關於 二代包皮槍 ，我們在網路上蒐集到這些相關的討論、資訊與評價

#我的門診手術保險能給付嗎?
#實支實付 買了就無敵?
#割包皮可以用保險理賠嗎 ?
用網誌看更清楚: https://link.medium.com/4DymHX0rg8
👨‍⚕️鳥科大的前言: 保險，在我的觀念裡，就是保障我因為意外生病時，還是能維持現在生活水平不會被影響到太大的一種方式。

隨著觀念的進步，大家越來越有買醫療險的概念。但保單百百種，大家知道應該如何挑選，才能不吃虧嗎？

#魔鬼藏在細節裡😈
你知道嗎，隨著醫療的進步，大概有60-70%的手術是可以用門診手術完成的，但你知道不是所有的實支實付保單都能給付 #門診手術 嗎? (門診手術：意指不用住院就能執行的手術)

今天鳥科大就用醫師以及自己購買保單的角度
帶大家來看實支實付型保單在門診手術是否能理賠的幾個重點：

1⃣ #是否涵蓋門診手術: 有些實支實付是只有給付住院病房費及手術費。
2⃣ 條文屬於 #列舉型 還是 #概括型 : 概括型範圍比較廣，若是未來有新的技術與耗材，也能理賠。
3⃣ 保單內容是否有227條款: 227這個神秘數字代表的是，只理賠『全民健康保險醫療費用支付標準』內第二部第二章第7節內的手術項目，若您的實支實付有這個條文，代表有些您以為是手術的手術，是沒有辦法理賠的。
4⃣ 實支實付是否可以 #副本理賠: 正本只有一份，若是想要多買幾份實支實付保單，也需要先張大眼睛看清楚是否能副本理賠。
5⃣ #手術費? #手術費相關費用? : 在目前的醫療費用中，最貴的不是手術費本身，而是手術衍伸的相關費用，像是：麻醉費、藥費、特殊材料費，大家在理賠之前需要先詢問清楚。

看了這麼多，是不是還是有點不清楚? 這篇文章很推薦大家移駕到網誌閱讀詳細內容。裡面有更多保險條文的案例及說明讓大家更加了解。

🔴網誌連結:https://link.medium.com/4DymHX0rg8
最後提醒大家，鳥科學先生是從自己買保險的經驗以及跟自己較為相關的手術切入做討論，#若有問題還是詢問保險公司是最佳的方式 。

#台北泌尿科 #台北割包皮 #泌尿科推薦 #包皮槍 #割包皮理賠 #北醫顧芳瑜 #北醫泌尿科 #無痛割包皮 #門診手術理賠 #顧芳瑜 #鳥科學 #鳥科學先生 #健保割包皮

《淚催－四位老人家，為了執催淚彈殼，成為了前線》

（前言：香港每一日發生嘅事，都令人好嬲…每日喺條街嬲，睇住Live嬲。
成日問自己，除咗嬲，仲可以做啲咩？
所以…於最荒謬的時候，希望用最荒謬的故事，紀錄一些事，改變一些事。）

