關於 hkfoodie_life_深水埗 ，我們在網路上蒐集到這些相關的討論、資訊與評價

📍sʜᴀᴍ sʜᴜɪ ᴘᴏ, ʜᴏɴɢ ᴋᴏɴɢ 🇭🇰
<茶香Cafe必食嘅伯爵茶蛋糕果然... TeaHub>
小編對於上次去Tea Hub食唔到伯爵茶戚風蛋糕一直都耿耿於懷🤷‍♀️所以上個禮拜就約埋朋友一齊去多次，好好彩今次終於食到喇👏
-
🍴茶食套餐
評分：8/10
今次茶食套餐嘅前菜小編就揀咗柚子汁豆腐，茶湯冷麵配柚子蜜漬蝦仁🍤同百香果雞翼。店舖嘅茶湯冷麵其實係以素麵配昆布烏龍茶湯☺️
柚子汁豆腐嘅味道入口食落有少少微酸，都幾開胃😯而且本身個豆腐味都幾突出，成個配搭啱啱好🤪至於個茶湯冷麵方面，天時暑熱食冷麵真係超正呀🤭麵條嘅軟硬度適中，仍然帶有少少爽滑嘅感覺☺️而且個茶湯本身帶有好重嘅昆布香味，所以整個冷麵入口嘅味道都唔會太過單調🤔而個柚子蜜漬蝦仁同百香果雞翼方面，柚子蜜漬蝦仁入口食落爽口，而且味道唔會太甜🤗帶有陣陣清香嘅柚子香味，同時蝦仁入口食落亦都有種柚子胡椒嘅香味😌所以成個蝦仁嘅味道都非常有層次🤫；百香果雞翼入口味道香甜，百香果味唔算太重反而食到有陣陣果味😅香濃嘅香橙味，令成個雞翼嘅味道都非常清新😆
價格：HKD $80（附前菜、飲品）
-
🍴蝶豆花芝士醬雲蛋多士
評分：7.5/10
多士表面塗上左加入蝶豆花製作嘅芝士醬🧀，表面放上以蛋白雲蛋同蛋黃🥚然後再放入焗爐，最後再喺多士嘅旁邊放上沙律菜🥬。
雲蛋多士個樣真係超級靚呀，藍色嘅芝士醬🥰表面仲要放上雲蛋，影相打卡真係超級靚啦😉入口味道方面，多士本身嘅麵包落外脆內軟，而且麵包入口食落嘅質感略帶煙韌😝配上帶有淡淡鹹香味嘅芝士醬，同香濃嘅蛋黃味，成件多士入口嘅口感味道都非常豐富😚另外，多士旁邊仲放咗少少沙律菜喺度，所以入口食落健康之餘，亦都非常飽肚，作為一個下午茶來講真係啱啱好😏
價格：HKD $64
-
🍴柚子戚風蛋糕
評分：7/10
原味戚風蛋糕嘅中間唧入左滿滿嘅牛乳忌廉🥛，蛋糕表面再放上加入左柚子醬製成嘅柚子忌廉，最後再喺蛋糕表面放上薄荷葉同果仁碎作裝飾🤪
蛋糕入口食落口感鬆軟而且濕潤，同時蛋糕亦都帶有香濃嘅雞蛋味🤗配上中間質感幼滑同大有香濃牛奶味嘅牛乳忌廉一齊食，兩者嘅味道互相輝映配合得天衣無縫😝而係戚風蛋糕表面嘅柚子忌廉中間夾雜着一粒粒嘅柚子係入面，所以成個忌廉嘅口感都會比較豐富😉而且味道亦都會比較清新，忌廉嘅味道亦都唔會太甜。整體來講，雖然蛋糕入面嘅柚子味唔算太重🤔有少少失望，不過單以味道來講已經算係相當唔錯😌
價格：HKD $55
-
🍴伯爵茶戚風蛋糕
評分：7.5/10
伯爵茶戚風蛋糕中間同樣係唧入咗牛乳忌廉🥛，表面再放上加入左伯爵茶茶葉製作嘅伯爵茶忌廉🥰最後就係蛋糕表面放上車矢菊、果仁碎同薄荷葉作裝飾😝
呢一款戚風蛋糕小編上次已經超級想試㗎啦，不過當時去到就賣晒😔所以今次去到仲有喎，就梗係即刻叫個啦！戚風蛋糕入口食落口感鬆軟，而且中間有大量嘅伯爵茶茶葉碎喺度😜所以連蛋糕入口食物都有淡淡的伯爵茶香味。配上牛乳忌廉一齊食，牛乳同伯爵茶兩隻嘅味道比例調配得啱啱好😚所以成個蛋糕入口食落嘅味道都唔會過於單一。連埋蛋糕表面嘅伯爵茶忌廉一齊食，整個蛋糕嘅伯爵茶味就會更加突出😋的確係相當唔錯，難怪會成為搶手貨😳
