《戒口》
之前post左張攞住咖啡嘅相，大家都非常之關心，擔心baby N 👶🏻 受咖啡因影響（其實果杯咖啡唔係我嘅），西醫角度，每日一杯咖啡/奶茶，不會影響胎兒或增加流產風險。
好多人都問我有冇戒口，或者不斷比意見叫我呢樣食多啲，果樣唔好食。其實做媽媽已經有好多野身不由己，仲要加埋呢樣限制果樣限制，精神崩潰！
我自己將食物分為兩類：
1: 食咗「有機會」有大問題：未熟透嘅食物，有李斯特菌，如生蠔，魚生，沙律；食咗，唔知你好唔好彩，好彩就冇事，唔好彩就。。。
生豬肉可能有弓形蟲，街貓糞都可能有，所以唔好玩💩 同唔好亂摸外面嘅野生動物。
2: 食咗睇你受唔受得：中醫所講嘅涼性食品/凍飲，話會引致胎盤不穩；西醫角度係中庸之道，食吓冇所謂。。。終歸睇你體質得唔得，有啲人得，有啲人唔得，唔會食一啖就死，食咗又唔洗咁驚。
3. 有敏感底的人，即無啦啦都會身痕/鼻敏感/濕疹，完全唔敢食海鮮，或一切致敏的都不吃... 其實皮膚過敏本身嘅遺傳因素都好高，所以你食唔食，你嘅敏感基因隨時都有可能俾咗佢。有醫生話多食致敏食物，可令BB敏感由輕微至嚴重。做媽媽嘅，經常會怪責自己做得不夠好，所以如果想安心又心安理得，就食少D。
我冇食第一類食物。西班牙火腿/煙三文魚冇食，連沙律菜都冇食(係因為擔心洗得唔乾淨！) 而西餐sea bass/ 牛扒/漢堡包就order 全熟。正宗carbonara係用生雞蛋，所以都沒有吃。
第二三類就冇特別戒口：凍飲/豆漿/椰青/（信譽良好的）雪糕/水餃裏面有木耳/ 煮熟左嘅海鮮。。。全部都冇戒（當然都冇特別食得多）
都係果句，均衡飲食，樣樣野都唔好食過量就OK。😘
你哋又有冇戒口？
