最近我個ward出現咗逃亡潮。
同我最熟最啱咀形嘅同事都相繼離職😭
從來未喺外地長住過嘅鄉下妹，
一下由新界北區搬到嚟墨爾本，
當時無朋友無親人，
可以安心住落嚟真係有賴返工識到一班好同事。
仍然記得當我知道有同事識講廣東話嘅興奮，
佢明明係天津人但係講到一口無口音嘅廣東話。
多謝佢成日當妹咁湊住我，佢交更會叫我避開某啲西到極致嘅白人病人嘅房，驚我處理唔到會喊😂
仍然記得日本同事成日忍受我啲爛英文，有次我想同佢講我只係睇過哈利波特配音中文版，但係唔識「配音」嘅英文，於是我同佢講you know Harry Porter speaks in Chinese 😂😂😂佢唔會笑9我仲表示佢自己都唔知「配音」英文係咩😂😂
仍然記得同印尼妹一齊返night就好似以前返night一樣，要夾定買咩食，make sure成餐有主菜有甜品有嘢飲。
仍然記得同越南妹做team mate我哋永遠都會光速做好所有嘢然後坐定定傾偈。
當然仲有好多一齊出街食飯去大家屋企house warming 一齊講是非一齊玩board game嘅時刻。
唔再係同事就好難繼續做朋友，呢個我諗都係世界通行嘅定理。不過我都衷心好多謝佢哋出現喺我嘅人生入面，唯有祝佢哋一切平安，我要適應做孤獨精喇😞😞
哈利波特廣東話配音 在 哈利波特：鄧不里多死亡片段粵語版配音 - YouTube 的美食出口停車場
哈利波特 ：鄧不里多死亡片段 粵語 版 配音. 100 views 5 months ago. 暗星darkstar ch. 暗星darkstar ch. 50 subscribers. Subscribe. 2. I like this. ... <看更多>