【「花劍隊大師兄」張小倫IG直播講鬼網民推爆 】
人氣這回事，確真話嚟就嚟！
現年36歲、人稱「花劍隊大師兄」的香港劍擊運動員張小倫（Shawn），自從早前東京奧運賽事之後，已跟同屬「劍擊F4」的奧運金牌得主張家朗直飛深圳，並隨即入住酒店隔離，稍後便會「出關」參加在陝西舉行的「第14屆全運會」。
隔離是一件絕對會悶出鳥來的事，所以張小倫除了瘋狂在房間做Gym外，亦會抽時間回覆網友訊息，更與隊友在Instagram開直播吹水解悶。有趣的事情發生了！期間因為張小倫經常分享大量親身經歷的靈異事件，經過其繪形繪聲描述後，令直播區霎時間「寒氣」迫人，就連有份做聽眾的吳諾弘亦嚇到要揞耳仔，結果相關內容被網民「推爆」，成功吸引無綫與ViuTV一同邀請「大師兄」上電視講鬼故。
代表大台的，是由myTV SUPER製作、曾安排於J2播放的《鬼上你架車》主持之一方力申，他在IG限時動態表明來意，「本人希望誠邀你和吳諾弘先生，坐上Donald（「當奴」唐劍康）和我的《鬼上你架車2》。我哋呢（個）咁受歡迎嘅節目，再加埋兩個撞鬼英雄，收視率一定破紀錄。」而代表Sound Bear的是《晚吹 ── 總有一瓣喺左近》的兩位主持：「鬼王」潘紹聰和詹朗林（JJ），其中潘師傅在fb私信給張小倫，冀對方能率先亮相其YouTube頻道的節目《恐怖在線》：「近日來睇到你IG開Live講左（咗）不少鬼古（故），有唔少觀眾也希望可以邀請你透過視頻在我的節目分享，希望你可以抽時間，我們可以傾下。」
對於兩台爭相邀請，張小倫希望讓觀眾提供意向，透過IG限時動態上舉行投票，結果ViuTV以94％得票，大比數拋離只得6%的TVB，不過其實小倫暫時未有任何決定，他透過IG回覆時表明，「對於亮相電視節目擔任嘉賓甚感興趣，但要稍後才能作決定。」據知他最快要到九月中旬完成全運會賽事後才會返港，惟不知道他會否聆聽網民意向，接受ViuTV邀請亮相《晚吹》。
談到擁有大量靈異經歷一事，張小倫坦言自細已知自己有「奇特體質」，能夠感受到甚至看到別人看不到的事，就連家母也知悉此事。「我細細個十歲左右外婆過身，佢好錫我，之後暑假喺佢屋企嗰邊梳化瞓覺，成日瞓瞓下就會見到佢坐喺一張櫈度，好似個影咁。」他笑言自己一直以來都是友儕間的「鬼故王」：「識咗我十幾廿年嘅朋友，或者我啲隊友都知，因為我成日都撞到呢啲，成日都感受到，所以我唔係好驚，但我就會成日分享畀佢哋聽我遇到嘅嘢囉，我喺IG度講，係因為我悶，純粹同大家傾下講下，點知被啲網民推推推推到有主持人叫我上去節目講鬼故。」
張小倫方力申IG Live分享酒店尾房靈異事件：https://bit.ly/3iNI7nX
📸圖片由張小倫提供
緊貼「游大東影視筆記」最新資訊：
▇ facebook專頁： 游大東【鴻鵠志－影視筆記】
▇ instagram： instagram.com/yautaitung
▇ MeWe專頁： mewe.com/p/yautaitung
▇ Telegram：https://t.me/yautaitung
▇ Medium：https://yautaitung.medium.com
（13082021）
#游大東 #游大東影視筆記 #東京奧運 #張小倫 #張家朗 #吳諾弘 #蔡俊彥 #劍擊 #全運會 #方力申 #潘紹聰 #詹朗林 #VIUTV #TVB #鬼上你架車 #晚吹 #總有一瓣喺左近 #鬼故 張小倫 Cheung Siu Lun 方力申AlexFong 詹朗林 做乜膠睇電視 港人講電視 NG LOK WANG Lawrence 吳諾弘 浪遊旅人
fb分享別人限時動態到自己限時動態 在 如何將動態消息貼文分享到Facebook 限時動態？ 的美食出口停車場
經典版行動瀏覽器體驗 · 1. 在您的動態消息貼文下方，點按分享。 · 2. 選擇+ 分享到限時動態。 · 3. 該則貼文將顯示在您的限時動態上。點按即可變更樣式，按住即可移動位置， ... ... <看更多>