Bat Bat 不嬲鍾意玩多過鍾意食，想同佢食得開心，成日要諗啲玩嘅元素。最近知道原來葵芳新都會廣場歷奇公園隔籬嘅丸十日本食堂8月推出咗 #夏日流水麵四重奏，一睇到人哋啲相我已經決定帶Bat Bat 去玩，呀～ 係去食先啱😆 食完去玩埋歷奇公園，完全就係最正嘅暑期親子活動！
去到叫咗個流水麵餐之後，侍應就會捧部流水麵機過嚟，啲機用保鮮紙封好晒確保衛生，用嘅時候先開封，再喺你面前倒蒸餾水入去，玩得好放心。
Bat Bat 每放一次麵條，見到麵條沿着滑梯滑落去水入面，就會興奮到拍晒手，超好玩咁。四款不同嘅麵色彩繽紛，包括紫蘇梅麵、綠茶麵、蛋麵及素麵，喺水中夾起特別透心涼、特別好食‼️
加埋前菜梅子冷番茄，清新開胃、酸甜有 致，仲有精緻嘅六小碟配菜，加埋入流水麵一齊食，味道層次好豐富。不過當然唔只呢啲前菜啦，仲有三選一嘅和食主菜可以揀，我就揀咗即叫即炸嘅炸蝦天婦羅，朋友個餐就揀咗刺身拼盤，有三文魚、北寄貝、墨魚 、松葉蟹肉同其他時令魚生，呢兩款主菜都好正😋
呢個流水麵餐，3pm起就開始供應至夜晚，所以當食tea又得，當晚餐都得！不過如果大家想玩埋歷奇公園，記得預時間攞籌，公園7pm就關門㗎喇！而家新都會仲有 #梳乎蛋去旅行 嘅打卡熱點，加埋流水麵親子一日遊，去葵芳就當去日本玩咗幾個鐘咁，都幾得意嘅～
#丸十日本食堂
地址：葵芳興芳路 223 號新都會廣場 4 樓 484-487 號舖
電話：3702 0021
夏日流水麵四重奏：$388/份 (加一服務費)
* 每日供應數量有限，售完即止
#親子好去處 #親子餐廳 #親子活動 #流水麵 #葵芳新都會廣場 #歷奇公園
梳乎蛋去旅行 在 蛋黃哥, 梳乎蛋, 晴空塔| Food, Desserts, Pudding - Pinterest 的美食出口停車場
梳乎蛋 cafe 大熱加推！「巢皮」 蛋黃哥菜肉包勁想咬！【 東京旅遊】 | 日本| 新假期 · 係梳乎蛋粉絲都知東京晴空塔係3月20日~6月30日嘅梳乎蛋cafe，如果你無去到嘅話，機會 ... ... <看更多>