之前我哋都有介紹過，iPhone XS Max同iPhone Xr 在香港、澳門同中國內地賣嘅係真雙卡嘅版本，唔少打算今年唔換電話嘅朋友，都因為呢個等咗好耐嘅功能而改變主義。咁究竟iPhone呢個「第一代」雙卡嘅體驗又係點呢？ 今日就同大家試真啲！
要入兩張SIM卡，同一般Android手機都幾唔同，因為通常Android手機兩個卡槽都係分開嘅，但iPhone嘅兩張卡，就用上咗前後置嘅設計，確實可以慳翻手機嘅位置，亦令呢部真雙卡手機同使用eSIM技術嘅版本外觀一致。不過當我初初將放晒兩張SIM卡嘅卡槽放翻入部機嘅時候，其實都有啲唔太習慣，怕向後面那張SIM會跌出來，相信都要一段時間先可以適應喇。入咗兩張SIM卡，之後介面就會顯示兩個唔同嘅訊號同埋強弱，另外，如果你唔鐘意佢預設嘅SIM卡名，亦可以好似我咁自行輸入！你亦可以在設定介面入面，揀番用邊一張卡做語音、邊張做數據，非常簡單。 今次我一個人快閃台北，就即管試下唔用Wifi蛋，直接插張卡落後面嘅卡槽。飛機到咗台北後，熄番飛行模式，入設定揀番用呢張卡行數據… 睇下，已經可以上到網喇！
另一方面，我亦都測試咗呢部機行雙卡嘅實際運作情況。舉個例，我將平時用開嘅卡放咗在向機面嘅卡槽，另一張卡就放在向機背一面，而數據就用緊向機面嘅卡。呢個時候，我哋係可以不斷上網，完全無問題喇。但係如果當向機背一面嘅SIM收到電話，我再嘗試用部機上網，係完全上唔到！ 要等到電話講完，上網先回復翻正常。由以上嘅測試睇到，雖然 iPhone Xs Max 係支援雙卡雙待，但原來只係支援單通，即係一張SIM卡接通咗語音之後，另一張SIM卡係會暫時停止運作架！
我哋亦都發現，原來只有向螢幕一邊嘅SIM卡先可以設定係唔係使用VoLTE功能，而在面向機底一邊嘅設定係會無咗呢個選項架！ 唔信？好，我將兩張SIM卡調轉，再睇下，情況都係一樣。呢個分主副SIM嘅情況，將來唔知可唔可以透過軟件更新去變成雙VoLTE嘅手機喇！
新一代嘅 iPhone Xs系列除咗操作更暢順之外，更支援每秒1000Mb嘅理論下載速度，咁對比上一代 iPhone X，部機上網又係唔係真係快咗呢？ 呢刻身處尖沙咀嘅我，就分別用咗Speedtest同埋香港Ofca嘅手機應用程式做測速。下載方面，兩個測試都睇到新一代Xs系列有好輕微嘅優勢，上載方面，就真係快咗好多喇！
《Z世代達人》
麥卓華
iphone volte顯示 在 關於Iphone VoLTE開啟- Mobile01 的美食出口停車場
關於Iphone VoLTE開啟- 1. 已經致電中華電信開啟VOLTE功能，並重開機。2. 設定行動數據裡面沒有看到"啟用LTE選項。3. 目前版本是11.1.1，是因為版本太 ... ... <看更多>