【短評沈大師「巴黎協定吹水會」：見倒左膠向市場力量同全球化跪低，係開心嘅！】
見倒沈大師請咗兩大左膠周澄同林超英講「巴黎協定」吹水會，為咗批判下佢地啲膠論，唯有花啲時間聽下。
基本上周澄同林超英講嘅所謂「美國環保去中心化」並無乜新意，例如州政府Bypass特朗普自行同歐洲簽訂環保條約、潔淨再生能源因為科技發展經已可以同化石燃料進行競爭、美國軍方甚至擔心全球暖化會引伸國際衝突更頻繁出現而影響美軍安危，其實好多報紙都有報導過，唔係有乜新意；而兩者睇法唯一分別係林超英作為極端環保膠經已對「巴黎協定」完全失望放棄、而周澄就認為佢作為國際法框架仲有發展空間。
當然我都有比較意外嘅，就係呢班左膠原來都開始放棄環保一定要有政府主催嘅舊有概念，而開始接受過往佢地完全唔信任，甚至作為批判右派最狠嘅兩個元素：市場力量同全球化，會係將來解決暖化問題、甚至取代美國退出「巴黎協定」後嘅最強「綠色力量」──要左膠承認「自私」比起「道德」更有用，實在係大快人心。
不過一講到中美對待減排問題，林超英同周澄兩條友好快又Switch番去on9 Mode，係咁幫中國辯護，話「人地已經好努力去減排架啦」、「唔做好環保就連政權都會好唔穩定架」，佢地根本唔明白，當中國最有權同最有錢果班都已將家人移居哂外國之後，根本唔介意下面嘅人繼續搞爛中國環境，再高尚所謂環保、綠色理念擺響中國，只會變成一個又一個金錢騙局；中共培養出黎嘅中國人根本唔會存在咩「公德」概念，相比起犧牲部份自身利益獲得整體利益嘅提升，佢地更關心嘅係萬一地球一鑊熟，係咪確保全世界都冚家剷而唔會單單自己蝕底。
至於講到特朗普退出「巴黎協定」係好可惜，因為全球綠色革命領導將會被中國取代──屌真係死撚死人咩，中國作為一個潛在最大污染國、最大浪費再生能源國、最多環保數據造假國，歐洲諸國有乜可能信佢可以做環保政策領導？再加上中國響「巴黎協定」嘅條款咁寬鬆（去到2030先埋單計數，之前做乜完全無指標），要做領導就一定要比啲誠意提高自己嘅減排門檻，但就算佢真係肯做，根本無人信佢真係做得倒。
然後最好笑果PART係，林超英同周澄都力指其實美國近年可以成功壓抑碳排放，係因為將好多高污染生產線轉移到中國，由當地市場成為碳排放代罪羔羊──既然係咁，Trump Trump對中國入口商品徵收懲罰性關稅，咪就係最環保嘅碳排放稅囉！剩係呢樣都足以彌補倒佢退出其實根本無實際約束力嘅「巴黎協定」啦！
最後特別值得一提嘅係，沈大師全程幾乎無講過啲乜，然後又猛話「今次嘅題目好複雜、唔係一般人Handle得到」，但其實周澄同林超英講嘅嘢，都不過係電視報紙新聞水平，一般中學雞通識水平都應該聽得明；反而當佢地講國際關係講到錯哂果陣，又唔明沈大師點解唔出聲「補充說明」一下，唯一解釋係，可能佢恰緊眼訓。
化石燃料通識 在 通識書不會教你的事（齡記除外） - 【荷蘭法院裁殼牌須減排創 ... 的美食出口停車場
最新、最正嘅通識議題，盡在 齡記通識網︰lsweb.lingkee.com 齡記通 ... 表示，希望這一裁決引發針對大污染者的氣候訴訟浪潮，迫使它們停止抽採和燃燒化石燃料。 ... <看更多>