「老趙老趙，今日咩區呀？？」

「等等啦陳伯…我企過少少就收到Wifi㗎啦…」

「蓮姐呀，我哋不如…學班後生仔咁…集氣啦！黃大仙！黃大仙！黃大仙！」

「阿娟，算啦…我上到連登啦，佢哋話今日爆冷…竟然係大圍…又有新地圖啦！」

這四位倚在咖啡廳門外的，
是老趙、陳伯、蓮姐與阿娟。

位位都年近70，好命的也子孫滿堂，弄狗享福。
當然，好命的人很多，生壞命的人更多。

他們都是無依無靠的單身老人。

老趙是茶記的老職員、陳伯是掃地的臨時工、蓮姐與阿娟兩姊妹則是每天5am在天光墟中賣舊衫與麵包皮。

說起他們的認識過程，
也是由一粒無情的催淚彈牽起紅線。

回想當日星夜下，
黃大仙殺聲四起，4位老人踢著拖鞋，湊湊熱鬧，不知進退，突然就看見眼前有一面黑旗。

陳伯：「咩嚟嘅？」
老趙：「吓…我老花睇唔到喎…」
阿娟：「前面呢位伯伯…你有冇發現…」
蓮姐：「條街呢…得返我哋4個呀。」

「啪！！！」

一枚催淚彈已經在他們腳邊，
任他們再老眼昏花，也知道此刻需要做的是…

「走呀！！」
四位老人牽著手，以時速…1公里的速度飛奔離開！

陳伯：「阿婆！你跑快啲啦！」
阿娟：「我…我眼瞓啦…冇力啦！」
老趙：「哇！啲煙好乸呀！！！」
蓮姐：「轉…轉個彎啦…」

他們合著眼轉個彎，
終於模到公園的公廁，入內以清水狂洗雙眼，可惜成效不大。

陳伯：「呢啲就係催淚彈啦…」

老趙：「最衰都係啲後生仔啦！讀壞書，日日出嚟搞事！」

蓮姐：「哇，點解洗極都仲咁痛嘅，連對手都痛。」

陳伯：「喂！頂你呀！做咩入男廁呀你！」

阿娟：「邊睇到喎…是但啦！」

老趙：「等等…你發唔發現…你腳邊…一直有煙出呀…」

陳伯機警，一把水淋熄這件「不明物」，
眾人平復呼吸，總算能慢慢睜開眼。

他們單著眼一看…
眼前竟然是個催淚彈殼…

此時，阿娟忽發奇想…
「不如…拎去賣囉…」
＝＝＝＝＝＝＝＝＝＝＝＝＝＝＝

這個清晨，
在「咩都賣」的天光墟中，催淚彈殼以港元hk$200售出。

四位老人十年來，首次去了懷舊冰室，
各自點了一個hk$38的早餐，飽吃一頓。

他們忘不了這份奶油豬的味道；也回不去食麵包皮的日子。

蓮姐把凍奶茶一飲而盡：
「各位同道，等咗70年。睇嚟…我哋嘅時代終於都到啦。」

『時代的革命，不一定只有年輕人。
在社會的不同階層，要努力活著，就存在各自的革命。』

＝＝＝＝＝＝＝＝＝＝＝＝＝＝＝＝
『今日，警方發射超過40枚催淚彈』

陳伯：「老趙！！呢邊呀！執啦！」
老趙：「阿娟，你嗰邊咩環境！」
阿娟：「執咗個啦！」
蓮姐：「散啦！趁地鐵仲通車！Be Water！」

在社會運動之中，市民進化了，會用頭盔、眼罩、豬咀。
四位老人家也進化了。

警方的催淚彈愈射愈多，中間更夾著海綿彈與橡膠子彈…
用手執太慢、他們就用水、
也太慢了，直接拿雪糕桶…

慢慢在前線中演變成一個傳說。

『有4個老人家組成的滅煙隊，手法純熟，來無蹤去無影，活躍於每一區。』

＝＝＝＝＝＝＝＝＝＝＝＝＝＝＝＝
又是另一個清晨。

買家：「喂！買粒彈殼留個念幾錢先？」

阿娟：「嗱！呢粒啦！鎮店之寶呀！500蚊！」

買家：「5舊水？有咩咁特別呀！」

阿娟：「你睇下！呢粒彈殼…過期㗎！！萬中無一，問你死未！」

買家：「唓！728嗰日，粒粒都過期㗎啦！4舊啦…」

阿娟：「一係咁，搭多粒橡膠子彈…6舊！」

買家：「殺你！」

一輪討價還價之後，阿娟笑瞇瞇地收起6張「紅衫魚」。

此時，卻有一把女孩的聲音傳到其耳邊。
