有日一位女士嚟到診所。
佢睇落好嬲咁行埋嚟登記處：「我正式投訴你哋」
正式？點正式法呀？我可唔可以唔正式你個正式呀？
我：「請問咩事呢？」
佢：「我之前喺你哋呢度打過流感針」
我：「嗯？係，跟住呢？」
佢：「跟住我唔舒服囉」
打流感針唔係包之後唔病㗎喎。
我：「係幾時嘅事呀？你俾俾你身分證號碼我呀，我同你睇返個排版先呀」
佢：「喺你哋度打完針個幾月之後就唔舒服啦我」
隔咁耐應該唔會關枝針事呀嘛？你唔好同我講你個人比較遲鈍身體反應比較慢呀…
我：「過咗咁耐呀？你而家仲有冇唔舒服呀？」
佢：「我而家都唔舒服嘅話，你哋間診所就唔會仲喺度啦！」
WOOOO，聽落好勁勁好猛料呀。
我：「咁呀..你之前唔舒服有冇睇過醫生呀？醫生有冇話你咩事呀？」
佢：「感冒呀，你哋啲流感針冇用㗎，你哋打咗啲咩落我度呀究竟？冇用㗎，打完都係會病㗎」
我諗…應該同啲人食完聰明豆一樣。
我：「打流感針唔係預你以後都唔會病啊，而且感冒同流感係兩樣唔同嘅嘢嚟」
我都未講完，佢就拍枱大喝：「你咁樣想推卸責任呀？我去醫委會投訴你！你唔俾返錢我就投訴死你，實死㗎你！」
我想死好耐啦，麻煩你呀唔該你呀，嚟了結我生命啦。
我：「你冷靜啲先，我都係想同你講清楚流感針…」
佢又打斷我對白：「你仲係推卸責任呀！好呀！你唔好怪我呀！我俾晒機會你哋㗎啦！等死呀你」
佢飛快地推門離開診所。
我等咗好耐都仲係等緊死，唔緊要，人人都總有一死，等吓啦，遲早啫。
醫委會投訴 在 建議集體向醫委會投訴，要吊銷罷工醫護專業資格！... - Facebook 的美食出口停車場
建議集體向醫委會投訴，要吊銷罷工醫護專業資格！ https://www.mchk.org.hk/tc_chi/contactus/index.html 有關投訴事宜，你可用以下方式與我們聯絡： 地址: 香港灣仔愛 ... ... <看更多>