價格：HKD $55
-
🍴大紅袍雪糕
評分：7.5/10
大紅袍雪糕入口食落茶香味濃😘而且雪糕嘅甜度比較低，大紅袍嘅茶香味突出，雪糕入口食落都唔會食到有一粒粒嘅冰粒，冰感唔算太重🤔而且雪糕嘅質感都尚算幼滑。另外，喺雪糕球底下有啲粟米片喺度，所以入口口感都非常豐富😏
價格：HKD $18
-
🍴DIY抹茶鮮奶
評分：7.5/10
呢一杯抹茶鮮奶要自己落手落腳整㗎😌首先要用茶筅將宇治抹茶刷攪至形成濃厚泡沫，然後再倒入鮮奶裏面，製作出呢一杯抹茶鮮奶😏
你一杯抹茶鮮奶真係玩味十足，飲得又玩得😎小編係將抹茶倒入鮮奶之前就試咗抹茶本身個味道，抹茶入口飲落有回甘，而且略帶有少少苦澀味☺️仔細品嚐下就覺得有啲似Kitkat抹茶朱古力嘅香味😂抹茶鮮奶入口嘅抹茶味仍然非常香濃，不過就冇咗回甘嗰種香味🤔但就仍然會帶有少少苦澀味，而且抹茶鮮奶入口嘅味道亦都唔會太甜，質感亦非常幼滑😋
價格：HKD $41
-
🍴玫瑰阿薩姆奶茶
評分：7/10
呢一杯奶茶以阿薩姆紅茶☕️配上鮮奶🥛，混合玫瑰糖漿🌹調配而成。
奶茶入口嘅茶香味雖然唔算太重，但隱約仍然可以飲到有阿薩姆紅茶嘅香味😚而且當中又會夾雜着淡淡嘅鮮奶香味，所以兩者嘅味道都平衡得啱啱好😜再者，奶茶入口亦都會飲都有香甜嘅玫瑰香味，而且奶茶嘅味道亦都唔會太甜🤗
價格：HKD $41
——————————
店舖名稱：TEA HUB
環境：5/5
服務：4.5/5
地址：深水埗順寧道439號順寧居地下2號舖
交通：港鐵長沙灣站C2出口，步行約7分鐘
——————————
#hkfoodie_life_深水埗
附近鐵路沿線仲有咩食👇
#hkfoodie_life_荃灣綫
同類型食物嘅介紹👇
#hkfoodie_life_蛋糕
#hkfoodie_life_Café
．
．
．
．
．
#TeaHub #chiffon #cheesecake #matcha #matchaholic #戚風蛋糕 #伯爵茶戚風蛋糕 #伯爵茶蛋糕 #伯爵茶控 #雲蛋多士

📍sʜᴀᴍ sʜᴜɪ ᴘᴏ, ʜᴏɴɢ ᴋᴏɴɢ 🇭🇰
<深水埗以茶入饌文青小店 TeaHub>
其實小編Bookmark左呢間餐廳好耐㗎啦☺️不過一直都唔係好敢去，N咁多樣嘢想試😏絕對冇可能食得晒😳但係近日小編終於夾到時間拉大隊去試啦👏
Tea Hub係一間以茶做主題嘅餐廳，小店所有嘅食物都以茶入饌☕️，而且飲品亦都有好多唔同嘅茶類選擇。另外，小店嘅裝潢簡約🥰以白色配淺木色，有啲小清新，同時亦充滿文清風😜
-
🍴燒雜菜咖喱蛋包飯
評分：7.5/10
蛋包飯以滑蛋蓋上白飯🍚，旁邊再淋上咖喱汁🥘，同放上以薯仔🥔、蘿蔔🥕、黃椒、紅椒、洋蔥同茄子🍆配上茶葉調味炒制而成嘅燒雜菜。
蛋包飯入口食落有非常重嘅蛋香味🤤而且滑蛋煮到半熟嘅質感非常嫩滑，配埋個日式咖喱汁🍛一齊食非常有日式風味，而且咖喱汁本身質感比較稀，味道好香但係唔辣😜所以同蛋包飯本身嘅味道都非常夾😳至於個燒雜菜方面，雜菜粒口感軟淋，而且亦都非常入味，但食落真係唔係太食得出有茶香味😂不過入口食物就非常惹味😜整體來講，呢一碟蛋包飯嘅味道都相當唔錯，雖然只有雜菜，但亦相當好味😆