「唔該…有冇麵包皮賣？」

阿娟抬起頭，眼前是一位穿著黑色衫，背著大背包的瘦削女孩。

阿娟呆著說：「嗯…我冇賣麵包皮好耐啦，催淚彈啱唔啱？」

女孩輕輕一笑：「催淚彈？……我已經食夠啦。」

6am的天光墟，70歲的阿娟與18歲的她相遇了。

＝＝＝＝＝＝＝＝＝＝＝＝＝＝＝＝
這個女孩叫阿迪，大學生。

在時代需要「被選中的細路」時，挺身而出，
由救護隊，進而成為前線。

內心存有自由的民主種子，
卻不由自主地活在藍絲家庭之中。

每次「發夢」，都要偷偷外出，以「做Project」、「返Parttime」等借口離開屋企，再在回家前「黑Tee變白Tee」。

但每天看見父母還在看Tvb的新聞、對年輕人破口大罵，
被Wtsapp 的廢老group影響，天天向她轉發大量假新聞…

在2019年，
還相信有人願意為「幾千蚊」而上戰線食子彈，
不是智商有問題就是見識不足，見聞太少。

某一天，她的媽媽還是像閒話家常般：
「班後生仔啲口罩…原來全部上晒麻藥㗎！哇！唔怪得咁失控啦，唉，應該都上晒癮！抵拉呀。」

阿迪一直死忍爛忍，於此刻也再難忍住，她喝一聲：
「咁你個女係咪都上晒癮呀？？」

她媽一時不懂反應。

阿迪已經拿起袋，把眼罩、口罩、豬咀通通倒了出來。

「啲口罩我自己買嘅！咩藥都冇！你自己唔信可以試下！」

她媽結結巴巴：「你…你…」

阿迪：「係呀！我612有去、721有去、西環有去、元朗有去、沙田有去、黃大仙有去、葵芳有去、機場都有去…仲要係兩次！！」

她媽：「你…你做咗暴徒？？？？」

阿迪一聽無言，繼而爆發：
「係呀！我做暴徒做到日日食彈，皮膚出晒紅疹、
背脊畀警棍打到瘀曬、用晒啲錢買防具。

我做暴徒做到好似賊咁呀，連屋企人都唔可以知。
點呀？我係咪好暴力呀？」

她媽：「不如……去自首啦阿女…」

阿迪：「救命！！錯嗰個唔係我哋呀，犯緊法嘅，都唔係我哋呀！你都痴線㗎！」

說罷，她拿起袋子就離家出走…

手機裡雖然有很多「聯絡人」，卻不想麻煩任何人。
都18歲了，說「離家出走」，感覺還是太遜了。

於是走著走著，
才發現…自己半粒米沒下肚…而她記得，天光墟…應該有2蚊一大包麵包皮，正在出售中。

＝＝＝＝＝＝＝＝＝＝＝＝＝＝＝＝＝
回到天光墟中，

阿迪奇怪地問：「阿婆，你賣催淚彈殼？咁新穎？」

阿娟：「係呀…唔…唔畀呀？」

阿迪：「賣成點…」

阿娟：「幾好㗎…每次都執到3、4粒。」

阿迪：「想唔想執多啲…賣多啲？我幫到你。」

阿娟：「想…但我做咩要信你？」

阿迪旋即拿出學生證：「我大學讀Econ㗎。」

這張學生證，比起毅進文憑，還是更具說服力。
＝＝＝＝＝＝＝＝＝＝＝＝＝＝＝＝＝

就這樣，四位「50後」與 「00後」攜手合作。

阿迪教識他們上連登、睇Google Map、開新聞App的notification，
拿第一手的資訊，Be water，Together。

加上他們的「滅煙技能」二合一，
得到的彈殼早就足夠開一個「藝術展覽」。

阿迪從中只分4000蚊，足夠在外面找個劏房捱1個月。

另外，天光墟本來就人丁不旺，三不管，
恰巧成為最好的銷售中心點。

阿迪運用經濟學，令阿娟、蓮姐開一檔；
而陳伯、老趙開另一檔。

彈殼本來就沒有「公價」，
有了「比較」，買家的心中就自然覺得「平啲嗰間就係公價」。
＝＝＝＝＝＝＝＝＝＝＝＝＝＝＝＝＝

兩星期過去，這一晚大家在開「慶功宴」－打冷！

「飲杯！」

陳伯：「迪女好嘢！我哋生意蒸蒸日上！」

