[無綫][香港小姐競選2021準決賽]
今年香港小姐以「We Miss Hong Kong」做主題，由5集《美麗同行》佳麗簡介、8集真人騷《STAY-CATION晉級賽》同2集《冠冕繼承者》做賽前項目，到今晚終於舉行準決賽，動員多屆港姐，包括icon中嘅icon，慧妍雅集永遠名譽會長、1977年香港小姐冠軍兼最上鏡小姐朱玲玲現身支持。一眾師姐現身，搶咗唔少參賽者嘅風頭。
另一個特別之處，係由五位男藝人包括錢嘉樂、丁子朗、黃庭鋒、吳偉豪、周嘉洛擔任主持。喺節目開場之時，最有主持資歷嘅錢嘉樂就笑言話今晚係「史無前例咁亂」，而佢亦真係開口中，節目主持情況係幾亂。
除咗好多時疊聲之外，亦都有勁多語言上嘅尷尬位，其中最資深嘅錢嘉樂所講嘅「零位/靈位」、「係咪去食宵夜？」、「我好鍾意芬蘭浴」，似乎係想搞笑，但出嚟效果變得低俗，加上連決賽日子都講錯，成為全晚表現最差嘅一個。
全晚表現最好嘅主持，係出道之初已經主持大騷、第二多主持經驗嘅丁子朗。喺一片混亂嘈雜加滾水淥腳嘅情況下，丁丁可謂carry全場，而事實上佢亦都係全個騷主持得最多時間嘅一位。主持大騷經驗第三豐富嘅黃庭鋒冇乜機會發揮，不過不失。周嘉洛同吳偉豪主持經驗淺，錯失較多，繼續努力。點樣將個人招牌嬉皮笑臉調節到莊諧並重，係周嘉洛嘅主持課題。
#無綫 #TVB #香港小姐2021 #香港小港競選2021
#朱玲玲 #慧妍雅集
#錢嘉樂 #丁子朗 #周嘉洛 #吳偉豪 #黃庭鋒
第二屆香港小姐冠軍 在 #2022香港小姐競選決賽 - Explore | Facebook 的美食出口停車場
《2022香港小姐競選決賽》於25號晚圓滿結束，最終由8號林鈺洧奪得后冠，成為第50屆香港小姐冠軍。而亞軍則由4號許子萱奪得，佢同時亦贏得國際親善小姐。14號梁超怡就同時 ... ... <看更多>