手推車Lierence，2016年8月5日起第一次 whatsapp聯絡我，五年了，曾經評過Tiny1/43救護車係垃圾，曾經2017玩具展前呼籲車迷唸過先好去Tiny攤位，好似嬲左一年，五年後今天，經過無數歷練，見證他由興趣寫車仔變兼職網媒，再變全職網媒，再成為事業，再成為爸爸，再攪今次全香港第一個車仔展，為香港車仔界寫下最熱血一頁。
凡事要起個頭，不是坐而言，而要起而行，他做到了！
他令我想起一齣我好喜歡既香港電影
「一踏出投手丘，就冇得返轉頭。輸贏都係呢半步！」- 《點五步》
身為車仔界一份子，有幸見證一萬人參觀，拍照，交流，買心頭好，20年前以前去日本 Wonderland, 近年去泰國，去星加坡，去印尼，去馬來西亞各個車仔展，從未想過香港今天可以有個屬於香港人既車仔展，真係好感動，除了企足全個展會，更加買左二千蚊車仔。
近兩年都無乜同行家見面機會，今次傾過夠，咁講，今次車仔展有三個奇蹟，一係估唔到好齊腳，二係估唔到好多人，三係估唔到咁開心，識到好多新朋友。
懷着感謝既心，感謝Lierence ，感謝所有Tiny同事用左17個工作天籌備左一個4000呎，有三架真Mini的車展，真係破紀錄。感謝INNO64, BMC, POPRACE, 老闆的支持，感謝三位車主 Joe, Billy, Folon及 Jonathan幫助，感謝Ubivox Ivan 3D團隊，感謝Tiny各 Fans支持，沒有大家支持，車仔展不可能充滿笑容同笑聲。
現在Tiny的日常小編叫 Natalie, 同 Masaki, Gary合作無間，這三人組只可用沒有最熱血，只有更熱血去形容。
而我，已經無做小編好耐，已經無做方丈好耐，每天繼續以創新思維去行每一步，感謝大家支持，期待下一屆車仔展，不說再見因為一定再見。
https://www.facebook.com/803529159729426/posts/4393129590769347/?d=n
香港人去馬來西亞工作 在 【港人8年移居感受】移居馬來西亞根本回不了頭 - YouTube 的美食出口停車場
馬來西亞 或許給人一種落後的感覺，形象不算怎麼特出。會長、可媛兩個 香港人 移居吉隆坡8年，到底能否習慣在這地方生活嗎？還會常常想著回老家嗎？ ... <看更多>