老趙：「你一開始仲嫌人哋煩㗎！唔記得啦？」

陳伯：「唏！仲好講！嗰時阿娟講到一舊舊咁呀嘛！」

阿迪：「冇所謂啦，大家幫大家！兄弟爬山，各自努力啫。」

阿娟：「不過迪女呀…你皮膚點呀？仲有冇痕？我見你呢排愈衝愈前…」

阿迪：「冇事…應該冇事嘅。就算有事都冇計，而家係社會有事呀嘛。」

蓮姐：「我就真係唔明你班後生？我哋4個老嘢上街，就為咗執彈殼，為自己啫，你哋搞到自己咁，為咩呀？」

阿迪沉思了一會…說：「講出嚟，可能好戇居…為自由囉。」

陳伯爆笑了出來：「為自己都好啲呀！為自由？你而家唔自由咩？」

阿迪：「睇落好自由。

但你諗下…如果第日你上網鬧下政府，都會畀人拉…
想喺公司表達自己意見，會畀人秋後算帳…咁嘅社會，仲叫做自由咩？」

老趙：「咁深我哋唔明㗎啦…同埋你哋成日嗌嗰句『光復香港；時代革命』…我都唔係好知咩意思。」

阿迪：「呢8個字…我諗，應該冇一個好明確嘅definition…」

蓮姐：「咩咩咩唇話？」

阿迪：「哈哈…嗯…你當…呢8個字嘅含意，就係做一件…『自己覺得會令呢個地方變返好』嘅事啦。」

阿娟：「哦…咁又好好呀，不過…有冇諗過返屋企呀。阿爸阿媽冇搵你咩？」

阿迪：「…有搵，不過我冇理。」

蓮姐：「虎毒不吃兒。我諗…」

阿迪：「佢吃呀！佢叫我自首呀！」

阿娟：「佢應該一時間手足無措啫。
有時我哋呢啲老人家唔識嘢，但又想幫到手，多數都幫倒忙。

如果我有個女咁叻…佢覺得啱嘅嘢，就係我覺得啱嘅嘢！呢次！核彈都唔割呀！！」

陳伯：「係囉。冇理由個政府用子彈射個女，你個媽仲撐個政府㗎？？睇住啲後生仔畀人亂拉…佢都擔心你嘅。」

說到這句，大家都靜了。

的確，這四位老人天天走在前線，
有些熟悉的身影、對自己友善的年輕人…的確突然間，會消失。

啤酒沒令任何一個人醉，也沒能阻止一場社會運動展開新的章節。

這晚之後…
網上吹風說：「政府將會用絕對的武力對待抗爭者。」

＝＝＝＝＝＝＝＝＝＝＝＝＝＝＝＝＝
尖沙咀，聚集著一堆市民。

這是因為在中午時份，特首的記者會，依然沒半點讓步。
說話中更帶剛愎自用，視民生如無物；
對記者的回答，依舊沒有人話。

憤怒，繼而上街。

時事評論員們認為，
特首自知時日無多，反正都會下台，
可能會盡地一煲，以絕對武力去制服民眾，作為死前的最後嘶吼。

是夜催淚彈已非「放題」的程度，而是「黃河缺堤」。
對方手上的槍中子彈，亦槍槍見紅。

四位老人家如常上前線，執彈殼，但漸見與平時大有不同。
這個男孩子倒下了；
這個西裝男人也倒下了；
這個師奶都倒下了。

而阿迪呢？他們知道…一定在前線。

陳伯：「今晚唔好執啦…走啦…」

老趙：「好…好…走啦走啦…」

蓮姐：「唔走，今晚我唔走啦。要走你哋自己走啦。」

陳伯：「你做咩9呀？？」

蓮姐：「今日先發現…原來我哋一直做嘅事係幾咁陰質…
班後生喺前面食子彈，我哋喺後面執彈殼呀！！

佢哋，就係為咗其他人嘅利益，一個一個咁瞓低晒啦。

你今日走到，聽日走到咩？
你只要喺呢個地方就走唔到啦。」

阿娟：「我都唔走！我要搵迪女！」

陳伯：「唉…大佬呀！你哋70歲先嚟學人『覺醒』？？
好啦好啦！一齊唔走！
當還返畀班小朋友！咁就頂住條防線啦！」

在一片殺聲之中，
四位老人戴上眼罩，穿起豬咀，拿起殘破的盾牌，擋在一群年輕人的面前，
用老邁的聲線，嗚咽地說出一句：
「小朋友，快啲走…交畀伯伯同婆婆啦…」

他們首次用自己的意志，以自由的解讀方式，說出一句：
「光復香港，時代革命！！」

