2021書展完滿結束。
好開心今日順利完成咗人生中第一個簽名會，宜家呢刻嘅感覺，實在非筆墨可以形容。對於我嚟講，呢一本書，呢一個簽名會別具意義。有Follow開我哋嘅朋友都知道我哋平時都幾低調，好少會喺公開場合同大家見面。原因係我覺得只要大家喜歡我哋嘅創作就足夠，想保持一點神秘感。直至早前知道今年會有分享+簽名會，心情真係既興奮又緊張。興奮係因為可以同大家見面，可以親身同大家交流。緊張係因為未試過，怕自己表現唔好，又擔心可能會再被取消。
然後有一日，好記得有朋友同我講咗一句「第一次，要有fans」，然後特登請假嚟支持我。仲有親愛嘅屋企人同朋友，開完會大老遠趕過嚟支持，特別係今日仲要冒住三號風球、狂風暴雨嚟到，除咗感動就係感謝。大概係上輩子修來嘅福氣，我先能夠遇到咁多好人好事。雖然相聚嘅時間好短，但係你哋每一位嘅支持同鼓勵都足夠溫暖我嘅心。仲有好多今日嚟唔到嘅朋友，知道我有呢個活動都特意為我送上祝福同加油，真係好窩心。🥰
多謝你哋喜歡Bulbble Inc.! 我會將大家送俾我嘅力量集合起來，再轉化成文字、圖像送比大家。希望我哋嘅作品都能為你嘅生活，帶來一點光。Let’s keep shining！期待之後有更多機會同大家見面！❤️
三號風球2021 在 【三號風球】風暴速報2021/07/19 19:00 | MET WARN (2021) 的美食出口停車場
三號風球 生效，MET WARN為大家分析最新情況。而今晚較後時間會有Facebook 直播，敬請留意。 ... <看更多>