「沒有找到出口出去也好，終點一世也未到。」
你點能夠估到鰂魚涌同太古交界竟然有
一個隱世既地下街商店？成個設計都充滿
和風氣息，彷彿走左轉咁大阪咁，好特別。
而當中不得不提高質居酒屋「秋嵐日本料理」，
以平民價錢食盡高檔食材，目前係我食過
性價比最高既日本水產。怪唔得我一路食
一路忍唔住唱起我大神周國賢首地下街…
長居於此，何用再找地圖？👇
-
📌晚 市 御 膳 一 人 前 -
▪ 松 葉 カ ニ 盛 り 丼 - $188
▫ 蟹王蟹后必定要試佢地一人前套餐
「松葉蟹·盛丼御膳」，一次過食勻松葉
蟹腳、蟹肉、蟹膏同埋蟹籽；好欣賞師傅
精緻既擺盤，淨係賣相都流哂口水。而佢地
食材普遍以空運來貨，所以食落每一啖
都相當鮮甜，再將鵪鶉蛋撈埋醋飯一齊食，
入口更加香滑無比。
-
▪ 貝 盛 り 合 わ せ 丼 御 膳 - $188
▫ 正所謂無鮮不食，水產最緊要就係新鮮，
呢個「貝四品·盛丼御膳」有齊最頂級食材，
務求獵取一眾少女心。分別有赤貝、帆立貝、
海膽同埋廣島蠔；要大讚一定係大大隻
廣島蠔，入口夠哂滑溜，帶淡淡海水味，
質感豐富；赤貝夠爽口彈牙；而海膽
鮮甜濃郁，絕無腥味；另外御膳會附上
茶碗蒸同埋味噌湯，咁既價錢仲係邊到搵？
-
📌お ま か せ -
▪ ホ ウ ボ ウ 刺 し 身 - $328/本
▫ 當然刺身控想要再震撼d既話，可以試埋
佢地是日推介既刺身，餐廳會每日挑選
時令季節性食材做主打。而今次有幸試到
「魴 鮄 魚 刺 身」，師傅將原條切成
薄片，肉質食落非常爽口彈牙；而且伴隨
蔥花、酸汁啫喱、蘿蔔蓉比你一齊食；
當然鍾意新鮮原汁原味我建議就咁加
少少青檸汁，就食到最原始既魚香啦！
-
📌炉 端 焼 き -
▪ 松葉カニ肉·カニみそと·竹炭
パツケ一ヅ - $88/3本
▫ 有無可能比我沉醉係呢個「松葉蟹肉
蟹膏·竹炭多士」呀，佢地以岩岩焗起既
竹炭多士再加上火炙芝士，再係面頭
加上松葉蟹肉、蟹膏，邪惡之中帶出
鹹香味；加埋多士鬆脆既口感，
呢個小食無得輸！
-
▪ フランス国產ウズラのモモ盐焼き - $58/3本
▫ 第二款燒物必須要試既「鹽燒法國·
鵪鶉髀」，鵪鶉脾燒到外脆內軟，裡面
肉質完全唔乾身，每一啖都食到充足肉汁，
唔錯；可以加上少少檸檬汁做吊味，
份外惹味。
-
▪ 自 家 製 魚 一 夜 干 し - $148
▫ 呢碟「自家製·一夜干燒魚」我朋友
食得幾啖就比我掃哂，實在太好味，魚肉
每一啖都充滿油香，而且魚皮金黃香脆，
就算影耐左相都無腍到，實在難得；
而且又唔會太多骨，加埋青檸汁，
魚鮮味達到最高境界！
-
📌串 焼 き -
▪ 鹿児島さつま赤鶏·なんこつ - $38/2串
▫ 燒物既最終章「鹿兒島薩摩·赤雞軟骨」，
絕對係雞翼之鬼！表面燒到少少焦香，
而外皮咬落夠哂香脆，而且肉質嫩滑無比，
火候控制到位，絕對顯得師傅功架十足！
-
📎 秋 嵐 日 本 料 理
📍鰂魚涌英皇道1010-1056號東匯坊地庫72號舖