這班小朋友之中，
其中一個就是阿迪，她緊張大驚：
「你哋行咁前做咩？？走啦！點解唔走呀？」

正前方，
突然舉起了數十支長槍，向前推進，速龍小隊亦已奔襲而出。

戴著眼罩的阿娟，用力推了阿迪一下，說：
「大人保護細路，要理由㗎咩？」

陳伯老趙齊聲大叫：
「你哋走呀！殺到啦！」

年輕人聽令，同時向後衝刺。

四位老人家的斷後，究竟可以換來多少時間？
一秒？

早一秒的起步，換來的可能只是15厘米的跑動距離。
不過，
已經足以令一拿可以抓住你的手，失去目標。

只要你盡了力，就必定有人受惠。

這一夜，
發射了超過14000枚催淚彈，500發難以分明的子彈。

鐵彈殼遍佈大街小巷，
但收集它們的人，已經煙消雲散。

（完）

IG：
https://www.instagram.com/cheungson88/
(ID: cheungson88)

［簡明股票分析: 662 陳智思，94億Book，市值就45億］

（要睇圖就上medium了）

Quite simply，今次冇玩嘢，個題就係what you get。陳智思檔嘢，亞洲金融（662 HK）。呢間公司係佢家族生意，陳弼臣陳有慶家族，泰國華僑。陳弼氏就泰國出世，但個仔陳有慶好似係潮洲出世，陳智思就香港出世，但所以仲有個泰文名 Charnwut Sophonpanich。而662係乜？66唔係地鐵，係泰國嘅dial code．2從何來？正係曼谷。冇人話我知，我亂估的，但應該冇錯。

凡此種種，其實舊post有講過，得閒嘅去慢慢追。（http://bit.ly/2FBd5L5）（ http://bit.ly/2lNtNeV）（http://bit.ly/2lObRkB）

極速sum up就係：662係做金融嘅，以前有銀行，亞洲商業銀行，賣咗畀馬拉佬，就係你而家見到嘅大眾銀行（香港）。662剩返乜？主要係保險。有檔同N咁多人（永亨呀永隆呀創興呀）合營嘅香港人壽，之前賣盤，後來撻Q殺訂。另外佢地仲有一般保險，車保勞保之類。加上泰國有間醫院有股份（medical tourism嘛，食住海南雞割包皮又爽又平啲），係咁多。盤谷銀行都係佢地家族嘢，但唔關662事，倒係盤谷銀行其實係662小股東。

關於陳智思本人任你演繹，始終係建制一部份，你要媽嘅實大把嘢媽。但當年傳佢選特首，而家應該難過何志平做特首。而佢在公在私都多次講唔想做銀行唔想做金融，但奈何係祖業。此外我當年做耆英證券分析員都有睇呢隻嘢，耐唔耐搵下佢傾計，有問必答。你會話係佢工作，係，但我閒日在旺角見到佢佢都好主動同我打招呼。你話係做戲，咁佢都做得好全套。講咁多，總之，我信佢唔會出你古惑。就算古惑都唔會畀其他人古惑。

前事講完，正題，昨日出咗業績。唔係有人講我都冇留意，畢竟隻嘢市值又細，成交又少，冇乜分析員睇。而家公司又多，傳媒都未必會去。新聞有報已經幾難得。（http://bit.ly/2FDe25o）

你見到嘅新聞，就應該會係咁。利潤跌46％，派息都減一大截。點解？都話呢間係金融公司，主要係保險。保險公司拎你啲錢係去投資的 ．舊年咁市況，所有投資都食蕉，包括畢菲特嘅巴郡。

所以你話股價會大跌（寫時係半夜），我唔多信。要明白係跌一早跌咗，因為人人都知舊年股市好差，當時所有啲保險證券股就已經插晒，唔使等今日開牌先知：嘩原來舊年投資環境好差噃咁（咁當然，都有蝕得多同少嘅分別）。正如港交所啲業績冇乜好評，因為日日幾多成交大家有眼睇，你成交一差股價即插—甚至係預計成交會變差已經即插啦。