價格：HKD $80（附前菜、飲品）
-
🍴黑芝麻戚風蛋糕
評分：7.5/10
黑漆漆嘅蛋糕加入左日本芝麻醬製作🤫而且當中嘅忌廉亦都加入左磨碎嘅黑芝麻，絕對係芝味十足😉
小編試唔到佢哋嘅招牌茶味戚風蛋糕確實有少少失望😔不過好彩呢一個黑芝麻戚風蛋糕即係相當唔錯🤪蛋糕足足有成3.5吋，絕對夠兩個人食🤔而且入口有好香嘅黑芝麻香味，但又唔會好甜同有浸焦味，而且蛋糕入口口感鬆軟😋雖然就唔算太濕潤，不過中間有啲牛乳忌廉同黑芝麻忌廉，所以入口亦唔會太乾身😝牛乳忌廉方面，入口有好重嘅奶香味，質感亦非常幼滑，而且甜度亦比較低🤭至於個黑芝麻忌廉方面，入口會食到有類似芝麻碎嘅口感，所以入口亦會有比較香嘅芝麻味😏而且亦都會令成件蛋糕嘅口感更加豐富🤓
價格：HKD $55
-
🍴桂花豆腐芝士蛋糕
評分：7.5/10
🍰蛋糕以豆腐芝士蛋糕🧀配搭桂花啫喱🌼，表面再淋上少少桂花蜜製成，蛋糕感覺上都比較清新🤗
蛋糕一入口由於表面嘅桂花啫喱影響，所以入口會食到有好重嘅桂花香味😝跟住就會有少少芝士味走出嚟，最後先會食到有豆腐嘅香味😯成件蛋糕整體嘅味道都比較香甜而且清淡🥰芝士蛋糕嘅質感並唔係好結實嗰種，反而帶有少少軟身，有些少似食緊慕絲嘅質感🤔都幾特別。餅底亦都屬於比較結實嗰種，所以入口口感會比較鬆脆😎而且芝士蛋糕表面仲有一層桂花啫喱喺度，爽滑嘅啫喱亦都豐富左成件蛋糕嘅口感😆
價格：HKD $36
-
🍴伯爵茶蝶豆花卷蛋
評分：7.5/10
卷蛋嘅蛋糕本身加入左蝶豆花入去製作🤗製作出藍色嘅蛋糕睇。而中間就係混合左伯爵茶嘅忌廉，卷蛋表面再以矢車菊作裝飾☺️
藍色嘅蝶豆花卷蛋真係非常搶眼😍雖然旁邊嘅伴碟簡單，但亦都係非常之靚，有種簡約美嘅感覺🤫卷蛋入口口感鬆軟濕潤，而且甜度亦比較低😚同時因為蝶豆花入口都無味嘅，所以食落有淡淡的蛋香味。至於中間嘅伯爵茶忌廉方面，忌廉入口口感軟滑🤗而且食落亦有比較重嘅奶香味，隱約間亦都可以食到有少少伯爵茶獨有嘅佛手柑香味，但本身伯爵茶嘅茶香味唔算太重🤫只係淡淡地咁樣，所以卷蛋整體嘅味道亦都屬於比較清新，相信即使唔係伯爵茶愛好者但應該都可以接受到嗰種香味🥰
價格：HKD $36
-
🍴冷泡玫瑰祈門紅茶
評分：7.5/10
冷泡茶入口紅茶味香濃，隱約飲到帶有少少玫瑰花香味😳而且冷泡茶入口味道完全一啲都唔甜，以餐飲來講仲要唔使加錢真係超級抵☺️不過茶飲入面嘅冰涼有少少多，就算杯飲品飲晒都仲有冰喺度，真係超級誇張🤣不過就冇話飲到有頭痛嘅情況出現，所以都算係咁啦😁
價格：HKD $FREE（跟餐）
-
🍴櫻花奶茶
評分：7/10
櫻花奶茶以櫻花泥🌸、黑茶☕️同鮮奶🥛調配而成，成杯飲品嘅感覺都非常春日😜
奶茶入口嘅奶香味都幾重，喺好重嘅白豆蓉香味當中隱約飲到有少少黑茶嘅茶香味🤭但個櫻花味依然都係幾香，並唔係臭怪味嘅櫻花味😝不過奶茶整體入口嘅味道有少少偏甜🤔可能係因為個白豆蓉本身都自帶甜味嘅影響。另外，奶茶入口嘅口感都尚算細膩，所以總括來講都算係唔錯😳
價格：HKD $42
-
🍴蘋果花紅茶
評分：7.5/10
茶飲本身嘅紅茶味比較重😏隱約間會飲到有少少花香味，仲帶有少少甜甜地嘅蘋果果香味添😋所以茶飲飲起嚟亦好順喉，唔會太濃味😘而且茶飲入口嘅味道亦非常有層次。再者，茶飲聞落亦有輕微嘅蘋果香味😆
