【職場生存必備系列 — 上司下屬相處之道＜下屬篇＞ 】 #職場生存必備 #MrBusiness
正所謂好工不如好老細，跟著個好上司，喺職場上無論對你的快樂程度、人工福利、晉升機會或進步空間都有好大正面影響。之但係好上司可遇而不可求，對下屬來講，通常都會覺得伴君如伴虎，究竟點樣先可以得到上司賞識？小弟會話，首先你要處理好同上司的關係。
第一，Always have a pen and a pad
當上司交帶工作比你時要專心聆聽，記低重要事項。回想我初出茅盧，第一次開會前上司同我講「Always have a pen and a pad」，意思最好拎紙筆抄低工作細節或安排。除佐事後方便跟進，亦是對上司的尊重。如果到落手做時先發現有嘢唔記得再去問，上司就會覺得你開會發夢，無心裝載。
第二，主動溝通彙報
職場上，要學識同上司主動溝通，定期彙報工作進度，有問題可提出自己意見、想法等。即使工作上遇到樽頸位，亦可直接搵上司溝通。上司是前輩及過來人，有能力為你指點迷津及在工作上支持你。我相信一位好嘅上司會好樂意在你面對難題時幫手解圍。
第三，懂得忍耐，自我調節
公然頂撞上司，絕大多數情況下是非理性和衝動的表現。與其當面頂撞，不如先忍耐，等待時機，單獨與上司討論。當下，你可能會有情緒，但唔好被情緒影響手頭的工作。你可以短暫離開現場，自我調節，等情緒平復，再繼續工作。記住：忍耐和自我調節係職場上必不可少的能力。
第四，保持尊重
上司坐得呢個位，必然有佢過人之處，佢亦要為團隊所有決定承擔責任，所以你要理解和尊重他的決定，做好佢委派你做的份內事，同佢一齊實現團隊目標。
其實上司下屬同坐一條船，上司有做上司的難處，下屬有下屬面對的困難，如果大家都有同理心，願意溝通，互相了解和信任。團隊破浪前進豈會是難事。
