會。
當晚，王敏發現了他，於是欺凌的遊戲又開始了。她給酒樓經理付了雙倍價錢，要求潘叔一整晚幫他們斟酒。
當潘叔走進包廂，便看到一堆熟悉的臉孔，熟悉的笑容，熟悉的蔑視眼神。
所有同學都長大了，他們穿上成熟的西裝，一副事業有成的樣子，可是他們的行徑一點也沒變。
那晚，因為潘叔這個「餘慶節目」大家都玩得非常盡興。從他們的談話內容得知，三人都已經結了婚，有一個幸福美滿的家庭。
潘叔體內的怨憤幾乎禁不住要爆發出來，連呼吸都會呼出黑色的煙霧。這群惡魔，把他的人生搞垮了，憑什麼可以有這麼幸福的人生？！
潘叔不敢說自己是好人，但他們肯定是「惡」，惡有惡報，難道是假的嗎？
散席後，其中一個已經忘記名字的同學，覺得畢竟是同學一場，這樣做很不好意思，特意給潘叔一封大利是和卡片，說以後有什麼需要幫忙，可以找他。
贖罪劵嗎？潘叔嗤之以鼻將卡片丟到一旁，直至幾年之後，他找到一份荔園的清潔工。某天，公司可能想吸引更多客人前來，把一大疊免費玩機動遊戲的優惠劵派給各員工。
潘叔並沒有將這疊優惠券送給他的女兒瑋晴，反而找回那張卡片，聯絡那個同學，拜託他將優惠券不動聲色交給李卓榮、周凱明和王敏。
然後，潘叔就每日期望著他們的光臨。
他們子女的光臨。
（待續）
2000 like 、200 share有下集！
