【拍 AGA 新歌《See you next time》MV !! 幻愛蔡思韵 & 金都麥子樂演技大爆發】
一聞到薯條味，唔係薯條炸好呀，係 AGA 又出新歌喇！今次呢首《See you next time》，偏向抒情慢板曲風，大家覺得如何呀？
MV 前幾日都出咗，迦迦可能炸緊薯條唔得閒拍，所以搵咗近排分別拍《幻愛》同《金都》而討論度好高嘅蔡思韵同麥子樂演出。蔡思韵大家一定有印象，演過劇集《短暫的婚姻》，近排就緊係大家都講緊嘅《幻愛》啦，歌影視撈晒！男主角就係「少年版林峯」麥子樂，佢五官同千禧年代嘅林峯真係有啲似… 即係《美味情緣》嗰期喺南丫島曬到黑晒嘅林峯。
個 MV 故仔是咁的：大家原本講好結婚，婚紗都試埋，不過最後蔡思韵諗清諗楚，彈出又彈入之下，喺90分鐘完場階段決定悔婚！嘩，今鋪大鑊喇，呢下「愛的迫降」顏碎咗準新郎麥子樂嘅芳心，當場灑下男兒淚（連埋幾撻鼻涕漬）…… 除咗青姐目擊匯豐跌到落33蚊流嘅嗰滴馬尿，我好耐都無見過好似麥子樂呢滴咁真摯咁有感情咁有故事嘅眼淚…… 今次兩位齊齊演技大爆發，都唔洗形容太多，大家去睇吓 MV 啦！
AGA《See you next time》
https://www.youtube.com/watch?v=GD25_lwREl8
#瓊姐音樂台 #新歌介紹番 #介紹番
#AGA #SeeYouNextTime
新歌介紹番 在 #新歌介紹番 - Explore | Facebook 的美食出口停車場
嚟到6月23號下晝6點鐘，天色晴朗，核心外圍32度，熱過核心嘅內圍。今日我地又請到金句王黎明上到嚟#新歌介紹番 節目，同大家吹番幾句水咁樣。 黎明上年53歲生日，有咩生日 ... ... <看更多>