《 李懂媽周日漫談 》 之「 吻 」
有線電視體育女記者，響七人欖球賽直播期間，畀兩個鬼佬左右夾攻錫面豬登，事後表示唔會追究，花生友傾巢而出，連周浩鼎都衝出嚟柒，呼籲平機會跟進。
我嘅睇法好簡單，除非證明女記者受到外來壓力，否則，佢覺得要追究就叫有線新聞部出頭，佢認為唔駛追究件事就完咗。
我一貫嘅立場都係，尊重當事人嘅決定。
好多低級專欄作家同埋網上無知評論，可能睇得陶傑多，都學會「偷換概念無限伸延」，問 : 如果唔係鬼仔，而係其貌不揚嘅大陸佬，係咪都唔追究呀？
乜嘢叫做陶傑式「偷換概念無限伸延」？
每當女性投訴#Metoo，十九才子都會反問一條白痴問題：「 如果係金城武你會唔會投訴呀？」
任何有常識嘅人都知道，每一個個案都係獨立case，當事人自己嘅感受就係最終答案，永遠唔會有白癡嘅主控或者法官問當事人呢種弱智問題「 如果涉嫌人士係金城武你會唔會告佢？」
因為每當離題萬丈無限伸延，就會出現反問再反問再再反問，直到永遠……
「 咁如果嗰個其貌不揚嘅大陸佬係馬雲呢？ 你唔告佢佢」、「 咁又如果馬雲破咗產呢？ 你又告唔告佢」……
「 咁如果金城武撞車毀咗容呢？你告唔告佢」、 「如果金城武雖然靚仔但係周身皮膚病呢？你告唔告佢」…… 陶傑式小學雞反問，將會無限輪迴。
以下係我一次親身目睹。
前年Hanjin（已經結業嘅韓進船務）擺春茗，合作夥伴同埋員工加埋都有廿幾三十圍，最後抽獎，開頭嗰兩個都相安無事，後來抽到一個女仔（個樣好似阿sa）上台領獎，負責頒獎嘅韓國老總畀完禮物，突然間錫咗個女仔左邊面一啖，台下有人嘩一聲、亦有人拍掌大笑，個女仔愕咗然一下，跟住斯斯然微笑行番落嚟……
個女仔唔似係識得，當時佢其實有好多選擇，可以兜巴星佢（ 一定會畀人批評）、 可以哈哈笑咁錫番韓國佬一啖（ 一定會畀人批評）、可以報警處理（一定會畀人批評）、 可以揼低件禮物拂袖而去（一定會畀人批評）、 可以若無其事完全唔追究（一樣會畀周浩鼎咁得閒冇嘢做嘅人批評）……
李懂媽
#奶奶好錫我老公
七人欖球賽直播 在 直播香港國際七人欖球賽Watch the Hong Kong Rugby ... 的美食出口停車場
Hard Rock酒店2樓以全澳最大的螢幕為您直播香港國際七人欖球賽，這個週末跟朋友一起歡呼喝采！ Watch the Hong Kong Rugby Sevens LIVE on the biggest screen in ... ... <看更多>