#窮撚麻甩佬 | #mll港式 #mll元朗
好耐好耐之前，有位麻甩佬既follower推介我地去食元朗既一哥點心🙇🏻♂，一直都未有時間特登入元朗。早排終於去食左了，果真冇令我失望～
-
紫薯流心煎堆仔 $28
依個點心真係超好食！🤑🤑🤑外皮係一層酥脆既紫薯皮，中間係軟冧冧既紫薯蓉再包住最入面既流心奶皇餡，非常出色同特別。一啖咬落去流曬啲奶皇餡出黎👍🏻，算係必叫既一味點心。
-
千島醬脆皮蘿蔔糕 $28
就咁睇圖都唔知係蘿蔔糕黎😂，炸粉落得唔算多，所以個外皮都唔會太厚。出面炸得脆卜卜，而入面既蘿蔔糕軟冧冧，口感都幾特別。表頭有少少木魚花，加埋千島醬一齊食，十足十食緊章魚小丸子咁🤯。港女表示非常鐘意，而我就覺得幾特別幾好食（但都係傳統蘿蔔糕好食啲）。
-
韭黃鮮蝦腸 $28
每次飲親茶港女都會叫既蝦腸，但今次食既蝦腸有啲唔同。佢係切開一粒粒既，每粒蝦腸（每粒...😂）都會有一粒蝦仁。佢咁樣切開曬如果多人食係幾好分既，但合番埋一齊其實都係得兩條，不過佢勝在啲蝦又大隻，腸粉皮又幾薄幾滑，咁都拎番啲分既。
-
原隻大蝦燒賣 $28
蝦大大粒，豬肉餡都夠飽滿、皮薄。整體黎講味道唔錯。
-
蒜香炸春卷 $24
春卷炸得幾脆，放左一陣先食都唔會太冧👍🏻。仲有啖啖蒜香味，岩曬鐘意食蒜同煎炸野既朋友。
-
依間既點心多數都比較新派特別，味道亦都唔錯，雖然地點對住係九龍港島既比較偏僻，但都係一間值得一試既點心鋪😋。另外提提大家去既時候係朗屏落會比元朗落近啊😎。
-
店鋪：一哥點心
地址： 元朗教育路89號鴻發大廈地鋪
營業時間：08:00 - 01:00 @ 一哥點心 Yat Gor Dim Sum
一哥點心 在 一哥點心Yat Gor Dim Sum 元朗Yuen long - Facebook 的美食出口停車場
一哥點故網址: https://s.openrice.com/QrbS0rt4900~dAR8_JaaJ地址: 灣仔摩理臣山道1號地舖電話: 26886909~~食評只是個人口味,感受和全自費~~價格及餐廳資訊會... 一哥點心 ... ... <看更多>