講返份業績，我覺得幾靚仔喎，甚至覺得幾抵買。當然抵買同會升係兩回事，會升同你應該買又係兩回事。本人冇持有，亦冇任何直接間接利益。都係嗰句，贏錢係你叻，輸錢係你自己揀，冇人拎支槍要你買。

先講盤數。都唔使咩專家都睇到，正係因為投資輸錢累到賺少好多啦，舊年4億8，今年2億6。姑且唔好理咩叫非控股股東權益，總之唔關你事。

但其實個業績遠差於此，見唔見有舊8億嘅 "公平價值變動" ？呢舊嘢就係啲跌咗但未賣嘅東西，係咪「一日唔賣一日都唔係蝕」就觀點與角度，但至少呢舊嘢唔影響盈利（否則你仲邊有2億幾純利？）—不過，呢舊嘢正路係會直接在你個Book度消失咗的！即係點？即係股東冇輸錢，但有舊錢唔見咗—咪即係輸錢咯！一般保險公司都會見到有呢啲情況，所以冇乜人會睇個純利。

戲肉嚟啦喎。你見到，個股東權益（我間住咗嗰度），居然係冇跌到，仲要多咗好多喎，搞乜？明明話有8億要扣嘛。我就當你唔使扣都好，你都係賺2億啫，邊度得嚟由80億book value 變做94億？

個答案，真係比較深。你鍾意可以去份業績慢慢lun（http://bit.ly/2Fw6W2F）。簡單答案就係：第一，咪話賣香港人壽賣唔成，殺訂嘛。但殺訂都係執億幾啫。關鍵就係會計處理，入帳方法唔同咗，就忽然變咗啲嘢出嚟。第二，都係會計東西，唔係佢地獨有，剛剛有啲會計政策變更，詳情不多講，悶死你，但你見其他金融公司都有。但其實上次中期業績都見，唔係全新。

總之，我關心嘅只係一樣嘢。間公司就94億book value，市值就只係45億（自己睇股票機）。如果per share呢？公司9.73億股，寫到明。94億除9.73，每個帳面值就係$9.6左右。股價？而家$4.6（順手你可以乘返9.73億股就知市值係45億）。大折讓噃。
當然啦，唔好天真到咁。大折讓嘅嘢往往係有原因。但662係金融股，亦唔係銀行，本book上面主要都係金融資產，股票債券，而絶大多數係每半年計一次價。照計唔會話同真實價值爭好遠。唔同話拎住啲廠房機器唔知乜嘅工業股。

但，你會話，合和呢？係喎，冇耐前先寫過合和。一樣大折讓到極。一樣話埋你知值68蚊但你都要40蚊投降畀佢。（http://bit.ly/2Fv9ONg）
好，兩個睇法。首先，我當你同合和一樣（地仆街），68蚊嘢40蚊畀返佢，咁隻662都要上到去$5.6，升多兩成先。

第二，我始終相信陳智思唔係胡應湘。唔止係我主觀評價，或其他人嘅評價。你睇公司往績都睇到。事實662從來冇出過咩大問題，雷曼爆煲佢當然都重創，輸咗8億咁滯。但都只係受創，唔係傷元氣更加冇生死存亡嘅問題。而10年後book value 已經一個double．

而最重要嘅係，講多無謂，科水最實際。貼多次畀你睇，見唔見公司嘅股數少咗？因乜？回購咯。都買咗0.5%股本，唔算少了

更正嘅係，啲回購好多都係現股價($4.6)樓上做嘅。有啲天真，但你可以憧憬下，５蚊公司都肯回購啦，大有可能而家繼續。

最後，呢期興咩FinTech InsurTech Proptech，公司都有呢啲新聞（http://bit.ly/2FBVrqF）。我唔會抱咩好大期望，但得個知字。最後賣盤畀大陸佬亦唔係出奇。

懶計數，但即使未計賣盤私有化之類，我理解呢，過去咁多年，你買呢隻嘢，應該多數時間都係跑贏恒指嘅。當然，成交係心乜，同埋悶到你抽筋，就係一個問題了．亦當然，過去表現不代表將來，羅素隻雞畀人劏之前都係好幸福的