#新手媽媽二三事 [每天飲奶，再補鈣會唔會超標？]
近年新手媽媽們對懷孕期間的營養意識都普遍提高咗，好多媽媽都知道懷孕期間需要補充葉酸，鈣質，DHA等。但係有陣時又會擔心，唔知會唔會食過量，定係需唔需要食營養補充品。
有時同懷孕媽媽做產前營養咨詢，問佢哋每天會唔會食到兩至三份乳製品，一份等於一杯奶，或兩片芝士嘅份量。
有媽媽話，佢每天飲一杯奶，需唔需要再食鈣片，會唔會超標？
又有媽媽話，佢已經有食鈣片，所以唔需要飲奶。
其實，好多媽媽以為每天飲奶，係因為要補鈣。其實牛奶同乳製品中，除咗鈣質，仲有好多其他營養，包括優質蛋白質，維他命B2, B12, D，以及碘，鉀等等。
仲有，根據衛生署資料，其實一杯全脂牛奶只係含有大約280毫克鈣質，成年人同懷孕初期每天需要1000毫克鈣，到懷孕後期就每天需要1200毫克，所以就算每天飲用一杯鮮奶，其實都係唔夠。
所以如果平時就算飲奶，都建議飲高鈣奶，同埋多吃其他高鈣食物，例如高鈣芝士，沙甸魚，白飯魚，蝦米等。
至於點先算超標，根據美國國家醫學研究院The Institute of Medicine 建議，成年人每天鈣質攝取上限為2000毫克。市面上一般鈣質營養補充品含量大約是500至1000毫克，所以就算每天飲牛奶加鈣片營養補充品亦不會超標，大家不需要太擔心。
#孕期營養 #每天鈣攝取量 #鈣質超標
#營養師 #Nutritionist #AnnieLee
鈣質超標 在 #鈣質超標 - Explore | Facebook 的美食出口停車場
explore #鈣質超標at Facebook. ... 奶，再補鈣會唔會超標？] 近年新手媽媽們對懷孕期間的營養意識都普遍提高咗，好多媽媽都知道懷孕期間需要補充葉酸，鈣質，DHA等。 ... <看更多>