價格：HKD $35
——————————
店舖名稱：TEA HUB
環境：4.5/5
服務：5/5
地址：深水埗順寧道439號順寧居地下2號舖
交通：港鐵長沙灣站C2出口，步行約7分鐘
——————————
#hkfoodie_life_深水埗
附近鐵路沿線仲有咩食👇
#hkfoodie_life_荃灣綫
同類型食物嘅介紹👇
#hkfoodie_life_蛋糕
．
．
．
．
．
#TeaHub #chiffon #cheesecake #戚風蛋糕 #蛋包飯 #芝士蛋糕

📍Hong Kong 🇭🇰
<深水埗超人氣車仔麵店 文記車仔麵>
呢一間文記車仔麵喺深水埗超有人氣，一條街有成三間鋪頭，就知佢有幾把炮啦，所以時不時都要排隊先有得食。小編咁懶就梗係要買外賣返屋企食啦！下次有機會先再堂食😔
雖然係車仔麵但就一啲都唔馬虎，單係餸就已經有成58款，餸價錢由＄9 -＄12不等。而且麵底都有成13款可以俾你選擇，亦都係＄8 -＄9，就連平時比較少見嘅番薯粉同埋銀針粉都可以喺呢度搵到。湯底嘅選擇亦都有三款，分別係腩汁、瑞士汁同埋清湯。如果想個車仔麵入口更加惹味仲可以自行決定使唔使額外加辣汁、咖喱汁或沙嗲汁。
🍴車仔麵
評分：9/10
小編今次第一次試就梗係要試吓佢哋嘅十大必食推介啦，今次小編就揀咗滷水豬大腸、自製韭菜餃、手打魚肉同清甜蘿蔔。而家麵底方面就係揀咗平時極少見嘅番薯粉。
雖然個滷水豬大腸只係叫咗一份，但係個份量係極多呀，食極都仲有。豬大腸洗得都幾乾淨，而且肥腸同瘦腸都有。而且入口可以食到有好香嘅滷水味，超入味啊，真係超正！仲要全部都好大件😊
另外小編覺得韭菜餃亦都係必試丫。韭菜餃脹卜卜咁，雖然只有三隻，但都值得一試。不過可能由於今次小編係叫外賣嘅關係，個餃子皮一夾就爛晒。不過韭菜餃個餡韭菜同豬肉嘅比例做得啱啱好，而且入口有好重嘅韭菜味。
小編亦都超級推薦佢哋嘅手打魚肉，魚肉爽口彈牙，不過份量就可能有啲少。但係小編就欣賞佢哋個手打魚肉裏面完全係一條魚骨都冇👍不過可能下次就唔會再叫，因為就唔算話太過特別。
蘿蔔入口就比較清甜，而且冇渣。如果本身係好鍾意食蘿蔔嘅話一定要叫丫！
番薯粉入口煙韌，而且亦都超級有彈性。麵條嘅size比較粗，而且份量都幾多下，所以絕對係食得飽架！配買個腩汁湯底絕對係冇得彈啊，最重要係食完個車仔麵之後唔會超級口渴架！
呢度嘅車仔麵真係超級個人化，而且味道仲要冇得彈，所以小編真係超級鍾意食呢度嘅車仔麵啦！唔知你哋心目中最正嘅車仔麵又係邊度呢？
價格：HKD $9（腩汁蕃薯粉）+ HKD $10（滷水豬大腸）+ HKD $10（自製韭菜餃）+ HKD $10（手打魚肉）+ HKD $9（清甜蘿蔔）
——————————
店舖名稱：文記車仔麵
環境：2.5/5
服務：3/5
地址：深水埗福榮街121號地下
交通：港鐵深水埗站D2出口，步行約2分鐘
——————————
#hkfoodie_life_深水埗
．
．
．
．
．
#cartnoodle #noodle #streetfood #文記車仔麵 #車仔麵 #車仔面 #港式美食 #粉麵 #麵食 #豬大腸 #韭菜餃 #餃子 #番薯 #滷味 #街頭小食